Kategoriaren artxiboa: LAB Sindikatua

Beste Euskal Herri bat, ‘beste mundu bat’ aldarrikatuko dugu Maiatzaren Lehenean

LAB Sindikatua, LAB Sindikatua, Mobilizazioa, Movilización

Bizi dugun krisia egiturazkoa da eta langileen bizimodua zaildu baino ez du egiten, kapitalak aberastasuna metatzen jarraitzen duen bitartean. Hori guztia dela eta, LAB Euskal Herri osoan zehar zortzi mobilizazio egingo ditu Maiatzaren Lehenean, erantzuleak seinalatu eta errotiko aldaketaren beharra plazaratzeko asmoz. Garbiñe Aranburu koordinatzaile orokorrak eta Maider Jauregi komunikazio arduradunak aurkeztu dute sindikatuaren aurtengo irakurketa eta irudia.

Hego Euskal Herriko egoera sozioekonomikoaren azterketa kaleratu du berriki sindikatuari lotutako Ipar Hegoa fundazioak, Ikusmiran txostenaren 13. zenbakia. Azterketa horrek, Maiatzaren Lehenean kaleak betetzeko arrazoiak indartu egiten ditu.

Jarraitu Beste Euskal Herri bat, ‘beste mundu bat’ aldarrikatuko dugu Maiatzaren Lehenean irakurtzen →

Otsailaren 22an Bilbon eta Iruñean mobilizatuko gara, soldata arrakalarik gabeko hitzarmen duinen defentsan

LAB Sindikatua

Soldata arrakalaren kontrako eguna dela eta, Bilbon, Eusko Jaurlaritzatik Confebaskera egingo dugu protesta; Iruñean, berriz, CEN patronalaren aurrean egingo dugu elkarretaratzea. Mobilizazioak 11:30ean izango dira, “Bultza! Emakume* langileon hitzarmenak” leloarekin.

Jarraitu Otsailaren 22an Bilbon eta Iruñean mobilizatuko gara, soldata arrakalarik gabeko hitzarmen duinen defentsan irakurtzen →

EUNEIZ EZ

LAB Sindikatua, LAB UPV/EHU, Mobilizazioa, Otros

Atzo, ekainak 22, Alaves Baskonia enpresa-taldeak Innovaraba (Gasteiz Araba Sport Capital) proiektua aurkeztu zuen Gasteizko Europa Biltzar Jauregian. Hori dela eta, behean sinatzen dugun sindikatuok, UPV/EHUko unibertsitate-komunitateko beste ikasle-talde batzuekin batera, elkarretaratzea egin genuen euskal administrazio publikoek EUNEIZ unibertsitateari (European University Gasteiz) diru publikorik eman ez diezaioten eskatzeko. Izan ere, Innovaraba proiektu osoa irabazi asmoko unibertsitate horren inguruan eraikita dago.

Hemen daukazu prestatu dugun salaketa-komunikatua.

Proiektua Eusko Legebiltzarrean bozkatu arte egingo ditugun hurrengo ekimenetan parte hartzera gonbidatzen zaitugu.

LAB – Steilas – CCOO – ELA – CGT/LKN – ESK – Ernai – Consejo de Estudiantes de la UPV/EHU

(UPV/EHUko atalak)

Manifestazio jendetsuak izan dira Bilbo, Donostia eta Gasteizen zerbitzu publikoak indartzeko, enplegu publikoa sortzeko eta euskal sektore publikoko behin-behineko 60.000 langile baino gehiago kontsolidatzeko

Egonkortasuna, LAB Sindikatua, LAB UPV/EHU

ELA, LAB, CCOO, SATSE, STEILAS eta ESK sindikatuek deitutako manifestazioetan zerbitzu publikoen pribatizazioarekin amaitzeko eskatu dute ehunaka hiritarrek.

Jarraitu Manifestazio jendetsuak izan dira Bilbo, Donostia eta Gasteizen zerbitzu publikoak indartzeko, enplegu publikoa sortzeko eta euskal sektore publikoko behin-behineko 60.000 langile baino gehiago kontsolidatzeko irakurtzen →

Murrizketarik gabeko pentsioak nahi ditugu!

Erretiroa, LAB Sindikatua, Mobilizazioa

Pentsiodunen mugimenduak larunbaterako deitutako mobilizazioetarako deia egin dugu, pentsio duinen defentsan. Hala, maiatzaren 29an, kalean izango gara, murrizketarik gabeko pentsioen alde. Hego Euskal Herriko hiriburuetan izango dira manifestazio nagusiak: Gasteizen (17:00, Artium), Donostian (17:00, Alderdi Eder), Iruñean (18:00, Baluarte) eta Bilbon (18:00, Jesusen Bihotza). Eibarren (12:00, Untzaga plazan), Ondarroan (12:30, Zaldupe) eta Altsasun ere (18:30, Foru plaza) deituta daude mobilizazioak.

Lan baldintzen borroka egitea bezain garrantzitsua da pentsio duinen aldeko aldarria gure egitea. Horregatik, pentsio sistema publiko, duin eta propioaren aldeko indarrak biderkatu eta datozen mobilizazioetan parte hartzeko deia egiten du LABek.

Jarraitu Murrizketarik gabeko pentsioak nahi ditugu! irakurtzen →

ALDAKETA DA AUKERA!

LAB Sindikatua, LAB UPV/EHU, Mobilizazioa

Pandemiak azkartu egin du lehendik zetorren krisia: larrialdi klimatikoa, energia iturri eta materialen agortzea, lehia inperialista, migrazio mugimendu masiboak, zaintza sistemaren gabe-ziak, enplegu suntsiketa. Sistema hau, bidegabea ez ezik, eutsiezina ere bada. Aldaketa ekidinezina da, hala nazioartean nola Euskal Herrian, baina afera da: aldaketa nork eta zertarako?

Europako funtsekin ikusi den bezala, kapital trasnazionalak energia iturriak ordezkatu besterik ez du nahi, bere etekinei eusteko asmoz; horixe da estatuek nahiz bertako instituzio nagusiak kudeatzen dituzten alderdi sistemikoek hartutako bidea. Aldiz, Euskal Herrian badago bigarren aukera baten aldeko esparru sozial, sindikal eta politiko zabala: herri burujabetzan sakondu eta bizitza erdigunean jarriko duen eredu berri baterako trantsizio ekosozialista eta feminista.

Jarraitu ALDAKETA DA AUKERA! irakurtzen →