Erretiro partzialaren plana luzatzeko akordioa onartu da Mahai Negoziatzailean

Atzo, ekainaren 16an, UPV/EHUko Lan Kontratadunen AZP eta IRIren negoziazio batzordean 2018ko abenduaren 5ean onartutako lan kontratadunen erretiro partzialerako planaren indarraldia luzatzeko akordioa onartu zen.

Araudiari egokitzeko bigarren akordio hau CCOO, UGT eta Madrilgo Gobernuak 2011n sinaturiko eta lan-eskubideen murrizketa ekarritako pentsio-erreformaren ondorioa da. 2018an, indarrean zegoen planaren lehenengo “egokitzapena” egin behar izan genuen; alde batetik, erretiro partzialera heltzeko adina urtez urte igo eta, bestetik, erretiroa eskatzen duen langileak egin beharreko lan-jarduna handitu baita (jardunaren %25etik %50era). Lan-erreformaren aurka bageunden ere, LABek akordio hori sinatu zuen, egonkortasuna aitortuta edo 6 urteko antzinakotasuna duten langileei aplikagarria izatea lortu baikenuen. Heldu berean, LABek ez ditu ez 2015eko eta 2019ko erretiroaren pizgarrien akordioak horietan eskubide hori ez baitzaie behin behineko langileei aitortzen.

Jarraitu Erretiro partzialaren plana luzatzeko akordioa onartu da Mahai Negoziatzailean irakurtzen

Osagarrien egoera: argibide batzuk

CCOO sindikatuak abiarazitako prozesu judizialak beste urrats bat eman du, Euskadiko Epaitegi Gorenak ontzat eman baititu 2018ko protokoloa eta deialdia (2017 arteko merituak ebaluatzekoak zirenak, alegia). Honek desblokeatu du deialdi horren ebaluazioa. Horiek horrela, bi deialdiak 2018koa eta 2019koa “bizirik” daude eta egun hauetan zuetako batzuk hasi zarete jasotzen deialdi horietan egindako eskaeren ebaluazioak.

Jarraitu Osagarrien egoera: argibide batzuk irakurtzen

Kapitala ala bizitza. Zurea da hitza. Egizu posible

Izurriteak guztiz baldintzatutako garaia ari gara bizitzen. Lurrikara eragin du Covid-19ak. Erabaki asko hartu dira pandemiari aurre egiteko, ia guztiak, langileoi bizkar emanda eta langileon kontura. Osasun krisiaren atzetik, orain, bestelako krisi hotsak ditugu ate joka, krisi ekonomiko eta sozialarenak; enplegu suntsiketa gehiago, prekarizazio gehiago, des- berdintasun sozial handiagoak ekarriko ditu, eragozten ez badugu. 2008ko krisia langileoi ordainarazi ziguten, baina oraingo honetan ez gaude prest faktura guk ordaintzeko.

Jarraitu Kapitala ala bizitza. Zurea da hitza. Egizu posible irakurtzen

LABen eskaerak ikasturte berriaren irakaskuntzari buruz

Covid-19aren pandemiak sortutako larrialdi egoerak lan modua moldatzera behartu gintuen EHUko langileoi, non ikasleek ikasturtea erarik normalizatuenean jarraitzea lehentasuna zen. Martxoan irakasleok ekin genion irakaskuntza moldatzeari klaseak online eman ahal izateko. Handik gutxira ebaluazioa ere online modalitatera moldatu genuen. Honek guztiak gainesfortzua ekarri die irakasle gehienei, baita kontziliazio arazoak eta teknologiarekiko arrakalak ere askori, LABen afiliatuei zuzendutako inkestaren emaitzetan ikusi genuenez.

Jarraitu LABen eskaerak ikasturte berriaren irakaskuntzari buruz irakurtzen

LABek borrokan jarraituko du kontziliazio eta telelanari buruzko akordioak ahalik eta langile gehien babes dezan

COVID-19 dela eta, alarma-egoera ezarri zenetik, EHUko zuzendaritzak hainbeste ebazpen argitaratu ditu, aldebakarrez harturikoak. Horrela izanda, 2020 maiatzaren 12ko Gerenteak argitaratzen duen ebazpenak kontziliatzeko eskubidea urratzen zuela salatu zuen LABek. Izan ere, gerentziaren erabakiak, adin txikikoen eta nagusien zaintzagatik indarrean zeuden baimenak bertan behera uzten zituen ekainaren 22tik aurrera, eta, aldi berean, ez zituen eskubide gisa aitortzen lanaldiaren adaptazioak eta murrizketak .

Jarraitu LABek borrokan jarraituko du kontziliazio eta telelanari buruzko akordioak ahalik eta langile gehien babes dezan irakurtzen

EHU eta PCR testak: eman ta zabal zazu?

Aukera ezin hobea galdu da unibertsitate publikoak jendartearen premiazko beharrei erantzuteko, hainbestetan errepikatzen den gizartearen zerbitzuan egotearen izaera erakusteko eta EHUko ikertzaileek egiten duten lana nabarmentzeko.

