LAB UPV/EHU-(r)en bidalketa guztiak

LABetik ikertzaileen lan-baldintzak hobetzeko jarraitzen dugu lanean

LAB UPV/EHU

Azkeneko mahai negoziatzaileen bileran, 2021eko Abenduaren 9an sinatu genuen Ikertzaileen lan-baldintzen inguruko akordioaren jarraipena egin zen, besteak beste. Akordioak hainbat onura ekarri zien doktorego aurreko eta ondorengo ikertzaileei, baina oraindik EHUko ikertzaile askok prekarizatua izaten jarraitzen du. Akordioan Administrazioak ordainsariak negoziatzen jarraitzeko konpromisoa hartu zuen. Horri helduz LABetik 4 eskaera konkretu egin genituen:

Jarraitu LABetik ikertzaileen lan-baldintzak hobetzeko jarraitzen dugu lanean irakurtzen →

Ikertzaileak kontratatzeko deialdiak (2022eko uztailaren 12an eguneratuta)

Deialdia, IIP, Ikertzaileak, LAB UPV/EHU
  • Eusko Jaurlaritzaren 2022-2023ko ikasturterako ikertzaile Doktoreentzako Hobekuntzarako doktoretza-ondoko programarako laguntzak berritzeko eta laguntza berriak emateko deialdia argitaratu egin da. Epea abuztuaren 4ean bukatzen da 23:59etan.
  • Eusko Jaurlaritzaren 2022-2023ko ikasturterako doktoreak ez diren ikertzaileak prestatzeko doktoratu aurreko programarako deialdia deialdia argitaratu egin da. Epea irailaren 2an bukatzen da 23:59etan.
  • EHUk oraindik ez du publikatuko bere doktoreentzako deialdia, zientzia legearen moldaketa onartu arte.
  • Beste deialdi espezifikoak hemen topatuko dituzu.

LABek ez du sinatu LEParen oinarriak egiteko erabiliko den akordioa

AZP, Egonkortasuna, Euskara, LAB UPV/EHU, LEP

Egonkortze/kontsolidazio Lan Eskaintza Publikoen oinarriak negoziatzeko asmotan Gerentziak egin duen azken proposamena ez du sinatu LABek.

Sinatu den akordioan egon badaude LAB sindikatuak egindako zenbait ekarpen. Ekarpen horiek Administrazio eta Zerbitzuetako Pertsonalaren (AZP) eskubideen aitortzaren aldekoak izan dira. Aldiz, akordioan jaso diren beste irizpide batzuk ez ditugu partekatzen, behin-behineko AZP eta karreradun funtzionarioentzat kaltegarriak direlako.

Jarraitu LABek ez du sinatu LEParen oinarriak egiteko erabiliko den akordioa irakurtzen →

Ikasleon datuak multinazionalen esku? UPV/EHUren zerbitzuen pribatizazioari ez!

AZP, IIP, LAB UPV/EHU, Mobilizazioa

LAB sindikatua eta Ernai gazte erakundea EHUko Gizarte kontseiluaren ekainaren 29ko bilkuraren aurrean elkarretaratu gara EHUko Zuzendaritza taldeak inposatu nahi duen neurri berria salatzeko. Izan ere, ikasleen posta elektronikoaren kontuak Microsoft Office 365-era migratu nahi ditu, zerbitzu hau pribatizatuz eta ikasleen pribatutasuna kolokan jarriz.

Jarraitu Ikasleon datuak multinazionalen esku? UPV/EHUren zerbitzuen pribatizazioari ez! irakurtzen →

UPV/EHUko ikasleen datuak Microsoft O365en esku

AZP, IIP, LAB UPV/EHU

2020 urtearen hasieran jakin izan genuen UPV/EHUko zuzendaritza taldeak irakasle-ikertzaile, administrazio eta zerbitzuetako pertsonala eta ikasleen posta elektronikoak Microsoft Office 365era migratu nahi zituela erabiltzaileei bestelako aukerarik eman gabe. LABeko sail sindikalak argi utzi zuen bere jarrera zenbait komunikatutan [1] [2].

