Aldi baterako irakasleei aitortutako seiurtekoen ordainketa desblokeatzetik gertu?
2017an, sententzia baten ondorioz, ate bat ireki zen lehenengo aldiz aldi baterako irakasleek ikerketa seiurtekoak eskatu ahal izateko. Hala ere, Unibasq-ek sententziaren oso irakurketa murriztailea egin zuen eta, ikerketa meritu nahikorik daukaten irakasle eta ikertzaile guztiei aukera hori bideratzeko baliatu ordez, bakarrik hutsik dagoen lanpostu iraunkorra betetzen zuten irakasle-ikertzaileei mugatu zuen. Modu honetan, 2017ko deialdian egoera horretan zeuden irakasle batzuei seiurtekoak aitortu zitzaizkien. Hala ere, 41/2008 dekretuan aldi baterako irakasleek jaso behar duten osagarria definituta ez egotea aitzakiatzat hartuta, oraindik ez zaie ordaintzen hasi. Urte bat baino gehiago daramate meritua aitortuta baina kobratu gabe!
Jarraitu Seiurtekoak: konponbideak atzeratzen eta diskriminazioa luzatzen irakurtzen
Kategoriaren artxiboa: Ikertzaileak
Ikertzaileei ere azken urteetako soldata igoerak aplikatu behar zaizkie
@Gob_eus @upvehu : Ikertzaileei soldata igoerak aplikatu behar zaizkiela eskatzeko idazkia erregistratu dugu jaurlaritzan, eta talde parlamentarioei helarazi diegu@predocasanblada pic.twitter.com/1eifjckjR0
— LAB UPV-EHU (@lab_ehu) January 31, 2019
Egun hauetan eztabaidatzen ari den langile publikoen 2019ko soldata-igoera arautuko duen lege proiektuaren harira, UPV/EHUko LAB sindikatuak ondorengoa adierazi nahi die Eusko Jaurlaritzari eta UPV/EHUri:
- 2016tik 2018ra arte langile publikoei egin zaien soldata igoera ez zaio UPV/EHUn lan egiten duen ikertzaile kolektibo handi bati aplikatu, (2016ko %1a, 2017ko %1a eta 2018ko %1,75a).
- 2019an %2,25eko igoera planteatzen da lege proiektu berri honetan.
- Aipatutako ikertzaileak langile publikoak dira, UPV/EHUrekin kontratu bat dutelako.
- UPV/EHUren arabera, 41/2008 dekretuan dago arazoa, ordainsariak laguntza-programa bakoitzean zehaztuko direla esaten duelako eta programa horietan soldatak ez direlako behar bezala eguneratu. Hala ere, dekretu hau, ikertzaileei dagokienez, aspaldi dago zaharkituta, estatuko 14/2011 Zientzia, Teknologia eta Berrikuntzaren Legea onartu zenetik, hain zuzen ere.
Hau guztia kontuan hartuta UPV/EHUko LAB sindikatuak ondorengoa exijitzen du: Jarraitu Ikertzaileei ere azken urteetako soldata igoerak aplikatu behar zaizkie irakurtzen
Krisialdia, aurrekontuak eta unibertsitate publikoa
Jose Mari Zendoia Sainz eta Maite Urtiaga Arregi
LABeko sail sindikala UPV/EHUn
Hezkuntza sailburuaren esanetan, ez da errealista UPV/EHUk Jaurlaritzari eskatzea krisiaren aurreko diru ekarpen berbera. Zergatik? Errealitatearen aurkako fikzioa dirudi hamarkada batean unibertsitate publikoari egiten zaion ekarpena ia %8 gutxitu izanak, Jaurlaritzaren aurrekontu osoa %14 baino gehiago handitu den bitartean. Jarraitu irakurtzen ->
Eusko Jaurlaritza: UPV/EHU ez ito!
Krisialdia igaro omen da, agintari politikoen ahotan. Langabezia-tasak beheraka egin badu ere, langile berrien lan baldintzak modu lotsagarrian suntsitu direlako izan da, eta beste langile askok lana bilatzeari uko egin diotelako. Galdetu gazteei.
Bitartean, Euskal Autonomia Erkidegoak aurrera jarraitzen du, eta horren adibide, Jaurlaritzak 2019rako prestatu duen aurrekontu proiektua. Cristina Uriarte Hezkuntzako Sailburuaren esanetan, ez da errealista EHUk Jaurlaritzari eskatzea krisiaren aurreko diru ekarpen berdina. Zergatik? Guk kontrakoa uste dugu, izan ere, Jarraitu Eusko Jaurlaritza: UPV/EHU ez ito! irakurtzen
LABek doktore aurreko ikertzaileen mobilizazioekin bat egiten du
Doktore aurreko ikertzaileen asanbladak bihar, maiatzaren 10ean 11:30etan, deitutako kontzentrazioekin bat egiten du LABek.
- LEIOAN Liburutegi Nagusiko sarreran
- DONOSTIAN Aulariopean
- GASTEIZEN Elurreta Eraikinean
LABen ustez ikertzaileen prekarietate egoerari aurre egin behar zaio, ez bakarrik doktore aurreko ikertzaileen kasuan, baizik eta behin behineko ikertzaile guztien kasuan ere. LABek, bihartik aurrera hasiko diren negoziazioetan, ikertzaile kolektibo guztiei lan-baldintza duinak lortzeko lan egingo du.
