Kategoriaren artxiboa: Soldata

IRIen prekarizazio eta diskriminazioaren aurkako kontzentrazioa Leioan

IRI, LAB EHU, Mobilizazioa, Soldata

Irakasle-ikertzaileen kontzentrazioa Leioan EHUn prekarizazioa eta diskriminazioa salatzeko.

Joan den abenduaren 14an Leioako Campusean kontzentratu ginen irakasle eta ikertzaileen kolektibo zabal batzuen egoera larriak salatzeko eta horren aurrean LABek aldarrikatzen dituen 7 neurriak errektoretza taldeari eskatzeko. EHUko irakasle eta ikertzaileek, lanpostu egonkor eta duin bat lortzeko, trabaz eta injustiziaz beteriko bide bat igaro behar dute. Bada garaia egoera hori aldatzeko!

Jarraitu IRIen prekarizazio eta diskriminazioaren aurkako kontzentrazioa Leioan irakurtzen →

LABek ikertzaileen lehenengo akordioa sinatu du baina borrokak eta negoziazioak aurrera darraite

Ikertzaileak, IRI, LAB EHU, Soldata

LABek doktoretza aurreko eta doktoretza ondoko ikertzaileentzako akordioa sinatu du. Akordioak sindikatuen aldeko gehiengo oso handia (ordezkaritzaren % 81,5) izan du Steilas eta CCOO sindikatuek ere sinatu baitute. LABek behin eta berriro eskatu du ikertzaileen lan-baldintzak negoziatzeko prozesua abiaraztea. Azkenean lortu dugu Administrazioa negoziazio prozesuan sartzea. Akordioak guztiz asetzen ez bagaitu ere, hainbat alderdi positibo ditu.

Sinatu berri den lehenengo akordio honetan doktoretza aurreko eta ondoko langileen baldintzak barneratzen dira, iraganeko egoera hobetzen hasiz: Etorkizunean jarraituko duen negoziazio prozesu honetan ikertzaile guztien gaiak jorratuko dira.

Akordioaren lerro nagusiak ondokoak dira.

Jarraitu LABek ikertzaileen lehenengo akordioa sinatu du baina borrokak eta negoziazioak aurrera darraite irakurtzen →

Abenduaren 14an kontzentrazioa: seiurtekoak ikerketa-meritu nahikoak dituzten guztientzat!

Ikertzaileak, IRI, LAB EHU, Soldata

LABetik abenduaren 14rako kontzentrazio bat antolatu dugu Leioako Campusean (12:00etan Areto Nagusiaren eskaileretan, Errektoretza eraikinaren alboan) EHUk bere langileekiko duen diskriminazio eta prekarizazio jarrera salatzeko. EHUko langile-kolektibo ezberdinen aldarrikapenen artean (ikusi LABeko atal sindikalak garatutako Aldarrikapen dekalogoa) seiurtekoena daukagu. Izan ere, lanpostu iraunkorra betetzen duten aldi baterako irakasle-ikertzaileen salbuespen bakarrarekin, gainerako aldi baterako irakasle-ikertzaileei (atxikiei, BIK/LIUei, ikertzaileei, kolaboratzaileei…) seiurtekoak eskatu ahal izatea ukatzen diete, nahiz eta kasu askotan seiurteko bat (edo gehiago) lortzeko meritu nahikoak izan. Ukatze hau diskriminazio argi bat da beren lankide iraunkorrekin alderatuta. Izan ere, maiz, artikulu beren sinatzaile bezala batera agertzen dira. Iraunkorrak direnek posible dute meritu hauek aurkeztea seiutekoak eskatu eta kobratzeko eta aldi baterakoei aukera hori ezeztatzen zaie.

Jarraitu Abenduaren 14an kontzentrazioa: seiurtekoak ikerketa-meritu nahikoak dituzten guztientzat! irakurtzen →

Abenduaren 14an kontzentrazioa: irakasle-ikertzailen diskriminazio eta prekarizazioari EZ!