Covid-19 pandemiagatik alarma estatua ezarri eta egun gutxitara EHUko ikertzaile talde batek, beste ikerketa-zentro batzuetako ikertzaileekin batera, prozedura berri bat garatu zuten PCR testak egin ahal izateko. Denbora errekorrean garatzea lortu zuten, lan-ordu asko sartuz eta auzolanean antolatuta. Apirilaren 8an EHUko Campusa aldizkarian iragarri zenez, prozedura honen berariazkotasuna % 100koa da eta sentsibilitatea %92koa. Gainera, erabiltzen diren kit komertzialak baino askoz merkeagoa da, test bakoitzak 15 bat euroko kostua izanda. Aste bat beranduago EHUk jaso zuen test horiek egiteko Carlos III Osasun Institutuaren baliozkotasuna. Ikertzaileen arabera, prozedura berri honi esker, EHUk eguneko 500-1000 test egin ahal izango luke eta, PCRak egiteko ekipoak dauzkaten EAEko laborategi guztiak koordinatuta, eguneko 10.000 test egitea posiblea izango litzateke.

Jarraitu EHU eta PCR testak: eman ta zabal zazu? irakurtzen

LABek bat egiten du UPV/EHUn pribatizazioen kontrako plataformarekin

Egun, Hezkuntza eta Osasungintza dira pribatizatzeko arriskuan dauden sektore publiko nagusiak. UPV/EHUn, aspalditik ari dira Informazio eta Komunikazio Teknologien zerbitzuak pribatizatzen. Oraingoan, irakasle, administrazio eta zerbitzuetako pertsonal eta ikasleen posta elektronikoak Microsoft Office 365era migratzeko asmoa du UPV/EHUko zuzendaritzak. Hau da, UPV/EHUko komunitatearen korreo elektroniko guztiak UPV/EHUko zerbitzari publikoetatik Microsoft-enak diren zerbitzarietara. Edo bestela esanda, UPV/EHUko “hodeitik” Microsoft-en “hodeira”.

Erabaki honek informatikako zerbitzuen pribatizazioan beste pauso bat izateaz gain, unibertsitateko kideen datu pertsonalen pribatutasuna arriskuan jarriko du. Horregatik, LABeko sail sindikalak adierazpenarekin bat egiten du, non UPV/EHUko zuzendaritzari proiektu hori bertan behera utzi eta IKTko zerbitzuen kudeaketa publiko baten alde egin dezan eskatzen zaion.

Adierazpenaren edukia eta sinatzeko orria blog honetan aurkitu ditzakezu:

https://pribatizazioaristop.wordpress.com

UPV/EHUn aurrez aurreko jardunera itzultzeko Planei buruzko LABen gogoeta eta proposamenak

UPV/EHUko LABek gogoeta eta proposamen zerrenda luzea egin ditu UPV/EHUn aurrez aurreko jardunera itzultzeko Planen inguruan.

‘UPV/EHUn aurrezko aurreko jardunera itzultzeko plana, Covid-19ak eragindako osasun alertaren ondorioz ezarritako konfinamenduaren ostean’ izenekoak ezartzen du plan horiek gerentziara bidaltzeko azken eguna 2020ko maiatzaren 5a zela.

Itzulera-Plan horietako askotan ez da ezagutzen nork egin duen, nahiz eta batzuetan Campuseko eta Gerentziako arduradunek noiz baliozkotu dituzten jakin. Nolanahi ere, horiek guztiak CSSIko kide diren pertsonei aurkeztu zaizkie 1. Itzuleraren ondoren (maiatzaren 12ko Gerentziaren Ebazpenaren arabera, maiatzaren 14an hasten zen), eta 2. eta 3. Itzulera hasi ondoren ere aurkeztu ziren, unibertsitateko Administrazioak joan den maiatzaren 25ean egindako CSSIren bileran jakinarazi baitzituen, 15: 30etik aurrera.

Dokumentua bi zaitan banatuta dago: lehen zatian, zenbait gogoeta orokor azaltzen ditu LABek; bigarrenean Plan hauei begira eta negoziatzeko 23 proposamen azaltzen dira.

Datorren asteazkenean, eguerdiko 12:00etan, batuko da Campus Arteko Segurtasun eta Osasun Batzordea, maiatzaren 14a baino lehen aurkeztu eta eztabaidatu beharko ziren .

Horregatik, langile guztiak horren jakitun egon daitezen hemen gogoetak irakur daitezke, eta beste esteka honetan LABek aurkeztutako 23 proposamenak irakur daitezke.

Osasun azterketa eta testa egitea eskaiozu Prebentzio Zerbitzuari!

Bestalde, UPV/EHUn aurrez aurreko jardunera itzuliko diren langileei unibertsitateak ez die ezelako osasun azterketarik egingo, ezta SARS-COV-2 birusak kutsatuta dauden edo ez jakiteko PCR test motarik ere.

Hori dela eta, maiatzaren 11tik aurrera euren lanpostura itzuli diren eta hurrengo asteetan itzuliko diren langileei UPV/EHUko Prebentzio Zerbitzuari osasun azterketak eta testak egiteko eskaera egitea proposatzen du LABek.

Eskaera egiteko gutun-eredua eskuratu dezakezu hemen (.odt , .doc). Behin gutuna beteta, bidali prebentzio.txostenak@ehu.eus helbide elektronikora.