Kategoriaren artxiboa: IIP

Aldi baterako irakasle-ikertzaileentzako seiurtekoak 2022ko deialdian!

EHUko zuzendaritza, baliatu jada dagoen aukera diskriminazioarekin bukatzeko

2021eko ikerketa-seiurtekoen deialdiaren harira komentatu genizuenez, nahiko ikerketa-merituak dauzkaten irakasle-ikertzaile guztiek seiurtekoak eskatu eta jaso ahal izatea LABen sail sindikalaren aldarrikapen historikoa da, bosturtekoen kasuan egin genuen bezala. Hala ere, EHUko azken zuzendaritza taldeen jarrerak langileen arteko diskriminazio hau mantendu du. Haien esanetan, kolektibo honetara zabaltzea ezinezkoa zen, ANECAk ez baitzuen posible egiten (geroago ikusi bazen ere EHUn 5 urtez atxiki bezala egondako bitarteko irakasle kontratatuei aukera hori ireki zitzaiela).

Jarraitu Aldi baterako irakasle-ikertzaileentzako seiurtekoak 2022ko deialdian! irakurtzen

Jubilazioak. UPV/EHUko Gobernu Kontseilua osatzen duten pertsonei gutun irekia

EHUren Gobernu Kontseiluaren aurreko kontzentrazioa

LAB sindikatutik UPV/EHUko Gobernu Kontseiluko kideengana jo dugu 2022ko urriaren 20rako deitutako bilkuraren gai-zerrendako 5. puntuaren berri emateko.

UPV/EHUko zuzendaritzak aldez aurretik langileen legezko ordezkariekin adostu ez diren lan-baldintzak inposatu nahi dizkie AZPei eta Irakasle eta Ikertzaileei. UPV/EHUko Giza Baliabideak Arrazionalizatzeko Plan gisa aurkezten duena (I. fasea): Erretirora igarotzeko neurriak izeneko dokumentua, Erretiroa UPV/EHUn tratatzeko Batzorde Teknikoaren Erabaki Proposamena izenburuarekin eta egoera horretara igarotzearekin lotutako beste neurri batzuekin, UPV/EHUrako baliabideak arrazionalizatzeko plan bat onartzea sindikatuei uztailean eta irailean aurkeztu zitzaien dokumentua da.

Jarraitu Jubilazioak. UPV/EHUko Gobernu Kontseilua osatzen duten pertsonei gutun irekia irakurtzen

EHUn inposatu nahi dituzten murrizketak salatzeko abiapuntua izango da LABek urriaren 14an deituriko mobilizazioa

Indarrean dugun jubilazio akordioa borrokatuko dugu

Aste hauetan Hego Euskal Herriko langile publikoak Madrilgo negoziazio kolektiboaren antzerkiari begira jarri gaituzte. Azken urteotan geure lan baldintzak dekretuz edo legez han inposatzea modan jarri da aitzakia bat edo beste dela medio. Urkulluk eta Txibitek dagoeneko bere egin dute Madrilgo inposizioa. Langileok medioetatik jasotzen ari garen informazioak osorik ez izanagatik, murrizketa gehiago datozela ohartarazten dute.

Jarraitu EHUn inposatu nahi dituzten murrizketak salatzeko abiapuntua izango da LABek urriaren 14an deituriko mobilizazioa irakurtzen

KONTZENTRAZIOA: EHUko langileen prekarizazioari eta diskriminazioari ez! EHUko finantziazio nahikoa bermatzeari bai!

UPV/EHUk ikasturteari hasiera emateko ekitaldian LABek kontzentrazioa antolatu du, EHUn dauden prekarizazio eta diskriminazio egoerak salatzeko, baita EHUrako finantziazio nahikoa eskatzeko. EHUko Administrazio eta Zerbitzuetako Pertsonaleko zein irakasle-ikertzaile kolektiboko langile askoren lan egoerak kritikoak dira. LABetik zuzendaritza taldeari eta Eusko Jaurlaritzako arduradunei erantzukizunak eta egoerak aldatzeko eskatuko diegu

Irailaren 14an, asteazkena, 11:00etatik 11:30etara UPV/EHUko Bizkaia Aretoaren aurrean (Abandoibarra etorbidea, 3. Bilbo) elkarretaratzea egingo dugu. Oso garrantzitsua da ikasturte hasiera honetan gure aldarrikapenak ozenki zabaltzea. Han elkar ikusiko dugulakoan, jaso ezazu agur bero bat.

