Kategoriaren artxiboa: Soldata

LABek doktoretza aurreko ikertzaileen soldata hobetzeko akordioa sinatu du baina borrokak eta negoziazioak aurrera darraite

IIP, Ikertzaileak, LAB UPV/EHU, LAB UPV/EHU, Soldata

Aurreko komunikatu batean plazaratu genuen negoziazio prozesuan ikertzaileen soldatak duintze bidean zenbait hobekuntza egitera konprometitu zela Errektoretza, 2021eko abenduko akordioa oinarritzat hartuta. Doktoretza aurreko ikertzaileei dagozkien konpromisoak akordio batean gauzatu dira LABetik eskatu dugun gisara, eta sinadura gauzatu da gaur. Akordioak sindikatuen aldeko gehiengo (%59a) izan du, LABez gain Steilasek ere sinatu baitu. Akordioa EHUko aurrekontuen onarpenaren aurretik egin denez soldata igoera aurten aplikatuko da 2023ko urtarriletik atzera eraginez. Maiatzean izatea espero da.

Jarraitu LABek doktoretza aurreko ikertzaileen soldata hobetzeko akordioa sinatu du baina borrokak eta negoziazioak aurrera darraite irakurtzen →

Hau da momentua ikertzaileen lan-baldintzak lortzeko! Administrazioak hartutako konpromisoak

IIP, Ikertzaileak, LAB UPV/EHU, LAB UPV/EHU, Soldata

Gezur, demagogia eta interes partidistak giroa lokazten ari diren hauteskunde sindikalen aurreko garai honetan, LABek langileen aldeko negoziazioa aldarrikatzen du. EHUren azken aldebakarreko erabakien aurrean, erretiroaren akordioak puskatzea esaterako, LABek jarrera argia du: alde batetik kalean eta epaitegietan salatu du erabaki hau; eta bestetik ikertzaileen prekarizazioaren bezalako gaiak bertan behera ez geratzeko negoziazio prozesuekin jarraitzeko erabaki irmoa hartu du. Hau zen momentua ikertzaileentzako soldaten hobekuntzak lotzeko, 2023ko EHUko aurrekontuak egiten ari direnean, bestela ez zen aukerarik izango aurten hobekuntzarik izateko. Harritzen gaitu interes elektoralengatik sindikatu batzuek honen aurka egitea. Minoria batek ezin du betatu horrelako langileentzako hobekuntzak.

Jarraitu Hau da momentua ikertzaileen lan-baldintzak lortzeko! Administrazioak hartutako konpromisoak irakurtzen →

Seiurtekoak: Eusko Jaurlaritzaren aurrean elkarretaratu gara aldi baterako irakasle-ikertzaileen kontrako diskriminazioa bukatzeko exijitzeko

IIP, Ikertzaileak, LAB UPV/EHU, LAB UPV/EHU, Mobilizazioa, Osagarriak, Soldata

2023ko urtarrilaren 11n Eusko Jaurlaritzaren aurrean elkarretaratzea burutu dugu Eusko Jaurlaritzak gai honetan daukan erantzukizuna salatzeko.

Abenduan bidali genizuen komunikatuan alderdi batzuk aipatzen genituen; besteak beste:

Jarraitu Seiurtekoak: Eusko Jaurlaritzaren aurrean elkarretaratu gara aldi baterako irakasle-ikertzaileen kontrako diskriminazioa bukatzeko exijitzeko irakurtzen →

Aldi baterako irakasle-ikertzaileak: asteazkenean hitzordu bat daukagu seiurtekoak eskatzeko eskubidearen alde

IIP, Ikertzaileak, LAB UPV/EHU, Mobilizazioa, Osagarriak, Soldata

Abenduaren 16ko mezuan jakinarazi genizuenez (https://labehu.eus/blog/seiurtekoak-labek-bultzatutako-epaiaren-sententzia-aldekoa/), seiurtekoak eskatzeko eskubidea lortzetik gertuago gaude. Hala ere, EHUko zuzendaritza zein Eusko Jaurlaritza zuen kontrako diskriminazio hau mantentzen tematzen dira.

