Urtebete igaro da mota honetako azken deialdia egin zenetik, eta dagoeneko lehen lauhilekoaren erdialdean gaude. Ezinbestekoa da deialdia egitea, ORAIN! Gainera, deialdiak ez-ohikoa izan behar du, langile batek ere ez dezan galdu erretiro-akordioaren bidez eskuratutako eskubiderik, hau da, akordioan aurreikusitako murrizketa guztiak baliatzeko aukera izan dezan

Gainera, LAB aspalditik ari da eskatzen akordioaren hobekuntzak, batez ere sistema malgutzeko eta disfuntzioak ezabatzeko. Beraz, akordioaren aldaketak negoziatzeko prozesua lehenbailehen abiaraztea eskatzen du. LAB negoziazio horretara eramango ditu ondorengo hobekuntzak, besteak beste:

LAB, ELA, ESK, STEILAS, Etxalde eta Hiru sindikatuok Euskal Herritik Euskal Herrirako izango den deialdia egin dugu azaroaren 11rako, Euskal Herriko Etxebizitza Sindikatuen Sarearekin eta Etxebizitza Sindikatu Sozialistarekin batera: etxebizitza eskubidea berma dadin exijitzeko eta espekulazioari ezetz esateko eguna izango da, baita langileon pobretzearen aurkakoa eta soldatak igotzearen aldekoa ere.

EAEko eta Nafarroako Gobernuei eta patronalei zuzendutako greba da, Madrilen higiezinen patronalarekin lerratu dira EAJ eta UPN, eta Hego Euskal Herrian bai Jaurlaritzan eta baita Nafarroako Gobernuan ere langileen prekarizazioan sakontzeko neurriak ezartzen jarraitzen dute.

Sindikatuak salatu egiten du Eusko Jaurlaritzako sailburuek, eta zehazki Perez-Iglesias sailburuak, eta Eider Mendoza Gipuzkoako ahaldun nagusiak egin dituzten adierazpenak. Genozidioaren kontura negozioa egitea ez da defendagarria.

Berriki hedabideetan publiko egin da EHUko zuzendaritzak CAF enpresarekin duen hitzarmena ez berritzeko erabakia hartu duela, urriaren 8ko gobernu kontseiluan jakinarazi zena. LABek bat egiten du Joxerra Bengoetxeak gidatzen duen taldeak hartutako erabakiarekin.

Gaur goizean, EHUko pertsonaleko gerenteordetzak deituta bilera informala izan dugu Leioan; bertan, sindikatuon ordezkaritzaz eta pertsonaleko gerenteordeaz gain, kargua utziko duen Javier Varona gerentearekin bildu gara. Biltzeko funtsezko arrazoiak Varona jauna agurtzea eta “egoeraren diagnostiko bateratua” egitea izan dira. Horrelakoetan egiten diren kortesiazko hitzen ondoren, egoeraren diagnosiaren gaiari ekin diogu.

Elkarretaratzeak egingo dira ostegun honetan Euskal Herriko udaletxeetan, 19:00etan. LABek bat egingo du mobilizazio horiekin eta dei egiten du, munduko herrien eta langileen aurka ari den inperialismoaren aurrean, elkartasun internazionalista areagotzera.

2023ko urrian Netanyahuk Gazako zerrendan genozidioa beste izenik merezi ez duen eraso eta suntsiketa sistematikoak abiatu zituen, eta proiektu sionistek urte luzez aurrera eramandako palestinar lurraren okupazioa eta eskubide urraketa kontaezinak are muturrerago eraman zituen. Geroztik, milaka eta milaka izan dira hildakoak, zaurituak, etxerik gabe geratu direnak, jatekorik gabe…

Hiru urte igarota, Gazan ez ezik, Zisjordanian ere egoera okerrera egiten ari da. Israelgo Armadaren nahiz kolonoen partetik erasoak eta mehatxuak egunero-egunero errepikatzen dira, eta estatu sionista indarrez lurrak bereganatzen ari da etengabe. Hori guztia, nazioarteko potentzia inperialisten babesarekin eta munduko gobernuen pasibotasunak ahalbidetuta.

