LAB UPV/EHU-(r)en bidalketa guztiak

Seiurtekoak laguntzaile doktoreentzat: aurrerapausoa, baina gainerako aldi baterako irakasle-ikertzaileak diskriminatuta jarraitzen dute…

LAB UPV/EHU

Azken Gobernu kontseiluan errektoreak iragarri zuen irakasle atxikiak eta laguntzaile doktoreak hurrengo seiurtekoen deialdian aurkeztu ahal izatea proposatuko dela. EHUko zuzendaritza eta Eusko Jaurlaritzaren arteko elkarrizketen ondorioa dela eta Unibasq-eko Gobernu kontseiluak onartzeko aurkeztuko dela.

Hainbeste urtetan diskriminazio hori pairatu ostean, kolektibo zabal horren kideek aurkeztu ahal izatea aurrerapauso garrantzitsua da, zalantzarik gabe. 2023ko urriaren 13an 541 irakasle ziren.

Jarraitu Seiurtekoak laguntzaile doktoreentzat: aurrerapausoa, baina gainerako aldi baterako irakasle-ikertzaileak diskriminatuta jarraitzen dute… irakurtzen →

LAB sindikatuak salatzen du UPV/EHUk ez duela jardunaldi partzialeko irakasleek egiten duten lana bere osotasunean ordaintzen

IIP

LAB sindikatuak salatzen du UPV/EHUk ez duela jardunaldi partzialeko irakasleek egiten duten lana bere osotasunean ordaintzen

LAB sindikatutik salatzen dugu UPV/EHUk ez dituela aitortzen ezta ordaintzen lanaldi partzialeko irakasleek egiten duten lana bere osotasunean. Izan ere, unibertsitateak eskola- eta tutoretza-orduak besterik ez dizkie aitortzen lanaldi partzialeko kontratua duten irakasleei; ez, ordea, ikasgaien prestakuntzarik, egin beharreko kudeaketa-lanik edo formaziorik. Hori dela eta, 1.000 pertsona inguruk osaturiko kolektibo honen egoera ezagutarazteko eta salatzeko kanpaina bat martxan jarri dugu hiru campusetan.

Jarraitu LAB sindikatuak salatzen du UPV/EHUk ez duela jardunaldi partzialeko irakasleek egiten duten lana bere osotasunean ordaintzen irakurtzen →

Lanaldi partzialdun irakaslei inkesta

IIP, Soldata

Irakasle partzial ugari jasaten ari den prekarizazioaz jabeturik, egoeraren diagnosi bat egiten ari gara LAB sindikatuan. Joan den ikasturtean egin genituen banakako galdeketen bidez jada atzeman ditugu Bitarteko Irakasle Kontratatu partzialak, batez beste, kontratuan ezartzen zaizuen ordu-kopuruaren bikoitza ari zaretela eskaintzen EHUri. Ezartzen zaizuen lan-zama ez dator bat zuen kontratuan agertzen diren klase- eta tutoretza-orduekin. Eta aitortzen eta ordaintzen ez zaizkizuen kudeaketa-lana, formakuntza-lana eta eskolen prestakuntza-lana egiten dituzue dohain. Telefonoz burutu ditugun galdeketen arabera, kontratu partziala duzuon gehiengo nagusiak ikerketa egiten duzue zuen ordu libreetan, geroago EHUren izenean ikerketak argitaratuz, EHUn karrera egiteko bide bakarra baituzue hau. Horregatik inkesta motz hau luzatzen dizuegu, EHUn JARDUN PARTZIALEAN ZAUDETEN ORORI (bai bitarteko kontratudunei bai elkartuei), zuen egoera zehatza zein den jakiteko. Zuen eskubideen alde borroka egiteko beharrezkoa dugu.

Inkestaren LINKa:

Euneiz unibertsitate elitista gelditu

Bestelakoak, Iritzia, LAB Sindikatua

(Berria 2021eko irailak 10)

Oihartzun mediatiko handirik izan ez badu ere, aurrera jarraitzen du Euneiz (European University of Gasteiz) sortzea ahalbidetuko duen legearen bideratzeak. Euneiz egitasmoa Eusteiz 2018 S.A. entitate pribatuak bultzatzen du, ENTI eta Euses hezkuntza-zentro atxiki kataluniarrek eta Baskonia eta Deportivo Alavés kirol-sozietate anonimoek sustatuta. Egitasmo hau proiektu zabalago batean kokatzen da, Innovaraba izen hotsandikoarekin uztailean aurkeztu zena. Eusko Jaurlaritzak proiektu hau, Araba Sport Capital izenburuaz, Next Generation EU funtsetarako aurkeztu du 64 milioi euro eskatuz (horietako 12,5 Euneizerako). Gasteizko Udalak eta Arabako Foru Aldundiak Euneiz finantzatzeko 480.000 euro bana jarriko dutela iragarri zuten. Diru publikoaren desbideratze honen propagandaren ikur nagusiak, nola ez!, honako hauek lirateke: lanpostuen sorrera (433 lanpostu, nola eta non sortuko diren zehaztu gabe) eta EAEko BPGari 12 milioi euro urtean gehituko diola. Esatera ausartu bai, baina zertan oinarritzen den ezagutarazi gabe…