Hori dela eta, asteazken honetan, urtarrilaren 11, 12:30etan,  elkarretaratzea egingo dugu Eusko Jaurlaritzaren aurrean (Donostia kalea 1, Gasteiz; bus geltokiaren atzean). Borroka luze honetan, kaltetuak zaretenon parte-hartzea ezinbestekoa da. Horregatik diskriminazio honekin bukatzeko eskatzeko elkarretaratzera hurbiltzeko deia egiten dizuegu. Arabako campusetatik kotxeetan joateko antolatuko gara (jarri zaitez gurekin harremanetan: lab.gasteiz@ehu.eus ).

Seinala ditzagun diskriminazio hau mantentzearen erantzuleak!

Seiurtekoak: LABek bultzatutako epaiaren sententzia, aldekoa!

IIP, Ikertzaileak, LAB UPV/EHU, Soldata

Diskriminazioa gelditzeko lorpena, baina borrokak aurrera darrai

LABek aspalditik salatu eta exijitu dio EHUri seiurtekoak eskatzeko eta ordaintzeko orduan aldi baterako irakasle-ikertzaileekin daraman diskriminazioa amaitzeko, (1)(2)(3).

ANECAk diskriminazio honekin bukatzeko aukera zabaldu zuen eta hala egin dute, gutxienez, Estatu espainiarreko 12 unibertsitatek (4). EHUko zuzendaritzak, ordea, ez zuen nahi izan. Bere jarrera ez da argia izan: batzuetan ezin zela esan; beste batzuetan, haien kontua ez zela adierazi, Unibasq-en ardura jarrita; eta beste batzuetan, “lan egiten ari gara” esan baina, deialdia ateratzeko momentua helduta, diskriminazio hau mantendu dute, urtarrilean aterako den deialdian gertatuko den bezala.

Jarrera honen atzean Eusko Jaurlaritzaren presioak paper handia dauka, ez baitu nahi honek suposatuko lukeen finantzaketa bideratu. Honen aurrean, EHUko zuzendaritzaren jarrera ahula eta koldarra da.

Jarraitu Seiurtekoak: LABek bultzatutako epaiaren sententzia, aldekoa! irakurtzen →

Aldi baterako irakasle-ikertzaileentzako seiurtekoak 2022ko deialdian!

IIP, Ikertzaileak, LAB UPV/EHU, Osagarriak, Soldata

EHUko zuzendaritza, baliatu jada dagoen aukera diskriminazioarekin bukatzeko

2021eko ikerketa-seiurtekoen deialdiaren harira komentatu genizuenez, nahiko ikerketa-merituak dauzkaten irakasle-ikertzaile guztiek seiurtekoak eskatu eta jaso ahal izatea LABen sail sindikalaren aldarrikapen historikoa da, bosturtekoen kasuan egin genuen bezala. Hala ere, EHUko azken zuzendaritza taldeen jarrerak langileen arteko diskriminazio hau mantendu du. Haien esanetan, kolektibo honetara zabaltzea ezinezkoa zen, ANECAk ez baitzuen posible egiten (geroago ikusi bazen ere EHUn 5 urtez atxiki bezala egondako bitarteko irakasle kontratatuei aukera hori ireki zitzaiela).

Jarraitu Aldi baterako irakasle-ikertzaileentzako seiurtekoak 2022ko deialdian! irakurtzen →

Aldi baterako irakasle-ikertzaileek eska ditzakete seiurtekoak unibertsitate askotan. Ez ordea EHUn

IIP, Ikertzaileak, Osagarriak, Soldata

2022ko urtarrilaren 17tik otsailaren 7ra arte irekita egongo da ikerketa merezimenduak (seiurtekoak) ebaluatzeko eskaerak egiteko epea.

