Hitzarmen kolektiboa enpresaren eta langileen artean sinatutako akordioa da, interes kolektiboko eskubideak eta betebeharrak arautzen dituena. Laneko eskubideak arautzen ditu hitzarmen horrek, Langileen Estatutuko gutxienekoak hobetzeko xedez.
UPV/EHUn Irakasle eta ikertzaileen Pertsonalaren (IRI) eta Administrazio eta Zerbitzuetako Pertsonalaren (AZP) lan-esparruak daude, eta langileek funtzionario edo laboral izaera izan dezakete, beraz, 4 hitzarmen aplikagarri daude langile-mota eta izaeraren arabera.
AZP ataleko langileentzat:
- Administrazio eta zerbitzuetako lan kontratudun langileen III. Hitzarmena (laboralak)
http://go.ehu.eus/hitzarmena-azp-laboralak - Unibertsitateko langileen lan–baldintzak arautzeko Hitzarmena (funtzionarioak)
http://go.ehu.eus/hitzarmena-azp-funtzionarioak
IRI ataleko langileentzat:
- Lan kontratudun irakasle eta ikertzaileen II. Hitzarmen kolektiboa (laboralak)
http://go.ehu.eus/hitzarmena-iri-laboralak - Unibertsitateko langileen lan–baldintzak arautzeko Hitzarmena (funtzionarioak)
http://go.ehu.eus/hitzarmena-iri-funtzionarioak
Negoziazio kolektiboa askatasun sindikala gauzatzeko eskubidearen zati bat da, eta erakunde sindikalek parte hartzeko eta enpresaburuen ordezkariekin batera eta hitzarmen kolektibo baten bidez lan-baldintzak adosteko erabiltzen duten ekintza kolektiboko tresna da.
Negoziazio kolektiboaren bidez, langileoi eragiten diguten hainbat gai negoziatzen dira, batzuetan administrazio eta sindikatuen artean akordioetara iritsiz.