Kategoriaren artxiboak: Jatorria

EAEko Mahai Orokorraren bilera: Eusko Jaurlaritzaren aldetik negoziazioari ez eta murrizketei bai

Atzo Gasteizen, Mahai Orokorraren bileraren aurrean egindako konzentrazioaren irudia.

Atzo berriro ere bere menpean dauden langileen lan baldintzak negoziatzeko borondate falta argia adierazi du Eusko Jaurlaritzak. Izan ere, ez du elementu berririk planteatu nahi izan Mahai Orokorraren bileran. LABek planteatutako enpleguaren arazoa konpontzeko, eta lan baldintzak eta eros-ahalmena berreskuratzeko planen inguruan ez du ezer entzun nahi izan administrazioak. Entzungorrarena ere egin du gaixotasunen jarraipena mutualitateen ordez osasun zerbitzu publikoak egitearen proposamenaren aurrean. Bileraren aurretik, elkarretaratze bat egin dugu Gasteizen, ELArekin batera, “Zerbitzu publikoak garatu. Lan baldintzak hobetu. Enplegua egonkortu” leloarekin, Eusko Jaurlaritzaren egoitzaren aurrean. Jarraitu EAEko Mahai Orokorraren bilera: Eusko Jaurlaritzaren aldetik negoziazioari ez eta murrizketei bai irakurtzen

Mobilizatzera deitu ditugu langileak, Sanchez eta Cuixarten atxiloketen aurrean

Kataluniako parlamentuak independentziarako adierazpena onartu zuen pasa den astean, etenaldian geratu zena bide negoziatu eta adostuari aukera eman nahian, hau da, negoziaziorako ate bat zabalik utzita. Orduan esaten genuen Espainiako Estatuak ez zutela kontutan hartuko negoziaziorako eskaintza hau. Gure aurreikuspen ilunenak bete dira. Ukazioa eta errepresioa erabili du orain arte Estatuak, debekua eta mehatxua, eta bortizkeriaz erantzun dio prozesuari.

Koska bat estuago joan da orain, Jordi Sanchez ANCko burua eta Jordi Cuixart Omnium Cultural-ekoa baldintzarik gabe kartzeleratuta, delitu larriak egotzita. Oraingoan, Carmen Lamela epailearen eskutik etorri da erabakia, Altsasuko gazteak urtebete kartzelan edukitzeagatik ezaguna gurean.

Onartezina iruditzen zaizkigu atxiloketak, eta Sanchez eta Cuixart lehenbailehen askatzea eskatzen dugu. Gure babes osoa daukate, herriaren borondate demokratikoari bide ematea da euren delitu bakarra; aldebikotasuna ezinezkoa denean, bide demokratikoetatik aldebakartasuna lantzea, hain zuzen ere.

Orain arte bezala, Euskal Herritik gure babes osoa erakutsi nahi diogu Kataluniak abiatutako bide demokratikoari eta konpromisoa adierazi Euskal Herrian ere aldebakarreko burujabetza prozesu soziala martxan jartzeko. Eragileen arteko adostasunak lantzen jarraituko dugu horretarako.

Gaur, Kataluniaren eta demokraziaren alde eta atxilotuak berehala askatzea eskatzeko mobilizazioetan parte hartzeko deia egin nahi diegu langileei. Besteak beste, 19:00etan Gure Esku Dagok herri guztietako plazetan deituta dituen elkarretaratzeetan.

Mobilizazioa eta herritarren aktibazioa da Kataluniaren bidea hauspotzeko tresnarik eraginkorrenetakoa eta ezinbestekoa Euskal Herrian ere aldebakarreko burujabetza prozesu soziala martxan jartzeko.

Erretiroari lotutako deialdiak (Irakasle-Ikertzaileak)

Argitaratu berri dira erretiroarekin lotutako deialdiak, bost guztira. Eskaerak aurkezteko epea 2017ko urriaren 31an amaituko da.

