Kategoriaren artxiboa: LEP

EPE 2023/2024ko azken berriak eta LABen balorazioa

LAB EHU, LEP, TEKAZEL

Mezu honen bidez, martxan dauden prozesuen eta 2023/2024ko EPEaren inguruko azken berriak helarazi nahi dizkizugu, baita egoera honen inguruan LABek egiten duen irakurketa ere.

Azken berriei dagokionez, azken aste eta hilabeteotan askoren ahotan bolo-bolo ibili dena baieztatu da: 2023/2024ko EPEa ez da 2026. urtea amaitu baino lehen ebatzita egongo.

2025eko erdialdean, 2023/2024ko EPEre negoziazioari ekin genionean, amaitu berria zen 2019/2022ko EPEak agerian utzitako eta oraindik konpondu gabe ditugun hainbat auzi genituen mahai gainean. Horietako batek, hain zuzen ere, funtzionario eta lan-kontratudunen prozesuak bereiztea eta abiadura desberdinetan garatzea ekarri du.

Jarraitu EPE 2023/2024ko azken berriak eta LABen balorazioa irakurtzen →

Irakasle-ikertzaileen 2024ko EPE: hobetzeko alderdi batzuk

Ikertzaileak, IRI, LEP

Urriaren 21ean, hilabete bateko atzerapenarekin argitaratu zituzten agregatu eta titular lanpostuetarako lehiaketetarako behin-behineko zerrendak. Zerrenda horien arabera aukeratuko dira 2024ko EPEn lehiaketara aterako diren lanpostu zehatzak. Aipatutako EPEn 40 unibertsitate-titular lanpostu eta 107 agregatu lanpostu plaza berri jasotzen dira, eta I3/R3 akreditazioa daukaten ikertzaileentzako beste 27 lanpostu (12 unibertsitate-titular, 5 agregatu eta 10 ikertzaile doktore iraunkor). Halaber, barne promozioan 18 katedra eta 20 irakasle oso lanpostu aterako dira. Datuak aztertuta bi alderdi azpimarratu nahi ditugu. Alde batetik, Estatuak inposatutako birjarpen-tasak akreditatuta dauden ehunka pertsona behartzen ditu egonkortasuna lortzeko urteak itxarotera eta dozenaka promozionatzeko edota kategoriaz igarotzeko zain egotera. Ezinbestekoa da langileen eskubideak defendatzeko hemen erabakitzea. Bestalde, argi ikusten da errektoretzak 2022an erretiroen akordioa alde bakarretik haustearen eragin negatiboa. Izan ere, 2024ko EPEn txanda librean aterako diren plaza kopurua 174koa da, eta 2023koa 230 izan ziren, datu hauek aurreko urtean erretiratutako pertsonen kopuruarekin lotura handia daukala jakinik.

Hemen azaltzen den moduan, lanpostu zehatzak definitzeko sistema eta irizpideak aldatu dira. Errektoretzak sistema berria eta plazen banaketa negoziatzeko izan zuen borondate eskasa salatu behar dugu.

EPEren diseinuari buruzko honako eskaera hauek plazaratu nahi ditugu:

Jarraitu Irakasle-ikertzaileen 2024ko EPE: hobetzeko alderdi batzuk irakurtzen →

Finkotasunaren aldeko epaia, barne promozioa, zerbitzu betekizun eta eginkizunen esleipenak

Eginkizunen Esleipena, LAB EHU, LEP, TEKAZEL, Zerbitzu Betekizunak

LABek UPV/EHUko aldi baterako AZP baten finkotasunaren aldeko epaia lortu du.

Ekainaren 13an, asteartean, argitaratutako epai batek arrazoia eman dio finkotasun-demanda jarri zuen aldi baterako langile bati.

Epai horrek berretsi egiten du LABen sail sindikalaren planteamendua, sindikatuak uste baitu Iceta legeak eta UPV/EHUn, Steilas , UGT, ELA,CCOO eta CGT sindikatuek sinatutako 2019-2022ko LEP-een gutxienekoen akordioak ez dituztela aitortzen aldi baterako langileen eskubideak, eta, zehazki, egonkortasunari dagozkionak.

