Kategoriaren artxiboa: LAB Sindikatua

11/13 makroepaiketako auzipetuei babesa erakutsiko diegu larunbatean, Bilbon egingo den manifestazioan

Elkartasuna, LAB EHU, LAB Sindikatua, Mobilizazioa

LABeko ordezkaritza zabal bat Bilbon izango da larunbatean, 11/13 makroepaiketako auzipetuei babesa emateko eta makroepaiketa bera bertan behera utz dezaten exijitzeko. Sindikatuko idazkari nagusi ondoko Igor Arroyok, Ekintza Sindikala eta Negoziazio Kolektiboko idazkari Xabier Ugartemendiak eta Industria Federazioko idazkari Eulate Zilonizaurrekoetxeak epaiketa atarian egingo den manifestazioan hartuko dute parte (Bilboko La Casilla, 17:30). Larunbateko mobilizaziorako deia egiteko, joan den ostiralean, gehiengo sindikaletik elkarretaratzeak egin genituen Hego Euskal Herriko hiriburuetan. Aurretik, hainbat eragilerekin batera, babesa erakutsi genien auzipetuei, baita eurekin beraiekin bildu ere.

Horrela, LABek dei egiten langileei datorren larunbatean “47ak herrian” lemarekin Bilbon deitutako mobilizazioan parte hartzera.

47ak herrira

Sinatu manifestua!



47ak Herrian. 11/13 makroepaiketaren aurka mobilizatuko gara irailaren 6an

Elkartasuna, LAB EHU, LAB Sindikatua, Mobilizazioa

Euskal gehiengo sindikaletik indarrak bildu eta erantzuteko deia egiten diegu euskal langileei, giza eskubideak, demokrazia eta etorkizunaren alde. Hala, elkarretaratzeak egingo ditugu irailaren 6an, ostiralarekin, 12:00etan, Hego Euskal Herriko hiriburuetan: Bilbon, Eliptika plazan; Donostian, Alderdi Ederren; Gasteizen, Andra Mari Zurian; eta Iruñean, Udaletxe Plazan. Herri honek irtenbideak behar ditu, ez sufrimendua areagotzen duten bide agortuak.

47ak herrira

Sinatu manifestua!

Gasteizko Gobernuak Mahai Orokorra propagandarako eta bere intereserako erabili nahi badu, ez diogu zilegitasunik emango

Berdintasuna, LAB Sindikatua, Mobilizazioa
Lakuan egindako elkarretaratzea, Mahai Orokorraren bilera egin aurretik

LABek ez du Gobernuaren propaganda estrategian parte hartuko. Gobernuak mahai orokorra bere intereserako erabili nahi badu, guk ez diogu marko horri zilegitasuna emango. Horregatik altxatu gara gaur mahaitik. Ondorengo egunetan jakingo dugu zein den Gobernuaren benetako nahia eta horren araberako erabakiak hartuko ditugu.

Jarraitu Gasteizko Gobernuak Mahai Orokorra propagandarako eta bere intereserako erabili nahi badu, ez diogu zilegitasunik emango irakurtzen →

Zerbitzu publikoetan enplegua egonkortzeko lege propioa aldarrikatu dugu Gasteizen

LAB Sindikatua

Zerbitzu publikoetako LABeko delegatuek enplegua egonkortzeko lege propioa eta murrizketa guztiak atzera itzultzeko aldarrikatu dute Gasteizen. Santiago ospitaletik abiatuta, EAJren egoitzaren aurretik igaro eta parlamentuaren ateraino eraman dute aldarrikapena. Izan ere, zerbitzu publikoetako bitarteko langileek pairatzen duten ezegonkortasuna eta prekarietatearekin amaitzeko bide egokiena berariazko lege bat egitea delakoan gaude LABen. Bestalde, Eusko Jaurlaritza EAEko aurrekontuen ildoak prestatzen ari denean, enplegurako plan integralak eta egindako murrizketak atzera bueltatzeko unea ere bada, eta Mahai Orokorra gaiok lantzeko lehenbailehen deitzeko eskaera egin dugu dagoeneko.

Jarraitu Zerbitzu publikoetan enplegua egonkortzeko lege propioa aldarrikatu dugu Gasteizen irakurtzen →

Enplegua kontsolidatzeko eta egonkortzeko lege propio bat behar dugu

LAB Sindikatua

Egoerak identifikatu eta langile kolektibo anitzak kontuan hartuko dituen Enplegu Egonkortze Eredu propioa arautuko lukeen legea eskatzen diogu Jaurlaritzari

Salbuespen egoera larrian gaude euskal administrazioetan. Enplegu publikoaren eremuan egin diren politika publikoen ondorioz, langileen ikuspegitik anabasa eta ezegonkortasuna nagusi da erakunde ezberdinetan. Azken hamarkadan, orokorrean behin-behinekotasun tasa %25etik %40ra igo da, eta eremu batzuetan 20 urte daramate deialdi publikorik egin gabe. Langile finkoen batez besteko adina 50 urtekoa da EAEko administrazioetan, eta datozen 10-15 urteetan, sektorearen arabera, langileriaren erditik %70era jubilatu egingo da behin-behinekotasuna ikaragarri igoaraziz.

