Kategoriaren artxiboa: TEKAZEL

#IREKI: Mobilizazio Nazionala

IRI, Mobilizazioa, TEKAZEL

Datorren ekainaren 17an lan munduan kurtso honetan zehar garatu den IREKI ekimenak (euskal preso eta iheslarien etxerako bidean jartzearen alde sinadurak bildu dituen langile ekimena) bere ibilbidea amaituko du, Gasteizen deitu duen mobilizazio nazional batekin.
LABek, ekimenarekin bat eginez, mobilizazioan parte hartzeko gonbitea luzatu nahi dizu lerro hauen bidez. Konponbidean pausoak eman nahi baditugu ezinbestekoa da euskal preso eta iheslariak gure artean egotea.
Bide batez gogoratu sinadura bilketa martxan dela oraindik, animatu eta sinatu euskal preso eta iheslarien eskubideen alde.
Atxikimenduak upv-ehu@ireki.eus helbidera mezu elektroniko bat bidaliz ere eman daitezke, izen-abizenak, sektorea (irakasle-ikertzaile, AZP edo ikaslea) eta zentroa adieraziz .
INFORMAZIO GUZTIA IREKI.EUS GUNEAN

AZP: lan-poltsen deialdiak

Deialdia, TEKAZEL

Asteburuan, UPV/EHUko lau lan-poltsen deialdiak zabaldu dira. Eskabideak aurkezteko epea gaurtik hasita, ekainaren 12tik ekainaren 21era, biak barne,  izango da.
Hemen dituzue zabaldu diren lan-poltsen estekak, bertan aurkituko dituzue lan-poltsa bakoitzari dagozkion oinarriak:
III. taldea:
Mantentze Lanetako eta Produkziorako Zerbitzuetako teknikari espezialista (III. Taldea) (Lan-poltsa)
IV. taldea:
Jarduera Espezifikoetako teknikari laguntzaile Biltegia (Lan-poltsa)
Jarduera Espezifikoetako teknikari laguntzailea Mantentze Lanak eta Produkziorako Zerbitzuak (IV. Taldea) (Lan-poltsa)
Arte eta Gorputz Adierazpeneko teknikari laguntzailea (Lan-poltsa)
 

#ireki: sinadura bilketa AZKEN EGUNAK!!

Elkartasuna, Ikasle Presoak, LAB EHU, Mobilizazioa, TEKAZEL

#ireki ekimena Euskal Herri luze zabaleko langile talde batek bultzatutako ekimena da, ETAk behin betiko su etena iragarri zuenetik 5 urte pasa direnean eta euskal preso eta iheslariak etxerako bidean jartzeko garaia dela kontsideratuz, langile munduak historikoki erakutsi izan duen eragite gaitasunaz baliatu nahi dutenak helburu horretan laguntzeko.
Lantokiz lantoki 150.000 sinadura biltzeari ekin diote, 2017ko ekainaren 17rako helburua lortzeko asmoarekin. LABek bat egiten du #ireki ekimenarekin.
Atxikimenduak upv-ehu@ireki.eus helbidera mezu elektroniko bat bidaliz ere eman daitezke, izen-abizenak, sektorea (irakasle-ikertzaile, AZP edo ikaslea) eta zentroa adieraziz .

Eragile eta langile ugari batu dira sexu erasoen aurkako bilkuran

Berdintasuna, IRI, LAB EHU, Mobilizazioa, TEKAZEL
Leioako Campusean egindako konzentrazioaren irudi bat.
Leioako Campusean, 12:00etan jarria zuten hitzordua Mikel Laboa Plazan ikasleen eragile ezberdinek Arte Ederren Fakultatean hango ikasle batek jasandako sexu-erasoa salatzeko. Ikasleen elkarte ezberdinek, andrazko ikasle feministen elkarteek, PREST (Presoen Sostengu Taldea), zenbait Fakultatetako ikasle batzarrak… LABek ere konzentrazioarekin bat egiten zuela adierazi zuen eta langilegoa deitu zuen elkarretaratzera. Azkenik, Errektore Taldeak, aurreko egunean ere bat egin zuen deialdiarekin.
Irudi zinez ezohikoa izan zen plazaren inguruan ikasleek, langileek eta errektore taldeak  sexu-erasoa salatu eta erasotutako ikasleari elkartasuna erakusteko utzitakoa. Honetan ikasleak ziren deitzaileak eta eurei egokitu zitzaien gertatutakoaren inguruko balorazioak egitea.
Guk, gure aldetik, konzentraziora deitzeko esandakoan berresten gara: ez dugu onartuko ezelako sexu-erasorik, ezta genero-indakeriarik. Eta gertatzekotan, erantzuteko mobilizazioa deitzeko konpromisoa hartzen dugu.