Jarraitu Finkotasunaren aldeko epaia, barne promozioa, zerbitzu betekizun eta eginkizunen esleipenak irakurtzen →

LABek ez du sinatu LEParen oinarriak egiteko erabiliko den akordioa

Egonkortasuna, Euskara, LAB EHU, LEP, TEKAZEL

Egonkortze/kontsolidazio Lan Eskaintza Publikoen oinarriak negoziatzeko asmotan Gerentziak egin duen azken proposamena ez du sinatu LABek.

Sinatu den akordioan egon badaude LAB sindikatuak egindako zenbait ekarpen. Ekarpen horiek Administrazio eta Zerbitzuetako Pertsonalaren (AZP) eskubideen aitortzaren aldekoak izan dira. Aldiz, akordioan jaso diren beste irizpide batzuk ez ditugu partekatzen, behin-behineko AZP eta karreradun funtzionarioentzat kaltegarriak direlako.

Jarraitu LABek ez du sinatu LEParen oinarriak egiteko erabiliko den akordioa irakurtzen →

EHUko Gobernu Kontseiluak 2022ko irakasle-ikertzaileen enplegu publikoaren eskaintza onartu du

Gobernu Kontseilua, IRI, LAB EHU, LEP

Irakasle Agregatu, Irakasle Titular, Irakasle Oso eta Katedradunentzako 2022ko UPV/EHUko Enplegu Publikorako Eskaintza (EPE) onartu zen pasa den maiatzaren 24ko Gobernu Kontseiluan.

197 plaza aterako dira guztira txanda librean:

  • Irakasle agregatuak (% 83): 164 plaza (134 Atxiki plazetatik eta klinikoetatik, eta 30 plaza I3 akreditazioa dutenentzat)
  • Unibertsitateko titularrak (% 10): 20 plaza (Atxiki plazetatik 14, Agregatu plazetatik 5, Ikerlari Iraunkor plazetatik 1)
  • Ikertzaile iraunkorrentzat (% 0): 0 plaza
  • Irakasle osoak (% 7): 13 plaza

Bestalde 20 katedra aterako dituzte barne promoziorako.

Jarraitu EHUko Gobernu Kontseiluak 2022ko irakasle-ikertzaileen enplegu publikoaren eskaintza onartu du irakurtzen →

UPV/EHUko Administrazioaren IRIentzako 2021eko EPE proposamenaren aurrerapausoak eta gabeziak

Ikertzaileak, IRI, LAB EHU, LEP

Abenduaren 1eko Plangintza Batzordera irakasle-ikertzaileen arloko errektoreordeak aurreko Plangintza Batzordera ekarri zuen 2021eko EPEaren diseinuaren proposamen berbera ekarri du. Gogoratu iazko EPEan Administrazioak iragazki berri bat ezarri zuela plazak lehiaketara ateratzeko, irakasle atxiki bezala gutxienez 2,5 urte eramatea, alegia. Irakasle-ikertzaile batzuek irakaskuntza eskarmentu nahikorik ez zutelako gehitu omen zuten irizpide hori; jakin bazekiten arren zerrendako irakasle guztiak eskatutako akreditazioaren jabe zirela. LABek, administrazioaren alde bakarreko erabakia kritikatu zuen, irizpide berri horrek, urte luzez eskolak ematen aritutako eta epe motzean beren plaza konkurtsora ateratzea aurreikusten zuten irakasle -atxikiak zein bitarteko irakasle kontratatuak (BIK)- batzuen egonkortze prozesua luzatzen zuelako. Horren aurrean LABek alternatiba osagarri bat proposatu zuen: bost urteko irakaskuntza esperientzia metatzea nahikoa izatea iragazkia pasatzeko, atxiki moduan 2,5 urte egon izana den bezalaxe. Modu honetan, BIK bezala emandako irakaskuntza ere kontuan hartuko litzateke. Eztabaida luze baten ondoren Administrazioak gure proposamena onartu zuen, baina epea 5etik 7,5 urtetara luzatuz. LABentzat oraingo lehentasun-irizpidea, gutxienez 2,5 urte atxiki bezala egon izana edo 7,5 urteko irakaskuntza esperientzia izatea, ontzat har daiteke, 2020ko EPEan alde bakarretik ezarritako irizpide horri buelta ematen diolako neurri handi batean, irakaskuntzan urte nahikoa daramaten aldi baterako irakasle gehienei atea berriz irekitzen baitie.