Jarraitu Enplegua kontsolidatzeko eta egonkortzeko lege propio bat behar dugu irakurtzen →

Emakunderen egoitza okupatu dugu, soldata arrakala arazo politikoa dela salatzeko

Berdintasuna, Feminismoa, LAB Sindikatua

Emakunderen egoitzan elkartu gara, Gasteizen, Gizon eta Emakumeen Soldata Berdintasunaren Aldeko Egunaren bezperan, idatzi bat erregistratzeko. Hain zuzen ere, “Soldata arrakala ez da kopuru bat, arazo politikoa da” lelopean mobilizatu gara. Ondoren, Emakunderen egoitza okupatu eta batzar bat egin dugu bertan, gure aldarrikapenak ikustarazteko: soldata arrakala sistemak erabiltzen duen tresna baita, gure lanei balioa kentzeko, lan horiek doan eskuratzeko, gutxiago ordaintzeko, jardunaldi partzialak eta aldi baterako kontratuak inposatzeko eta zaintza lanak egitera behartzeko. Era berean, Iruñean, Nafarroako Parlamentuaren aurrean egin dugu protesta. Kasu honetan, Nafarroako Berdintasunerako Institutuari zuzendu gatzaio.
Gehiago irakurri –>

Soldata arrakala ez da kantitate kontu hutsa, arazo politikoa da

Berdintasuna, Feminismoa, IRI, LAB Sindikatua, Soldata, TEKAZEL

Soldata arrakala sistemak erabiltzen duen tresna da, emakumeon* lanei balioa kentzeko, lan horiek doan eskuratzeko, gutxiago ordaintzeko, jardunaldi partzialak eta aldi baterako kontratuak inposatzeko eta zaintza lanak egitera behartzeko, sistema kapitalista heteropatriarkalak lan horiek guztiak premiazkoak baititu, bere horretan irauteko eta irabaziak lortzeko.
Jarraitu Soldata arrakala ez da kantitate kontu hutsa, arazo politikoa da irakurtzen →

Martxoak 8: "Emakume askeak, herri libre eta feminista batean, hori da borrokatuko duguna"

Feminismoa, IRI, LAB EHU, LAB Sindikatua, TEKAZEL

Martxoaren 8a gorriz markatuta dugu sindikatuaren agendan. Hain zuzen ere, martxan jarri gara greba feminista prestatzeko eta, hitzordu garrantzitsu hori ardatz hartuta, LABeko emakumeon batzarra egin dugu Donostian, Eureka museoan. Jarraitu Martxoak 8: "Emakume askeak, herri libre eta feminista batean, hori da borrokatuko duguna" irakurtzen →

“Orain presoak” lelopean egingo diren manifestazioetan parte hartzeko deia egiten dugu

Elkartasuna, Ikasle Presoak, LAB Sindikatua, Mobilizazioa

Abenduan Nazio Batzarrak eztabaidatu eta onartutako Testuinguruaren azterketan zehazten zuen moduan, presoa eta iheslariak etxera ekratzeko borroka indartzea izango da LABen lehentasunetako bat datozen hilabeteetan.
Horrela, LABek dei egiten langileei datorren urtarrilaren 12an eta “Orain presoak” lemarekin Bilbon eta Baionan deitutako mobilizazioetan parte hartzera. Batzorde Exekutiboko ordezkaritza bana bidaliko du LABek bakoitzera, Garbiñe Aranburu Igor Arroyo Bilbon izango dira, eta Eñaut Aramendi eta Aiora Imaz Baionan.
Jarraitu “Orain presoak” lelopean egingo diren manifestazioetan parte hartzeko deia egiten dugu irakurtzen →

Azaroak 25: Epaitegietan emakumeontzat Justiziarik ez!

Feminismoa, IRI, LAB Sindikatua, Mobilizazioa, TEKAZEL

Azaroaren 23an, ostiralarekin, egingo ditugu mobilizazioak, “Epaitegietan emakumeontzat Justiziarik ez ¡No a este sistema que nos maltrata!” leloarekin. Hala, epaitegietan mobilizatuko gara ostiralean, eta, igandean, mugimendu feministaren deialdiekin egingo dugu bat. Hauek dira sindikatuak 23rako deitutako protestak, epaitegietan: Bilbon, 10:30ean; eta Donostian, Gasteizen eta Iruñean, 11:00etan.
Emakumeen Kontrako Indarkeriaren Epaitegien egoera jasotzen duen txosten bat osatu du LABek egoeraren diagnostikoa ez ezik, hutsuneak konpontzeko proposamenak ere planteatzen dituena.
Jarraitu Azaroak 25: Epaitegietan emakumeontzat Justiziarik ez! irakurtzen →