Aitortuta eduki arren, EHUko irakasle ez-iraunkorrak ez daude bosturtekoak kobratzen ari.
Behin behineko irakasleen urtetako aldarrikapena izan da bosturtekoak aitortu eta kobratzearena. Izan ere, irakaskuntzari dagokion osagarri hau irakasle iraunkorrei soilik onartzeak diskriminazioa ezartzen baitu irakasleen artean.
Jarraitu EHUko behin behineko irakasleei aitortu zaizkien bosturtekoak ordain dakizkien eskatzeko elkarretaratzea irakurtzen
Kategoriaren artxiboa: Mobilizazioa
Bosturtekoak behin-behineko irakasleentzat: Diskriminazioaren kontrako mobilizazioak
Bosturtekoak aitortuta eduki arren kobratzen ez dituzten behin-behineko irakasleekin UPV/EHUren hiru Campusetan egin diren asanbladen ostean, eta egon daitezkeen zalantzetatik haratago (epaitegietan helegite indibidualak jartzea, iraunkorra izanda behin-behineko irakasle bezala aitortutako bost urtekoei uko egitea, eta abar), presio neurriak beharrezkoak zirela onartu zen gai honi irtenbidea emateko. Soilik kaltetuen erantzun irmo baten ondorioz lortuko da behin-behineko irakasleei bosturtekoen ordainketa gauzatzea. Jarraitu Bosturtekoak behin-behineko irakasleentzat: Diskriminazioaren kontrako mobilizazioak irakurtzen
Mugimendu feministak larunbaterako deitutako mobilizazioekin egin dugu bat
Azaroak 25 Emakumeenganako Indarkeriaren Kontrako Nazioarteko Eguna da. Hori dela eta, mugimendu feministak larunbaterako deitutako mobilizazioekin egin dugu bat. Era berean, larunbatean bertan, LABetik solasaldi bat egingo dugu Bilbon, etxeko langileen egoerari buruz hitz egiteko, “Inork ikusi nahi ez duen zapalkuntza hirukoitza” leloarekin.
Hauxek dira Emakumeenganako Indarkeriaren Kontrako Nazioarteko Egunerako aurreikusitako manifestazio nagusiak, mugimendu feministak deituta:
- Baionan, 11:00etan, udaletxetik.
- Bilbon, 18:30ean, Jesusen Bihotzetik.
- Gasteiz, 18:30ean, Andra Mari Zuritik.
- Donostia, 19:00etan, Bulebarretik.
- Iruñea, 20:00etan, Gaztelu Plazatik.
Epaitegi Gorenak atzera bota du Eusko Jaurlaritzaren helegitea behin-behinekoentzako bost urtekoen deialdien kontra
Eusko Jaurlaritzak Euskal Autonomia Erkidegoko Auzitegi Nagusiko lan arloko salaren 2016ko maiatzaren 840/2016 sententzia errekurritu zuen, bost urtekoen deialdia behin-behineko irakasleei zabaltzeko UPV/EHU behartzen zuena. Errekurtsoa erabaki arte irakasle-ikerlarien errektoreordetzak behin-behineko irakasleentzako bost urtekoen deialdiak atera ditu baina “betetzeko behin-behinekoz” aipatutako epaia. Deialdietan jasotzen da ere aitortutako merituak ordainduko direla Hezkuntza, Unibertsitate eta Ikerketa sailaren martxoaren 4ko 41/2008 Dekretuaren aldaketa argitaratuko denean. Jarraitu Epaitegi Gorenak atzera bota du Eusko Jaurlaritzaren helegitea behin-behinekoentzako bost urtekoen deialdien kontra irakurtzen
Irakasle ez iraunkorren bosturtekoak: asanbladak 3 campusetan
Dakizuenez, irakasle ez iraunkorrek irakaskuntzari lotutako bosturtekoak eskatu ahal badituzte ere, aitortutako bost urtekoak ez zaizkie ordaintzen (ikusi Bosturtekoak: noiz arte irakasleen eskubideak ukatzen? komunikatua).
Gai honen egoerari buruz hitz egiteko, iritziak elkartrukatzeko eta martxan jartzeko ekimenak komentatzeko, asanbladak antolatu ditugu 3 campusetan:
- Gasteizen, azaroaren 21ean, asteartea, 13:00etan, Farmazia fakultateko 1.9 gelan.
- Leioan, azaroaren 22an, asteazkena, 13:00etan, Liburutegi nagusiaren 6-B gelan (Master eta doktorego Eskolakoa).
- Donostian, azaroaren 23an, osteguna, 13:00etan, Barriola zentroaren 3.1 gela (erabilera anitzeko gela).
Etortzera eta parte hartzera animatu nahi zaituztegu, ez bakarrik ez iraunkor bezala bost urtekoak aitortuta dauzkazuenak, baizik eta bost urtekoak eskatuko dituzuen irakasle ez iraunkorrak ere (laster irekiko den deialdian edota hurrengo urteetan), baita ekimen honekin elkarkidea izan nahi duten gainontzeko irakasleak ere.
Bada ordua gure eskubideen alde mugitzeko.