Argitaratutako deialdietan, beste urte batez, irakasleen arteko diskriminazioari eusten zaio eta aldi baterako kontratua duten irakasle-ikertzaileei ez zaie onartuko seiurtekoen eskaera egiterik (hutsik dagoen lanpostu iraunkorra betetzen ari diren aldi baterako irakasle-ikertzaileen kasuan izan ezik).

Askotan salatu izan dugun moduan diskriminazio kasu argia pairatzen dute aldi baterako irakasle eta ikertzaileek beren lankide iraunkorrekin alderatuta. Artikulu berberak argitaratuta ere, iraunkorrek meritu horiek ebaluatzeko eska dezaketen bitartean, aldi baterakoei ukatu egiten zaie aukera hori.

Jarraitu Aldi baterako irakasle-ikertzaileek eska ditzakete seiurtekoak unibertsitate askotan. Ez ordea EHUn irakurtzen →

LABek ikertzaileen lehenengo akordioa sinatu du baina borrokak eta negoziazioak aurrera darraite

IIP, Ikertzaileak, LAB UPV/EHU, Soldata

LABek doktoretza aurreko eta doktoretza ondoko ikertzaileentzako akordioa sinatu du. Akordioak sindikatuen aldeko gehiengo oso handia (ordezkaritzaren % 81,5) izan du Steilas eta CCOO sindikatuek ere sinatu baitute. LABek behin eta berriro eskatu du ikertzaileen lan-baldintzak negoziatzeko prozesua abiaraztea. Azkenean lortu dugu Administrazioa negoziazio prozesuan sartzea. Akordioak guztiz asetzen ez bagaitu ere, hainbat alderdi positibo ditu.

Sinatu berri den lehenengo akordio honetan doktoretza aurreko eta ondoko langileen baldintzak barneratzen dira, iraganeko egoera hobetzen hasiz: Etorkizunean jarraituko duen negoziazio prozesu honetan ikertzaile guztien gaiak jorratuko dira.

Akordioaren lerro nagusiak ondokoak dira.

Jarraitu LABek ikertzaileen lehenengo akordioa sinatu du baina borrokak eta negoziazioak aurrera darraite irakurtzen →

Abenduaren 14an kontzentrazioa: seiurtekoak ikerketa-meritu nahikoak dituzten guztientzat!

IIP, Ikertzaileak, LAB UPV/EHU, Soldata

LABetik abenduaren 14rako kontzentrazio bat antolatu dugu Leioako Campusean (12:00etan Areto Nagusiaren eskaileretan, Errektoretza eraikinaren alboan) EHUk bere langileekiko duen diskriminazio eta prekarizazio jarrera salatzeko. EHUko langile-kolektibo ezberdinen aldarrikapenen artean (ikusi LABeko atal sindikalak garatutako Aldarrikapen dekalogoa) seiurtekoena daukagu. Izan ere, lanpostu iraunkorra betetzen duten aldi baterako irakasle-ikertzaileen salbuespen bakarrarekin, gainerako aldi baterako irakasle-ikertzaileei (atxikiei, BIK/LIUei, ikertzaileei, kolaboratzaileei…) seiurtekoak eskatu ahal izatea ukatzen diete, nahiz eta kasu askotan seiurteko bat (edo gehiago) lortzeko meritu nahikoak izan. Ukatze hau diskriminazio argi bat da beren lankide iraunkorrekin alderatuta. Izan ere, maiz, artikulu beren sinatzaile bezala batera agertzen dira. Iraunkorrak direnek posible dute meritu hauek aurkeztea seiutekoak eskatu eta kobratzeko eta aldi baterakoei aukera hori ezeztatzen zaie.

Jarraitu Abenduaren 14an kontzentrazioa: seiurtekoak ikerketa-meritu nahikoak dituzten guztientzat! irakurtzen →