Kategoriaren artxiboa: Mobilizazioa

LAB, STEILAS eta ELA sindikatuak kontzentratu gara ikasturtearen hasiera ekitaldian

LAB EHU, Mobilizazioa

Gaur goizean ikasturteari hasiera emateko ekitaldi instituzionala ospatu da Leioako Areto Nagusian. LAB, STEILAS eta ELA sindikatuak kontzentrazioa burutu dugu atarian eta agintarien aurrean EHUrentzat finantzaketa egokia aldarrikatzeko eta unibertsitatearen eta zerbitzuen pribatizazioa salatzeko. Baita lan baldintzak hobetzea, TEKAZEL eta IRIen plantillak zabaltzea eta gobernantza eredu gardenago eta parte hartzaileagoak eskatzeko ere.

Ikasturte honetan borrokan jarraituko dugu:

  • EHUn lan- baldintza duinak eta kalitatea bermatzearen alde
  • Prekarizazio eta diskriminaziorik gabeko unibertsitatearen alde
  • Euskal jendartearen zerbitzura dagoen unibertsitatearen alde
  • Parte-hartzailea, irekia eta dinamikoa den unibertsitatearen alde
  • Nahikoa baliabide daukan unibertsitate publikoaren alde

Komunikatua

Martxoak 12ko Greba, aukera berria EHUko Zuzendaritzari eta Eusko Jaurlaritzari haien politikak alda ditzaten aldarrikatzeko

LAB EHU, Mobilizazioa

EHUko Zuzendaritzak irakasleen ordezkapen politika aldatu nahi zuela 2023ko maiatzean jakin zenetik horren aurkako salaketa eta mobilizazio dinamika abiatu zen.

Ordutik, sindikatuek eta Prekarioen Koordinadorak dozenaka ekimen burutu ditugu, eta 4 greba deitu dugu, arazo horren  larritasuna eta gainontzeko langileengan, sailetan eta ikasleengan izango zituen ondorio txarren jakitun izanik konponbidea aldarrikatzeko.

Zoritxarrez, ez da hori egungo Zuzendaritzak abiarazitako murrizketa bakarra. 2022ko urrian erretirora iragateko indarrean zegoen plana bertan behera utzi eta TELAZELen eta irakasle  eta ikertzaileen baldintzak kaskartzen zituen plan berri bat abiarazi zuen, sindikatu guztien eta Gobernu Kontseiluaren kide askoren kontrako jarrera sortaraziz.

Jarraitu Martxoak 12ko Greba, aukera berria EHUko Zuzendaritzari eta Eusko Jaurlaritzari haien politikak alda ditzaten aldarrikatzeko irakurtzen →

BIHAR, martxoaren 6an, EHUko irakasle eta ikertzaileok guztiok GREBARA!!!!

IRI, LAB EHU, Mobilizazioa

Azken hilabeteetan ordezkoen prekarizazio larriak erdigunean jarri du EHUko irakasle eta ikertzaileok pairatzen ditugun lan-baldintza kaxkarrak. Izan ere, ordezkoen afera edalontzira eroritako azken tanta izan da.

Irakasleen bajak eta baimenak lanaldi partzialeko ordezko irakasleen bitartez betetzeak (gehienez 800 euroko soldatekin), prekarizazioa areagotuko du EHUn, baita, kasu askotan sailetako gainerako irakasleen irakaskuntza zama handitu. Horri gehitu behar zaio berriak ez diren hainbat egoera: lan-zama handia, erosahalmenaren galera metatua urteetan zehar, osagarrien izozketa 2006tik, kolektiboaren barruan ematen diren diskriminazioak (bosturtekoak, seiurtekoak, …), plantilaren ezegonkortasuna, erretiroen akordioen deuseztapena, aldebakarreko campusen itxiera…

Egiturazkoa den arazo bat dugu guzti honen atzean: EHUren finantziazioa ez-nahikoa. Irakasle eta ikertzaileen Errektoreordearekin izandako bileretan ez da negoziatzeko borondaterik antzeman eta bere zuzendaritzatik jasotako proposamenek ez dute irakasle-ikertzaileek ditugun arazoak konpontzen. Jarrera itxi honek eta Eusko Jaurlaritzak erantzunik eman ez izanak berriro mobilizatzeko beharra eramaten gaituzte.

UPV/EHUko prekarioen koordinadorak abian jarri du grebarekin bat egiteko ekimena. LABek, Steilasek eta ELAk bat egin dute ekimenarekin, eta sinatzera animatu nahi zaituztegu. https://forms.gle/71kmpMWMJ64Ujrwq6

8:00etan pikete informatiboak campusetan:

– Leioan: Campusaren sarreran
– Donostian: Barriola eraikinaren sarreran (Elhuyar plaza, 1)
– Gasteizen: Farmazia fakultatearen atzean (René Cassin kalea)

11:30etan elkarretaratzeak:

– Bilbon: Hezkuntza ordezkaritzan (Kale Nagusia, 85) (mobilizazio nagusia)
– Donostia: Hezkuntza ordezkaritzan (Andia kalea, 13)
– Gasteiz: Errektoreordetzan (handik, giza katean Hezkuntza ordezkaritzara joango gara; San Prudentzio kalea, 18)

Gaur kontzentrazioa Klaustroaren egunean

LAB EHU, Mobilizazioa

Aurreko prentsaurrekoan esan bezala, EHUn greba egitera eta mobilizatzera eraman gintuzten arazo gehienek beren horretan diraute!!