Gipuzkoa eta Arabatik autoak antolatu dira bertaratzeko, jarri gurekin harremanetan.

EHUko langileen prekarizazioari eta diskriminazioari ez!

UPV//EHUko finantziazio nahikoa bermatzeari bai!

Ikertzaileak kontratatzeko deialdiak (2022eko uztailaren 12an eguneratuta)

  • Eusko Jaurlaritzaren 2022-2023ko ikasturterako ikertzaile Doktoreentzako Hobekuntzarako doktoretza-ondoko programarako laguntzak berritzeko eta laguntza berriak emateko deialdia argitaratu egin da. Epea abuztuaren 4ean bukatzen da 23:59etan.
  • Eusko Jaurlaritzaren 2022-2023ko ikasturterako doktoreak ez diren ikertzaileak prestatzeko doktoratu aurreko programarako deialdia deialdia argitaratu egin da. Epea irailaren 2an bukatzen da 23:59etan.
  • EHUk oraindik ez du publikatuko bere doktoreentzako deialdia, zientzia legearen moldaketa onartu arte.
  • Beste deialdi espezifikoak hemen topatuko dituzu.

Ikasleon datuak multinazionalen esku? UPV/EHUren zerbitzuen pribatizazioari ez!

LAB sindikatua eta Ernai gazte erakundea EHUko Gizarte kontseiluaren ekainaren 29ko bilkuraren aurrean elkarretaratu gara EHUko Zuzendaritza taldeak inposatu nahi duen neurri berria salatzeko. Izan ere, ikasleen posta elektronikoaren kontuak Microsoft Office 365-era migratu nahi ditu, zerbitzu hau pribatizatuz eta ikasleen pribatutasuna kolokan jarriz.

Jarraitu Ikasleon datuak multinazionalen esku? UPV/EHUren zerbitzuen pribatizazioari ez! irakurtzen

UPV/EHUko ikasleen datuak Microsoft O365en esku

2020 urtearen hasieran jakin izan genuen UPV/EHUko zuzendaritza taldeak irakasle-ikertzaile, administrazio eta zerbitzuetako pertsonala eta ikasleen posta elektronikoak Microsoft Office 365era migratu nahi zituela erabiltzaileei bestelako aukerarik eman gabe. LABeko sail sindikalak argi utzi zuen bere jarrera zenbait komunikatutan [1] [2].

Bestetik, proiektuak sortutako kezka dela eta, UPV/EHUko komunitateko hainbat pertsonek, LABek bultzatuta, EHU ez dago salgai! UPV/EHUn pribatizazioen kontrako plataforma [3] sortzea erabaki zuten. Kezka nagusiak: datu pertsonalak, proiektu eta ikerketen emaitzak enpresa pribatuen esku uztea, multinazional baten produktuekiko menpekotasuna, UPV/EHUren izaera publikoaren galera eta UPV/EHUren dirua azpikontratazioetan xahutzea. Urte horretan sinadura bilketa martxan jarri zen eta unibertsitateko langile, ikasle, sindikatu, eta norbanako zein elkarteen 700 atxikimendu baino gehiago jaso ziren. Jasotako sinadura guztiak eta plataformaren aldarrikapenak EHUko zuzendaritza taldeari helarazi zitzaizkion.

Jarraitu UPV/EHUko ikasleen datuak Microsoft O365en esku irakurtzen

Osagarriak garaiz eta eguneratuta!

Pasa den Gobernu Kontseiluan 2.021eko ordainsari-osagarri gehigarrien deialdia onartu zen. Ekainaren 29an egingo den Gizarte Kontseiluak berretsi ondoren argitaratuko da.

LAB eta Steilas sindikatuok aspaldi salatzen ari gara osagarrien deialdia, 2.018tik hona, urtebetez sistematikoki atzeratzen ari dela, eta horrek osagarrien ordainketa atzeratzen duela. Osagarrien sistemak ezartzen duen bost urteko zikloa, de facto, sei urteko ziklo bihurtu dute eskatzeari dagokionez, eta zazpikoa kobratzeari dagokionez.

Beste behin esan beharrekoa da lansari-osagarri gehigarrien sistema hau EHUko irakasle-ikertzaileen oinarrizko soldata txikiak osatzeko edo konpentsatzeko modu bat baino ez dela, funtsean. Horregatik onartezinak iruditzen zaizkigu ematen diren atzerapenak.

Jarraitu Osagarriak garaiz eta eguneratuta! irakurtzen