2017ko irakasle-ikertzaileen Lan-Eskaintza Publikoa onartuta
Azken ordura arte egon da argitzeke Eusko Jaurlaritzak ekonomikoki bermatuko zuen ala ez 2017ko Lan Eskaintza Publikoa (LEP). Azkenean, abenduaren 14ko Gobernu Kontseiluan UPV/EHUko zuzendaritzak zehaztu zuen 2017ko LEPean eskainiko dituen 161 irakasle-ikertzaileen lanpostuen banaketa kategoriaz, baita barne promozioaren bidez 20 katedra eskainiko dituela eta, aurten, lehenengo aldiz, LEP osagarri bat aterako duela beste 39 agregatu plazez osatua (ikusi taula).
Jarraitu 2017ko irakasle-ikertzaileen Lan-Eskaintza Publikoa onartuta irakurtzen
Bihar, ostiralean, Ibaetako campusean giza-katea: LAN DUINA, BIZI DUINA!!!
Unibertsitatean prekarietateak aurpegi desberdinak ditu, gazteak batez ere
Administrazio eta Zerbitzuetako Pertsonalean behin-behinekotasun tasa ikaragarria da, %60a hain zuzen ere, eta egoera askoz larriagoa da laboralen kolektiboan non %83koa den.
Irakasle-ikertzaileentzat kontratu finko bat lortzeko bidea, prekarietate aldi luzeak edukitzeaz gain, oztopoz beteriko urte askoko lasterketa bilakatzen da. Prekarietate kasu mingarriena arduraldi partzialeko irakasle kontratatuetan ematen da, beren soldatak iraingarriak direlako. Arduraldi erdiko irakasle batek kontratu osoko baten soldataren laurdena jasotzen du. Bakarrik ordaintzen zaizkio eskolak eta tutoretzak, baina ez ezinbestez egin behar dituen beste lanak, eskolak prestatu eta azterketak zuzendu besteak beste. Gainera, soldatarako ez zaio ikerketa-lana kontatzen, askotan bere jardunaren zatirik handiena izanik. Egoera honetan daude bitarteko irakasleen (interinoen) laurdena, 170 lagun, gutxi gora behera. Salatzekoa ere lan berdina egiten duten irakasleen arteko diskriminazioa, iraunkor izatearen ala ez izatearen arabera, antzinakotasuna kobratzeko orduan, esaterako.
Ikertzaileentzat berriz, egonkortzea oraindik ere zailagoa da, ikerlari egonkor oso lanpostu gutxi sortzen baititu UPV/EHUk. Curriculum bikaineko ikertzaileak egonkortzeko aukerarik gabe geratzen dira unibertsitatean urte asko eman ondoren. Ikertzaile ez-doktoreen lan baldintzak desberdinak dira deialdien arabera, beraz, ez da betetzen “lan berdina, soldata berdina” araua, eta gainera soldatak oso eskasak dira. Proiektuetan denbora baterako kontratatutako pertsonalaren kontratuak motzak dira eta oso gutxitan arduraldi osokoak. Langile hauek kontratutik kontratura doaz, nahiz eta plaza batzuk estrukturalak direla nabaria den.
Bitartean, UPV/EHU nazioarteko rankinetan aurrera doa, bikaintasunaren bidean, bere langile guztien lan baldintzak prekarietatearen zulotik atera gabe.
Horregatik, UPV/EHUn ere lan-baldintzak duindu behar ditugu: LAN DUINA, BIZI DUINA!!!
Bihar, Azaroaren 3an, 12:00etan GIZA KATEA Barriola aulariotik. PARTE HARTU!!!
Irakasle-ikertzaileen eremuko negoziazio kolektiboa martxan jartzea eskatzen dugu!
LAB eta Steilas sindikatuok behin eta berriz adierazi dugu lehentasuna ematen diegula negoziazioari eta konponbide kolektiboei. Hala ere, azken urteetan bide judiziala izan da nagusi langileen eskubideak defendatzeko orduan. Baina bide hori salbuespenekoa izan beharko litzateke, lan-baldintzak ez baitira epaitegietan erabaki behar. Horregatik, UPV/EHUko zuzendaritzari esaten diogu, ohizko kudeaketatik eratorritako jarduerez haratago, garaia iritsi dela azkenaldiko blokeoa gainditu eta aspalditik esku tartean ditugun gaiak mahai gainean jartzeko. Irakasle eta ikertzaileen eremuan negoziatu beharreko gaiak asko dira, ugariak baitira konpontzeko arazoak. Hona aurreikusten ditugun batzuk: Jarraitu Irakasle-ikertzaileen eremuko negoziazio kolektiboa martxan jartzea eskatzen dugu! irakurtzen
Arduraldi partzialeko PIC eta LIU kontratuak bateratzeaz
STEILASen eta LABen ekimenez, arduraldi partzialeko PIC eta LIU kontratuak bateratzeko atea zabaltzea onartu du EHUk gaur, LIU hori 6h-koa izanda ere, biok elkarrekin asteko dedikazio maximoa gainditzen ez den bitartean, lan-hitzarmenaren 24.4 puntuaren interpretazioa ildo horretatik adostuta, bertan ez baitira bereizten arduraldi partzialeko eta osoko PICak.
EHUko ikertzaileen karrera akademikoa garatzeko traba bat ezabatu da horrela, baita haien lan-baldintzak hobetu ere, orain arte bateratze hori 4h-ra arteko ordezkapenekin baino ez baitzen posible.
Doktore berriak kontratatzeko deialdia
Uztailaren 13ko Gobernu Kontseiluak onartu zuen “doktorego ondoko prestakuntza programetan sartu arte, doktore berriak kontratatzeko deialdia”. Kontratu hauek “predok” eta “postdok” kontratuen arteko zubi-kontratuak dira, eta aurtengo apirila arte deialdia irekia egoten zen etengabe, baina Unibertsitateak horretarako diru-partida amaituta zegoela esanez, deialdia itxi zuen. Jarraitu Doktore berriak kontratatzeko deialdia irakurtzen