Gaur, LAB, STEILAS eta ELA sindikatuok deituta, elkarretaratzea egin dugu Bizkaia aretoaren aurrean klaustroaren osaketaren egunean.

Elkarretaratzean irakurritako komunikatua hemen daukazu.

UPV/EHUn lan-baldintza duinak bermatu eta diskriminaziorik ez!

MARTXOAREN 6an eta MARTXOAREN 12an GREBARA!

!

Irakasle-ikertzaileen elkarretaratzea otsailaren 22an, 11:00etan Legebiltzarrean

IRI, LAB EHU, Mobilizazioa

Aurreko astean egin genuen prentsaurrekoan esan bezala, EHUn greba egitera eta mobilizatzera eraman gintuzten arazo gehienek beren horretan diraute!!

Errektoretza-taldeak bere ardura hartu behar badu ere, Eusko Jaurlaritzak badu zer esan arazo hauetan; Gasteizko gobernuaren ardura zuzeneko gaiak baitira EHUrentzako finantzaketa duina bermatzea  eta 41/2008 Dekretuaren aldaketa.

Datorren ostegunean, otsailaren 22an, LAB, Steilas eta ELA sindikatuok deituta, elkarretaratzea egingo dugu goizeko 11:00etan Legebiltzarraren parean EHUko langileen lan-baldintza duinak kalitatezko unibertsitatea eraikitzeko ezinbestekoak direlako!

Guztion inplikazioa beharrezkoa delako, animatu zaitez elkarretaratzean parte hartzera!

MARTXOAREN 6an eta MARTXOAREN 12an GREBARA!

EHUko zuzendaritzaren eta Eusko Jaurlaritzaren itxikeriaren aurrean, irakasle-ikertzaileok martxoak 6 eta martxoak 12 GREBARA!

IRI, LAB EHU, Mobilizazioa

Ikasturte honetako lehen lauhilekoan EHUn greba egitera eta mobilizatzera bultzatu gintuzten arazo gehienek beren horretan diraute bigarren lauhilekoaren hasiera honetan. Aste hauetan zehar, negoziazio-mahaiaren bi bilera izan ditugu baina Errektoretza erabat itxita agertu da sindikatuek aurkeztutako proposamenen aurrean. Nabarmentzekoa da, bereziki, ordezko irakasleen lan-baldintzak hobetzeko proposamenen aurrean zuzendaritzak erakutsitako egoskorkeria. Eusko Jaurlaritzaren jarrera pasiboa ere onartezina izan da.

Jarraitu EHUko zuzendaritzaren eta Eusko Jaurlaritzaren itxikeriaren aurrean, irakasle-ikertzaileok martxoak 6 eta martxoak 12 GREBARA! irakurtzen →

EHUko zuzendaritzaren eta Eusko Jaurlaritzaren itxikeriaren aurrean, irakasle-ikertzaileok berriz mobilizazioetara!

IRI, LAB EHU, Mobilizazioa

Ikasturte honetako lehen lauhilekoan EHUn greba egitera eta mobilizatzera bultzatu gintuzten arazo gehienek beren horretan diraute bigarren lauhilekoaren hasiera honetan. Aste hauetan zehar, negoziazio-mahaiaren bi bilera izan ditugu baina Errektoretza erabat itxita agertu da sindikatuek aurkeztutako proposamenen aurrean. Nabarmentzekoa da, bereziki, ordezko irakasleen lan-baldintzak hobetzeko proposamenen aurrean zuzendaritzak erakutsitako egoskorkeria.

Jarraitu EHUko zuzendaritzaren eta Eusko Jaurlaritzaren itxikeriaren aurrean, irakasle-ikertzaileok berriz mobilizazioetara! irakurtzen →

BIHAR, URRIAK 25, UPV/EHUko LANGILE GUZTIOK GREBARA!

LAB EHU, Mobilizazioa

Urriaren 25ean, asteazkenarekin, greba egingo dugu EAEko sektore publikoko langileok. Zerbitzu Publiko guztiak ageriko atzerakada jasotzen ari dira azken urte hauetan eta gure unibertsitatea ez da salbuespena izan. UPV/EHUko langileok ere ondo ezagutzen dugu errotzen ari den joera hau.

Horrela bada, lan baldintza duinen eta langileok galdu dugun erosahalmenaren berreskurapenaren alde, eta oro har, zerbitzu publikoen defentsan eta pribatizazioaren kontra zerbitzu publikoetako langileekin bat egin eta grebara joango gara UPV/EHUko Irakasleak-Ikertzaileak eta Teknikariak eta Kudeaketa, Administrazio eta Zerbitzuetako langile guztiak ere.

– Estatutik datozen mugak ez onartu. Bertan negoziatu            eta erabaki

– %10eko soldata igoera orain, aurreko zorra berreskuratu

– Enplegua sortu eta egonkortu

– Publikoa indartu, pribatizaziorik ez

– Lan kargak arindu, jardunaldia murriztu, osasuna bermatu


– Zaintza publikoa, politika feministak


– Zerbitzu publikoetan euskara sustatu eta bermatu

Zatoz gurekin deitutako kontzentrazioetara:

7:30etan zutabeak hiriburuetako sarreretan:

Bilbon: Juan de Garai, EITB, La Salveko zubia

Donostian: Amarako sarrera, Loreako biribilgunea

Gasteizen: Foronda, Mercadonako atea

11:30etan manifestazioak hiriburuetan:

Bilbon: Eusko Jaurlaritzatik (Gran Via, 85)

Donostian: Bulebarretik

Gasteizen: Eusko Legebiltzarretik