1.- Erretiro konpromisoa + irakats ahalmenaren murrizketa

2017/2018 ikasturteko bigarren lauhilekoari begira, erretiro konpromisoarekin lotutako irakats ahalmenaren murrizketak eskatzeko deialdiak hiru dira, hartu nahi den erretiro motaren arabera (baldintzak betetzen badira, noski!):

A.1)       MUFACEko irakasle-ikertzaileentzat, 65 urte bete aurretik borondatezko erretiroa hartuko badute eta primaren ordez irakaskuntza ahalmenaren murrizketa eskatu nahi badute. MUFACEkoa bazara eta 2018ko otsailerako 55 eta 64 tarteko adina baduzu, hau izan daiteke zure aukera (deialdia).

A.2)       Txanda kontratuaren bidez erretiro partziala hartuko duten irakasle-ikertzaileentzat (lan-kontratudun finkoak, egonkorrak edo UPV/EHUren zerbitzura plaza hutsetan 6 urtetik gora daramatenak) (deialdia). Bi egoera bereizi behar ditugu:

  • 2013 aurreko legedia aplikatuko zaien langileak: 2019 urtea baino lehen 61 urte betetzeaz gain, 2013an sinatutako akordioaren zerrendetan daudenak. Egoera honetan daudenek gehienez bi urtetan disfrutatu ahal izango dituzte dozentzia murrizketak, erretiro data gertu dutelako dagoeneko.
  • Gainontzeko langileak: hauentzat erretiro partzialeko adina progresiboki doitzen doa, gutxienez 33 urtetako kotizazioak bermatuta (ikusi esteka).

A.3)       Gizarte Segurantzako Erregimen Orokorreko irakasle-ikertzaileentzat (funtzionario zein lan-kontratudun, finkoak, egonkorrak edo UPV/EHUren zerbitzura plaza hutsetan 6 urtetik gora daramatenak), erretiro arrunterako edo aurre erretirorako adina betetzean erretiratuko badira (deialdia). Hau da:

  • Erretiro arruntaren kasuan, erretiro adina 65-67 adin tartean kokatzen da, kotizatutako urteen arabera (ikusi esteka).
  • Aurre erretiroa, erretiro arrunterako dagokizun adina baino bi urte lehenagotik eska dezakezu, beti ere 35 urtetako kotizazioak badituzu.

Gogoratu irakaskuntza ahalmenaren murrizketak erretiro data baino 5 urte lehenagotik har daitezkeela eta ez direla bateragarriak erretiro primak jasotzearekin. Hortaz, erretiro adina hurbildu ahala hautua egin beharko duzu. Zure hautua irakats ahalmenaren murrizketak badira eta bete betean disfrutatu nahi badituzu, eskaera garaiz egin behar duzu. Horretarako, zure erretiro-adina eta baldintzak ezagutu behar dituzu (esteka). Zalantzak baldin badituzu, jarri LABekin kontaktuan.

2.- Erretiroa + prima

Irakats ahalmenaren murrizketen ordez erretiro primak eskatzeko hautua egin dutenentzat bi dira deialdiak, hartu nahi den erretiro motaren arabera (baldintzak betetzen badira, noski!):

B.1)        Borondatezko erretiro pizgarriduna, 2018.urtean 60 eta 64 urte bitartean izango dituzten karrerako funtzionarioentzat, eta 63 eta 64 urte bitartean izango dituzten lan kontratudun finkoentzat, borondatezko erretiro pizgarriduna eskatuko badute. Hauek, erretiroa hartzeko unean adinaren araberako ondainsaria jasoko dute (4 eta 18 hileko ordainsarien artekoa) (deialdia).

B.2)        Txanda kontratuaren bidez erretiro partziala hartuko duten irakasle-ikertzaileentzat (lan-kontratudun finkoak, egonkorrak edo UPV/EHUren zerbitzura plaza hutsetan 6 urtetik gora daramatenak), 2017/2018 ikasturteko bigarren lauhilekoan 61 urte beteta badituzte. 61 urte betetzean erretiro partziala hartuz gero, 4 hileko ordainsaria jasoko dute kalte ordainetan (deialdia).

Gaiaren inguruan zalantzak baldin badituzu erretiro-adina eta baldintzak begiratu ditzakezu esteka honetan edo LABekin kontaktuan jarri.

Irakasle-ikertzaileen eremuko negoziazio kolektiboa martxan jartzea eskatzen dugu!

