Hauteskunde Sindikalak: EGINDAKOAK Ikertzaile-irakasleen kolektiboan

Lan-baldintzen inguruan:

Ikertzaileak
- EPIPF onartu zenean, indarrean zeuden kontratuetan soldatak igotzeko epaia irabazi genuen.
- Doktoretza-aurreko ikertzaileen soldatak aurten EPIPFak zehaztutakoaren % 3,6 gainetik egotea lortu da, 2024an % 7,3a handiago izango dira.
- Doktoretza-osteko ikertzaileen soldatak irakasleen pareko eskalan ezarri dira.
- Doktorego aurreko ikertzaileek PFEZa ez ordaintzea lortu dugu, arau foralak betearaziz; horrela (atxikipenik gabe) soldatak % 9,5 altuagoak dira.
Lanaldi partziala: kolektiboa antolatzeko lana eta diagnosia (inkesta zabal batez) eta 41/2008 dekretua aldatzeko aldarrikapena.
Egonkortzea: lanpostuak egonkortzeko borroka, zerrenden kudeaketa justu eta argia egiteko jarraipena.
Seiurtekoak: atxiki izandako bitartekoentzat (interinoak) seiurtekoak lortzea, eta gainerako aldi baterakoek eskatu ahal izateko borroka. Irtenbidea lortzea gertuago dago egindako lanari esker.
Irakaskuntza esleitzeko araudi berria: irizpide argiagoak eta justuagoak, gehiegikeriak saihesteko eta IRIon artean egoera prekarioenean daudenak babesteko.
Erretiroa: errektoretzaren jarreraren ondorioz, atzerapauso nabaria jasan behar izan dugu. Negoziazio saioen emaitza ikusita, mobilizazio kanpaina burutu eta erretiro plan berria epaitegietara eraman dugu.
Ordezkapen poltsak: ebaluatzeko irizpide zehatzagoak eta ezagutza arloen arteko afinitate taulak garatzeko konpromisoa.
Klausula Feministak: Batzorde Intersektorialaren akordioa eta Kontziliazio-Gida, legeak jasotakoaz gain, besteak beste, guraso bakarreko familientzako onurak gehitzen dituena (beste gurasoari dagozkion asteak metatzeko aukera).

Unibertsitate ereduaren inguruan:

Zerbitzu publikoen defentsa: pribatizazio saiakeren salaketa, bai EHUn bertan (e-postak multinazionalen esku uzteko salaketa) zein EUNEIZen sorreraren aurrean, baliabide publikoak lehiakide pribatu elitistentzat ez bideratzeko.
Euskara: EHUren eskaintza eta zerbitzu guztiak euskaraz emateko etengabeko borroka eta Administrazioaren fiskalizazio lana.
LOSUren jarraipena eta salaketa, EHUko langileongan estatu espainoleko azken lege inposatuak duen eragina aztertzeko.
Gobernantza demokratizatzea: EHUko kolektiboentzat garrantzitsuak diren erabakietan eragiteko parte hartu dugu hainbat gunetan. EHUko kolektiboen ordezkaritza demokratizatzeko lana: Klaustroan ordezkaritza-portzentaje batzuk aldatu dira.