Jarraitu UPV/EHUko Administrazioaren IRIentzako 2021eko EPE proposamenaren aurrerapausoak eta gabeziak irakurtzen →

Aldi baterako langileen egonkortasuna, lan-eskaintza publikoak eta behin-behinekotasuna murrizteko neurrien lege-proiektua

LAB EHU, LEP, TEKAZEL

LABek kritikatu egiten du Kongresuan izapidetzen ari den administrazio publikoen behin-behinekotasuna murrizteko premiazko neurrien lege-proiektua, ez duelako onartzen aldi baterako langileen egonkortasunerako inolako eskubiderik, eta ez duelako enplegu publikoa defendatzeko neurririk aurreikusten.

Ildo horretan, Ogasun eta Funtzio Publikoaren Batzordearen irizpenaren ondoren sortutako manipulazioa eta nahasmena salatzen dugu. Espainiako gobernuak UGT, CCOO eta CSIF sindikatuekin adostutako plantillak egonkortzeko eta finkatzeko aurreko promesen ildo bereko txapuza berri bat ezkutatzeko estrategia.

Jarraitu Aldi baterako langileen egonkortasuna, lan-eskaintza publikoak eta behin-behinekotasuna murrizteko neurrien lege-proiektua irakurtzen →

LABek 2018/2019/2020ko Lan Eskaintza Publikoen Negoziazio Batzordetik alde egin du gaur

LAB EHU, LEP, TEKAZEL

UPV/EHUko LAB sindikatuak 2018/2019/2020ko Administrazio eta Zerbitzuetako Langileen (AZP) Lan Eskaintza Publikoen oinarri orokorrak negoziatzeko gaur goizean bildu den Batzordetik alde egin du, unibertsitateko Zuzendaritzak LABek egindako proposamenak kontuan ez hartzeko hartutako erabakiaren aurreko protesta gisa.

Aurrekoari gehitu behar zaio pixka bat lehenago Lan Kontratudun AZPkoen Negoziazio-Batzordean Gerentziak 2016/2017ko Lan Eskaintza Publikoaren inguruan aurkeztu duen lanpostuen esleipena egiteko behin betiko proposamenean, aurreko astean aurkeztutakoarekin alderatuta zenbait aldaketa negoziatu gabe. LABek esleipenak egiteko zein irizpide ari den erabiltzen argitzea eskatu eta 2016an adostutakoa ez denez betetzen ari, berriro negoziatu beharra aldarrikatu du.

Jarraitu LABek 2018/2019/2020ko Lan Eskaintza Publikoen Negoziazio Batzordetik alde egin du gaur irakurtzen →

A22an Greba! Zerbitzu Publikoaren alde: enplegua egonkortu!

Egonkortasuna, Ikertzaileak, IRI, Karrera Profesionala, LAB EHU, LAB Sindikatua, LEP, TEKAZEL

Euskal Herriko Unibertsitateko (UPV/EHU) langileon artean ezegonkortasuna eta prekarietatea dira azken hamarkadetan pairatzen ari garen sindemia. Sindemia hau sorrera eta eratorri erabat politikoa duen langile eta zerbitzu publikoen aurkako erasoa da.

Eraso honen helburu edota ondorioak agerian dira aspaldi; alde batetik zerbitzu publikoak murriztu eta pribatizatzeko dinamika estrategia neoliberaleko ardatz eta helburu nagusienetarikoa da. Bestetik ondorio nagusia prekarietatea da. Errealitate multidimentsional eta gordin honen adibide dugu UPV/EHU; hamarkadetako behinbehinekotasuna, karrera profesionalik gabeko enplegu publikoa eta soldata-diskriminazioa kasu.

Jarraitu A22an Greba! Zerbitzu Publikoaren alde: enplegua egonkortu! irakurtzen →