LAB eta Steilas sindikatuok behin eta berriz adierazi dugu lehentasuna ematen diegula negoziazioari eta konponbide kolektiboei. Hala ere, azken urteetan bide judiziala izan da nagusi langileen eskubideak defendatzeko orduan. Baina bide hori salbuespenekoa izan beharko litzateke, lan-baldintzak ez baitira epaitegietan erabaki behar. Horregatik, UPV/EHUko zuzendaritzari esaten diogu, ohizko kudeaketatik eratorritako jarduerez haratago, garaia iritsi dela azkenaldiko blokeoa gainditu eta aspalditik esku tartean ditugun gaiak mahai gainean jartzeko. Irakasle eta ikertzaileen eremuan negoziatu beharreko gaiak asko dira, ugariak baitira konpontzeko arazoak. Hona aurreikusten ditugun batzuk: Jarraitu Irakasle-ikertzaileen eremuko negoziazio kolektiboa martxan jartzea eskatzen dugu! irakurtzen

Catalunyan nahiz Euskal Herrian, herriak erabaki. Konzentrazioak campusetan

Urriak 3, asteartez, Catalunyako sindikatuek eta gizarte zibilak deituriko greba orokorra dela eta, Euskal Herrian ere gehiengo sindikalak lan zentroetan eta hiriburuetan mobilizatzeko deia egiten du.

UPV/EHU-ko 3 campusetan, eguerdiko 13:00etan konzentrazioak deitzen ditugu ondorengo lekuetan:

LEIOA: Mikel Laboa plaza
DONOSTIA: Barriola gelategia
GASTEIZ: Campuseko Errektoreordetza

 

Kataluniako erreferendumari babesa agertzeko Bilbon manifestazioa

LABek eta ELAk uste dugu Euskal Herrian erabakitzeko eskubideak eskatzen duela berau bideragarri egingo duen estrategia, eta hau soilik aldebakarrekoa eta mobilizazioan oinarritua izan daiteke.

LABek eta ELAk dei egin dute datorren larunbatean, hilak 30, “Demokrazia; erabakitzeko askatasuna” goiburuarekin Bilbon izango den manifestaziora. Gure xedea da euskal jendarteak Kataluniako herritarrei itxurazko babesa adieraztea; izan ere, herritarrok uneotan eraso latza ari baitira pairatzen espainiar estatuaren aldetik, hau Generalitateko gobernuak urriaren 1erako deitu duen erreferenduma indarrez eragotzi nahian ari baita.

Jarraitu Kataluniako erreferendumari babesa agertzeko Bilbon manifestazioa irakurtzen

2017ko soldaten igoera. Horrela ere ez dugu eros ahalmenik berreskuratuko

UPV/EHUko zuzendaritzak iraileko nominetan ezarriko du 2017rako %1eko soldaten igoera eta urtarrileko atzeraeragina izango du.

Aberastasunaren banaketan soldatek duten pisua azken hamarkadetan era gordinean murriztu bada ere –erkidegoan BPGren %50etik %45era jaitsiz krisialdiaren urteetan- , oraingo murrizketek, izozketek eta KPIren azpiko igoerak langileen pobrezia areagotzen dute. Jarraitu 2017ko soldaten igoera. Horrela ere ez dugu eros ahalmenik berreskuratuko irakurtzen

Irailaren 28rako mobilizazioak Kataluniari babesa emateko

ELA, LAB, ESK, Steilas, Etxalde eta Hiru sindikatuok urriaren 1ean Katalunian egingo den erreferenduma babesten dugu, eta bere emaitzak onartzeko konpromisoa adierazten dugu. Demokrazia eta herrien autodeterminazio eskubidea da urriaren 1 honetan jokoan dagoena. Horregatik, pauso bat aurrera eman nahi dugu elkartasunetik eta klase aliantzatik, Kataluniako prozesuaren aurrean konpromisoa hartuz eta honen parte aktibo izanez.

Kataluniaren erreferendumaren aldeko mobilizazioak:

BILBO. Moyua plazan.11:00
DONOSTIA. Alderdi Eder, 11:00
GASTEIZ. Gobernuko Azpiordezkaritzan. 12:00
IRUÑA. Gobernuko Ordezkaritzan.12:00

Jarraitu Irailaren 28rako mobilizazioak Kataluniari babesa emateko irakurtzen