Jarraitu irakurtzen ->

EUNEIZ unibertsitate pribatuaren lege-proiektua bertan behera uzteko aldarrikatu du LABek EAEko Parlamentuko Hezkuntza Batzordean

LAB Sindikatua, LAB UPV/EHU
Ikusi LABen agerraldia [1] [2],
Irakurri LABen adierazpena [3]

Jaurlaritzak onartu nahi duen lege-proiektuaren bidez, EAEko Unibertsitate Sistemaren baitan irabazi-asmoa duen beste unibertsitate bat txertatzeko urrats kualitatiboa eman nahi du, Europan University Gasteiz, EUNEIZ. LABen ustez, kosta ahala kosta, merkatuaren logika neoliberalei eta sistemaren interesei erantzuten dien unibertsitate klasista eta elitista baimendu nahi da, globalizazioaren mesedetara dagoena, eta segregazioak areagotuko dituena.

Jarraitu EUNEIZ unibertsitate pribatuaren lege-proiektua bertan behera uzteko aldarrikatu du LABek EAEko Parlamentuko Hezkuntza Batzordean irakurtzen →

Gipuzkoako Ingeniaritza eskolan gertatutakoaren aurrean LABen adierazpena

Elkartasuna, IIP, LAB UPV/EHU

Atzo, maiatzak 5, Gipuzkoako Ingeniaritza eskolan gertatutakoa kezka handiz hartzen du LABek. Izan ere, ikasle talde bat kexu zegoen irakasgaiaren ebaluazioa gogorra zela eta. Ikasle kontseilutik kexa egin zen modu formalean eta oraindik kexaren ebazpen-prozesua ez dago itxita. Testuinguru honetan atzo ikasle talde handi bat sartu zen eskolan baita irakasle baten bulegora ere kanpoan ikasleak oihuka zeudela. Beste irakasle batzuek bere bulegoetan itxi behar izan zuten tentsio egoeraren aurrean. Langile hauen kontrako ikasleen jokabidea guztiz onartezina dela iruditzen zaigu.

Jarraitu Gipuzkoako Ingeniaritza eskolan gertatutakoaren aurrean LABen adierazpena irakurtzen →

Sistema honek gaixotu eta hiltzen gaituela salatuko dugu Lan Segurtasun eta Osasunaren Nazioarteko Egunean

LAB Sindikatua, Lan osasuna

Asteazkenean, apirilaren 28an, Lan Segurtasun eta Osasunaren Nazioarteko Eguna da, hots, aldarrikapen, mobilizazio eta lan prekaritatearen ondorioz lanean beren lanpostuetan hil eta osasuna galdu duten pertsona guztiak omentzeko eguna.

Urtero legez, euskal gehiengo sindikalak deituta, Hego Euskal Herriko hiriburuetan mobilizatuko gara egun horren bueltan: Gasteizen, apirilaren 27an, 11:30ean, Lakuan; eta apirilaren 28an bertan, Bilbon, 11:30ean, Bizkaiko Aldunditik abiatuta; Donostian, 11:30ean, Lan Ikuskaritzatik; eta Iruñean, 11:30ean, CEN patronaletik.

Apirilak 28: Irakurketa (EAE)Deskargatu

Apirilak 28: Irakurketa (Nafarroa)Deskargatu

A22an Greba! Zerbitzu Publikoaren alde: enplegua egonkortu!

AZP, Egonkortasuna, IIP, Ikertzaileak, Karrera Profesionala, LAB Sindikatua, LAB UPV/EHU, LEP

Euskal Herriko Unibertsitateko (UPV/EHU) langileon artean ezegonkortasuna eta prekarietatea dira azken hamarkadetan pairatzen ari garen sindemia. Sindemia hau sorrera eta eratorri erabat politikoa duen langile eta zerbitzu publikoen aurkako erasoa da.

Eraso honen helburu edota ondorioak agerian dira aspaldi; alde batetik zerbitzu publikoak murriztu eta pribatizatzeko dinamika estrategia neoliberaleko ardatz eta helburu nagusienetarikoa da. Bestetik ondorio nagusia prekarietatea da. Errealitate multidimentsional eta gordin honen adibide dugu UPV/EHU; hamarkadetako behinbehinekotasuna, karrera profesionalik gabeko enplegu publikoa eta soldata-diskriminazioa kasu.

Jarraitu A22an Greba! Zerbitzu Publikoaren alde: enplegua egonkortu! irakurtzen →

Patronala eta polizia eskuz esku aritu dira sindikalismo borrokalariaren aurkako operazioan

LAB Sindikatua, Mobilizazioa

Operazio koordinatu batean, Espainiako Poliziak LAB sindikatuko 6 kide atxilotu ditu Nafarroan -bortz Iruñean eta bertze bat Altsasun-, martxoaren 8an CEN enpresaburuen elkartearen egoitzan eginiko protesta batengatik eta apirilaren 9an Garbiketen greba iragartzeko ISN enpresako kamioi baten gainera igotzeagatik.

LAB sindikatuak salatu du patronala eta polizia elkarlanean aritu direla sindikalismo borrokalariaren aurkako operazio honetan, CEN patronalak eta ISN enpresak eginiko salaketa batzuen harira egin baitituzte atxiloketak.

Jarraitu Patronala eta polizia eskuz esku aritu dira sindikalismo borrokalariaren aurkako operazioan irakurtzen →