Ikertzaileak, IRI, LAB Sindikatua, Mobilizazioa, Soldata

LABetik abenduaren 14rako kontzentrazio bat antolatu dugu Leioako Campusean (12:00etan Areto Nagusiaren eskaileretan) EHUk bere langileekiko duen diskriminazio eta prekarizazio jarrera salatzeko.

7 eskaera burutu ditugu ondorengo aldarrikapen taulan, aldi baterako irakasle-ikertzaile ororen eskubideak, irakasle partzialen egoera eta aldi baterako ikertzaileen egoera larriak duintzeko.

Horretaz gain, LAB-en lanaldi partzialdun irakasleek EHUn bizi duten egoeraren diagnostiko bat egin dugu, langileen ehun personako lagina hartuta. Bertan ikusten da lanaldi partzialeko irakasleek batez bestean, %309ko lanaldiak burutzen dituztela beraien atazak burutu ahal izateko. Lanaldi partzialaren prekarietate larria agerian geratu da.

Horregatik, dei egiten dizuegu EHUko irakasle-ikertzaileoi, eta egoera larrian zaudeten kolektiboei bereziki, Abenduaren 14an Leioara etortzeko, bada ordua Errektoretzak aldaketak egin ditzan!

Auzitegi gorenak LABen interpretazioa onartuta EHUk ordaindu behar du doktoretza aurreko ikertzailei zor diena!

Ikertzaileak, IRI, LAB EHU, Soldata

2019ko martxoaren 16an doktoretza aurreko ikertzaileen Estatutua (EPIPF) Estatuan indarrean sartu zenean, LABetik behin eta berriz EHU interpelatu genuen ikertzaile hauen soldatak lege honek ezarritako gutxienekoetara egokitu zitzan baina ez genuen Administrazioaren aldetik erantzun positiborik jaso.

Egoera horren aurrean LABek dei egin zien doktoretza aurreko ikertzaileei jaso ez zituzten zenbatekoak judizialki erreklamatzera. LABetik dozenaka doktoretza aurreko ikertzaileren demandak tramitatu genituen eta erreklamatzaileen aldeko hainbat sententzia egon ziren EAEko Justizia Auzitegi Nagusiaren aldetik.

Jarraitu Auzitegi gorenak LABen interpretazioa onartuta EHUk ordaindu behar du doktoretza aurreko ikertzailei zor diena! irakurtzen →

Lanaldi partzialdun irakaslei inkesta

IRI, Soldata

Irakasle partzial ugari jasaten ari den prekarizazioaz jabeturik, egoeraren diagnosi bat egiten ari gara LAB sindikatuan. Joan den ikasturtean egin genituen banakako galdeketen bidez jada atzeman ditugu Bitarteko Irakasle Kontratatu partzialak, batez beste, kontratuan ezartzen zaizuen ordu-kopuruaren bikoitza ari zaretela eskaintzen EHUri. Ezartzen zaizuen lan-zama ez dator bat zuen kontratuan agertzen diren klase- eta tutoretza-orduekin. Eta aitortzen eta ordaintzen ez zaizkizuen kudeaketa-lana, formakuntza-lana eta eskolen prestakuntza-lana egiten dituzue dohain. Telefonoz burutu ditugun galdeketen arabera, kontratu partziala duzuon gehiengo nagusiak ikerketa egiten duzue zuen ordu libreetan, geroago EHUren izenean ikerketak argitaratuz, EHUn karrera egiteko bide bakarra baituzue hau. Horregatik inkesta motz hau luzatzen dizuegu, EHUn JARDUN PARTZIALEAN ZAUDETEN ORORI (bai bitarteko kontratudunei bai elkartuei), zuen egoera zehatza zein den jakiteko. Zuen eskubideen alde borroka egiteko beharrezkoa dugu.

Inkestaren LINKa:

UPV/EHUn irakasle-ikertzaile prekarizaturik EZ!

IRI, LAB EHU, Soldata

LABen kezka larria dugu UPV/EHUko lanaldi partzialeko irakasle-ikertzaileen (IRI) lan-baldintza prekarioekiko. Gaur egun, UPV/EHUko 5.678 irakasle-ikertzailetatik, 955 kontratu partzial daude, %20a. Lanaldi partzialeko irakasleen hileko soldata 800 eurotik beherakoa da.