Hainbat gatazka sindikal piztuta ditugu LABen, eta gatazka horietako maizterrekin batera antolatu ditugu mobilizazioak. Etxebizitzaren negozioak edonor mehatxatzen du, eta langileak pobretzeko eta prekarizatzeko arrazoi nagusietako bat bilakatu da. Hori horrela, eredua goitik behera eraldatu behar dela aldarrikatuko dugu, eta, horretarako, premiazkoa dela etxebizitzaren merkatuan esku hartzea eta errentismoarekin amaitzea.

Euskal unibertsitateen legea eta erizaintzaren adibidea

Informatu genizuenez [1], Euskal unibertsitateen legearen aurreproiektuari LABek 145 ekarpen egin zizkion gai askoren inguruan, euskal jendartearen beharrei erantzuten dien unibertsitate publiko indartsua bermatzeko, non, besteak beste, finantzaketa, langileen lan-baldintzak edota euskarari arreta berezi eman genien. Era berean, unibertsitate pribatuei diru publikoa jasotzeagatik betekizun batzuk ezartzea eta exijentziak handitzea eskatu genuen. Funtsezko alderdietan gure ekarpenak ez dira onartu.

Pasa den astelehenean EHUko ikasturte hasieraren ekitaldira Imanol Pradales EAEko Lehendakaria ez zen etorri ; bere presentzia hiru lurraldeetako unibertsitate ezberdinen artean txandakatuko duela plazaratu zuen. Aurten Deusto, 2027an Mondragon izan daiteke onuraduna, eta hurrengoan Euneizi ere egokitzen zaiola iragarriko digu agian. Horrela, Imanol Pradales jaunak unibertsitate publikotik berriz pasatu gabe amai dezake bere agintaldia. Ezagutzen dugu EAJren eremu pribatuaren aldeko jarrera, baina oraingoan, Imanol Pradales pausu bat haratago joan dela uste dugu. Zeri eman edo kentzen zaio balioa horrelako erabaki bat hartzen denean? Unibertsitate publikoari zentraltasuna eman beharrean zer adierazi nahi digu Lehendakariak? Zer da bultztatu nahi dena?

Irailaren 14an, Arabako campusean egin den ikasturte berriaren hasiera ekitaldiaren egunean, LAB, STEILAS, ELA eta CGT-LKN sindikatuok elkarretaratzea egin dugu EHUrako beharrezko finantzaketa exijitzeko eta garatzen ari diren euskal unibertsitate lege berriak EHU indartzeko eta euskal jendarteak dituen beharrei erantzuteko eskatzeko. Prentsaurrekoan komunikatu hau irakirru genuen.

Unibertsitate publikoaren defentsan,
Eusko Jaurlaritza: bermatu beharrezko finantzaketa!
Errektoretza taldea: irmo defendatu EHUk behar duen finantziazioa!
Unibertsitate pribatuei mesede traturik ez!

Irailaren 14an, Arabako campusean egingo duten ikasturte berriaren hasiera ekitaldiaren harira, LAB, STEILAS, ELA eta CGT-LKN sindikatuok elkarretaratzea egingo dugu EHUrako beharrezko finantzaketa exijitzeko eta garatzen ari diren euskal unibertsitate lege berriak EHU indartzeko eta euskal jendarteak dituen beharrei erantzuteko eskatzeko.

Irailaren 14an, 10:45etan, Letren fakultatearen aurrean ikusiko dugu elkar.

Unibertsitate publikoaren defentsan,
Eusko Jaurlaritza: bermatu beharrezko finantzaketa!
Errektoretza taldea: irmo defendatu EHUk behar duen finantziazioa!
Unibertsitate pribatuei mesede traturik ez!