Sexu indarkeriari EZ!

Berdintasuna, IRI, LAB EHU, TEKAZEL

Konzentrazioa ostegunean 12:00etan Leioako Mikel Laboa Plazan
Arte Ederren fakultateko ikasle bati egindako sexu erasoa dela eta, LABek erabateko gaitzezpena adierazi nahi du. Eraso hau salatzeaz gain, edozein sexu eraso zein bestelako indarkeria matxistak ez ditugula onartuko ozen esan nahi dugu eta aldi berean, erasotua izan den emakumeari gure elkartasuna eta babesa adierazi nahi diogu.
Horregatik, EHUko hainbat ikasle eta feminista taldek ostegunean, ekainak 1, 12:00etan Leioako Campuseko Mikel Laboa plazan deitu duten elkarretaratzearekin bat egiten dugu eta EHUko langileak bertaratzera deitzen ditugu.

ERASORIK EZ ERANTZUNIK GABE!

SEXU INDARKERIARIK EZ!

Maiatzak 1: Burujabetza osoa aldaketa sozialerako

IRI, LAB Sindikatua, Mobilizazioa, TEKAZEL

Langileok euskal estatua

Aurtengo hau izan daiteke garai berri baten atariko Maiatzaren Lehena. Euskal Herrian eta gure mugetatik harago ematen ari diren gertakariek aukera berriak zabaltzen dituzte: Catalunyako deskonexio prozesua, gurean armagabetze prozesua, mugimendu independentista berritu eta berritzailea eraikitzeko egin den apustua, euskal sindikatuen artean elkarlana berreskuratzeko hasi dugun bidea… estatus politikoak berritzeko ekimenak martxan diren honetan, Euskal Herrian burujabetza prozesua abiatzeko baldintzak badaude. Egin beharreko bidea eta emaitzak lehiatzea dagokigu orain.
Jarraitu irakurtzen ->

Prekarietatea: Lan munduaren gaixotasuna

IRI, LAB Sindikatua, Lan osasuna, Mobilizazioa, TEKAZEL

ELA – LAB – ESK – STEILAS – EHNE – HIRU
Aurtengo apirilaren 28an, lan segurtasuna eta osasunaren egunez, salatzen jarraitu behar dugu langile-klasearen osasuna areago okertu dela. Hego Euskal Herrian iaz 53 langile hil ziren lan istripuz. Istripu guztien kopurua %9 gehitu da 2015 urtearekiko. Lantokietan lan osasuna hondatzen ari dela diogunean istripu hilgarriak nabarmendu ohi dira. Haatik, hauek iceberg-aren tontorra besterik ez dira, lanak osasuna galtzea eragin dezakeen kasuen artean.
Jarraitu irakurtzen ->
Txostena “Prekarietateak gaixotu eta hil egiten du”

Apirilaren 28an, Bilbon 11etan Confebasken egoitzan mobilizazioa

Enplegu publikoa egonkortzeko aurrekontuak aldarrikatuko ditugu bihar Gasteizen Legebiltzarraren aurrean

IRI, LAB EHU, LAB Sindikatua, Mobilizazioa, TEKAZEL

Eusko Jaurlaritzak prestatutako aurrekontuek ez diote enplegu publikoaren arazo larriari heltzen, eta lan baldintzen eta zerbitzuen kalitatearentzat beste atzerapauso bat adierazten dute. Izan ere, ez dute jasotzen 20.000 lanpostu egonkortzeko, erosahalmena berreskuratzeko, administrazioak euskalduntzeko edota aukera berdintasun plan eraginkorrak garatzeko diru-sail egokirik. Bide horretatik hain zuzen, arreta ratioek, itxaron zerrendek eta zerbitzu publikoen kalitatea orokorrean gainbehera doaz.  Jarraitu Enplegu publikoa egonkortzeko aurrekontuak aldarrikatuko ditugu bihar Gasteizen Legebiltzarraren aurrean irakurtzen →

Ongi etorri errefuxiatuak plataforma: hitzaldiak Leioan eta Gasteizen

Elkartasuna, IRI, LAB EHU, TEKAZEL

Ongi etorri errefuxiatuak plataformak ekimen berri bi antolatu ditu asteon UPV/EHUn:
Ikasle errefuxiatuen Hitzaldia – Gernika 2017ko aurkezpena
Parte hartzaileak: 

  • Yahia Kodoo (EHUko ikasle siriarra)
  • Hassana Aalia (Saharako errefuxiatua)
  • UPV/EHUko eta Bizkaiko plataformaren kide bi

Jarraitu Ongi etorri errefuxiatuak plataforma: hitzaldiak Leioan eta Gasteizen irakurtzen →