Partzialtasun horretan, irakasle asko ordaindutakoa baino askoz ordu gehiago sartzen ari zarete. Alegia, klaseak eta tutoretza ordaintzen dira, baina kudeaketa, formazioa, prestakuntza ez da ordaintzen. Eta ikerketa (egiten denean eta UPV/EHUren izenean argitaratzean) ez zaizue onartu ere egiten.

LAB-etik lan sakon bat egiten ari gara egoera hau aldatzeko. Mesedez zure egoera hau bada, edo iraganean bizi izan baduzu, naiz eta orain egoera hobean izan, SALATU UPV/EHUren kontratu mota hau, inprimatu egin dugun pegatina hau eta jarri zure bulegoko atean.

Eta egoera honetan aurkitzen bazara, idatzi e-mail honetara: lab.gasteiz@ehu.eus edo deitu 945 014 374 zenbakira, kaltetuen artean masa kritikoa sortu eta egoera hau aldatzeko.

Unibasqen aurrean kontzentratu gara aldi baterako irakasle-ikertzaileek seiurtekoak eskatzeko eskubidea aldarrikatzeko

Ikertzaileak, IRI, IRIen Osagarriak, LAB EHU, Mobilizazioa, Soldata

Atzo, otsailaren 23an, irakasle-ikertzaile talde bat Unibasqen egoitzaren aurrean bildu ginen “Unibasq, UPV/EHU, aldi baterako irakasle-ikertzaileen diskriminaziorik ez! Seiurtekoak ikertzen duten guztiontzat” lelopean.

Jarraitu Unibasqen aurrean kontzentratu gara aldi baterako irakasle-ikertzaileek seiurtekoak eskatzeko eskubidea aldarrikatzeko irakurtzen →

Unibasq, EHU: aitortu seiurtekoak aldi baterako irakasle-ikertzaileei! Zeren zain zaudete?

Ikertzaileak, IRI, IRIen Osagarriak, LAB EHU, Mobilizazioa, Soldata

Kontzentrazioa Unibasq-en aurrean, Gasteizen, otsailaren 23an

Aldi baterako irakasle eta ikerlarien kolektibo osoari ikerketa seiurtekoak errekonozitu eta ordaintzeko azken asteetan irekitako aukeraren inguruan modu argian posizionatzeko eskatzen genien EHUko eta Unibasq-eko zuzendaritza taldeei gure aurreko komunikatuan [1]. Egoera aztertzen ari zirela eta gaiaren inguruko erabaki bat hartzeko denbora gehiago behar zutela iradoki zitzaigun, hain zuzen ere, urtarrilean irakasle-ikertzaileen errektoreordearekin izandako Plangintza Batzordean.

Jarraitu Unibasq, EHU: aitortu seiurtekoak aldi baterako irakasle-ikertzaileei! Zeren zain zaudete? irakurtzen →

Aldi baterako seiurtekoen inguruko jarrera argi bat eskatzen diogu EHUko zuzendaritzari

Ikertzaileak, IRI, IRIen Osagarriak, LAB EHU, Soldata

Seiurtekoak ikerketa merituak dauzkaten guztiontzat!

Dakizuenez, irakasle eta ikertzaile ez iraunkorrek seiurtekoak eskatzeko aukera ireki da eta Estatuko unibertsitate batzuetan aukera hori bideratu dute ANECArekin adenda bat sinatuz (Euskal Herriko kasuan, NUPen bertan).

EHUri dagokionez, Unibasq eta ANECAren artean sinatu beharko litzateke adenda hori, baina, oraingoz, ez dago adendarik eta,  gainera, egoeraren inguruko jakinarazpenik ere ez zaie igorri EHU edo Unibasq-etik interesa izan dezaketenei.

Jarraitu Aldi baterako seiurtekoen inguruko jarrera argi bat eskatzen diogu EHUko zuzendaritzari irakurtzen →