Bestetik, proiektuak sortutako kezka dela eta, UPV/EHUko komunitateko hainbat pertsonek, LABek bultzatuta, EHU ez dago salgai! UPV/EHUn pribatizazioen kontrako plataforma [3] sortzea erabaki zuten. Kezka nagusiak: datu pertsonalak, proiektu eta ikerketen emaitzak enpresa pribatuen esku uztea, multinazional baten produktuekiko menpekotasuna, UPV/EHUren izaera publikoaren galera eta UPV/EHUren dirua azpikontratazioetan xahutzea. Urte horretan sinadura bilketa martxan jarri zen eta unibertsitateko langile, ikasle, sindikatu, eta norbanako zein elkarteen 700 atxikimendu baino gehiago jaso ziren. Jasotako sinadura guztiak eta plataformaren aldarrikapenak EHUko zuzendaritza taldeari helarazi zitzaizkion.

Jarraitu UPV/EHUko ikasleen datuak Microsoft O365en esku irakurtzen →

Osagarriak garaiz eta eguneratuta!

IIP, Ikertzaileak, LAB UPV/EHU, Osagarriak

Pasa den Gobernu Kontseiluan 2.021eko ordainsari-osagarri gehigarrien deialdia onartu zen. Ekainaren 29an egingo den Gizarte Kontseiluak berretsi ondoren argitaratuko da.

LAB eta Steilas sindikatuok aspaldi salatzen ari gara osagarrien deialdia, 2.018tik hona, urtebetez sistematikoki atzeratzen ari dela, eta horrek osagarrien ordainketa atzeratzen duela. Osagarrien sistemak ezartzen duen bost urteko zikloa, de facto, sei urteko ziklo bihurtu dute eskatzeari dagokionez, eta zazpikoa kobratzeari dagokionez.

Beste behin esan beharrekoa da lansari-osagarri gehigarrien sistema hau EHUko irakasle-ikertzaileen oinarrizko soldata txikiak osatzeko edo konpentsatzeko modu bat baino ez dela, funtsean. Horregatik onartezinak iruditzen zaizkigu ematen diren atzerapenak.

Jarraitu Osagarriak garaiz eta eguneratuta! irakurtzen →

EHUko Gobernu Kontseiluak 2022ko irakasle-ikertzaileen enplegu publikoaren eskaintza onartu du

IIP, LEP

Irakasle Agregatu, Irakasle Titular, Irakasle Oso eta Katedradunentzako 2022ko UPV/EHUko Enplegu Publikorako Eskaintza (EPE) onartu zen pasa den maiatzaren 24ko Gobernu Kontseiluan.

197 plaza aterako dira guztira txanda librean:

  • Irakasle agregatuak (% 83): 164 plaza (134 Atxiki plazetatik eta klinikoetatik, eta 30 plaza I3 akreditazioa dutenentzat)
  • Unibertsitateko titularrak (% 10): 20 plaza (Atxiki plazetatik 14, Agregatu plazetatik 5, Ikerlari Iraunkor plazetatik 1)
  • Ikertzaile iraunkorrentzat (% 0): 0 plaza
  • Irakasle osoak (% 7): 13 plaza

Bestalde 20 katedra aterako dituzte barne promoziorako.

Jarraitu EHUko Gobernu Kontseiluak 2022ko irakasle-ikertzaileen enplegu publikoaren eskaintza onartu du irakurtzen →

LABek salatzen du erretiroaren murrizketak iragartzeko UPV/EHUk aukeratutako bidea langileen eskubideen eta negoziazio kolektiboaren aurkako jarrera dela

AZP, Erretiroa, IIP, LAB UPV/EHU

Pasa den asteartean, UPV/EHUko gerenteak eta irakasle eta ikertzaileen errektoreordeak sinatuta, ohartarazpen bat helarazi zigun zuzendaritzak langile guztioi: hainbat epaietan, Auzitegi Gorenak erretiroa hartzeagatik ordaintzen diren kalte ordainak jasotzen dituzten akordioak zuzenbidearekin bat ez datozela ebatsi omen duela-eta, eta indarrean dauden 2015eko hartutako akordioen lehenengo xedapen gehigarriak, legezko oinarriak, hitzarmenak edo egoera ekonomika aldatzen bada, jasotzen duen akordioak berrikusteko aukera dela-eta, administrazioak akordioak salatuko duela eta negoziazioari ekingo dio.

Jarraitu LABek salatzen du erretiroaren murrizketak iragartzeko UPV/EHUk aukeratutako bidea langileen eskubideen eta negoziazio kolektiboaren aurkako jarrera dela irakurtzen →