GARBIKETA hitzarmen duina ORAIN! Komunikatua eta Mobilizazioak
Hezkuntza Saila eta UPV/EHUko garbiketako kontratetako langileek lan-hitzarmen duin aldeko mobilizazioak egingo dituzte UPV/EHUn:
Leioako campusean: Mikel Laboa plazan, azaroaren 14ean, 17:00etan
Sarrikon: sarreran, azaroaren 22an, 13:15etan
Donostiako campusean: Barriola gelategian, azaroaren 15ean, 9:00etan
Gasteizeko campusean: errektoreordetzan, azaroaren 16an, 13:15etan
155.aren kontra DEMOKRAZIA eta ERABAKITZEKO ESKUBIDEA
Hainbat eragile politiko, sozial eta sindikalok, LABek barne, arbuiatu egiten ditugu 155. artikuluaren aplikazioa eta Katalunian gertatzen ari diren espetxeratzeak nahiz gertakari errepresiboak. Beraz, inongo zilegitasunik ez duen Kataluniako Gobernuaren kargugabetzea salatzen dugu, eta ez dugu ontzat ematen Espainiako Gobernuak eskumenak bereganatu izana. Gainera, ezin dugu onartu Parlamenta —Kataluniako herritarren subiranotasun demokratikoaren erakundea— deusezteko erabakia, Mariano Rajoyk agindutakoa.
Honengatik guztiagatik, larunbatean, azaroaren 4an, Bilbon (17:00etan, La Casilla) eta azaroaren 5ean Iruñean (12:30ean, Udal plazan) “155.aren kontra demokrazia eta erabakitzeko eskubidea” leloarekin mobilizatzeko deia luzatzen dugu.
Etor zaitez zu ere!!
Bihar, ostiralean, Ibaetako campusean giza-katea: LAN DUINA, BIZI DUINA!!!
Unibertsitatean prekarietateak aurpegi desberdinak ditu, gazteak batez ere
Administrazio eta Zerbitzuetako Pertsonalean behin-behinekotasun tasa ikaragarria da, %60a hain zuzen ere, eta egoera askoz larriagoa da laboralen kolektiboan non %83koa den.
Irakasle-ikertzaileentzat kontratu finko bat lortzeko bidea, prekarietate aldi luzeak edukitzeaz gain, oztopoz beteriko urte askoko lasterketa bilakatzen da. Prekarietate kasu mingarriena arduraldi partzialeko irakasle kontratatuetan ematen da, beren soldatak iraingarriak direlako. Arduraldi erdiko irakasle batek kontratu osoko baten soldataren laurdena jasotzen du. Bakarrik ordaintzen zaizkio eskolak eta tutoretzak, baina ez ezinbestez egin behar dituen beste lanak, eskolak prestatu eta azterketak zuzendu besteak beste. Gainera, soldatarako ez zaio ikerketa-lana kontatzen, askotan bere jardunaren zatirik handiena izanik. Egoera honetan daude bitarteko irakasleen (interinoen) laurdena, 170 lagun, gutxi gora behera. Salatzekoa ere lan berdina egiten duten irakasleen arteko diskriminazioa, iraunkor izatearen ala ez izatearen arabera, antzinakotasuna kobratzeko orduan, esaterako.
Ikertzaileentzat berriz, egonkortzea oraindik ere zailagoa da, ikerlari egonkor oso lanpostu gutxi sortzen baititu UPV/EHUk. Curriculum bikaineko ikertzaileak egonkortzeko aukerarik gabe geratzen dira unibertsitatean urte asko eman ondoren. Ikertzaile ez-doktoreen lan baldintzak desberdinak dira deialdien arabera, beraz, ez da betetzen “lan berdina, soldata berdina” araua, eta gainera soldatak oso eskasak dira. Proiektuetan denbora baterako kontratatutako pertsonalaren kontratuak motzak dira eta oso gutxitan arduraldi osokoak. Langile hauek kontratutik kontratura doaz, nahiz eta plaza batzuk estrukturalak direla nabaria den.
Bitartean, UPV/EHU nazioarteko rankinetan aurrera doa, bikaintasunaren bidean, bere langile guztien lan baldintzak prekarietatearen zulotik atera gabe.
Horregatik, UPV/EHUn ere lan-baldintzak duindu behar ditugu: LAN DUINA, BIZI DUINA!!!
Bihar, Azaroaren 3an, 12:00etan GIZA KATEA Barriola aulariotik. PARTE HARTU!!!
EAEko Mahai Orokorraren bilera: Eusko Jaurlaritzaren aldetik negoziazioari ez eta murrizketei bai
Atzo Gasteizen, Mahai Orokorraren bileraren aurrean egindako konzentrazioaren irudia.
Atzo berriro ere bere menpean dauden langileen lan baldintzak negoziatzeko borondate falta argia adierazi du Eusko Jaurlaritzak. Izan ere, ez du elementu berririk planteatu nahi izan Mahai Orokorraren bileran. LABek planteatutako enpleguaren arazoa konpontzeko, eta lan baldintzak eta eros-ahalmena berreskuratzeko planen inguruan ez du ezer entzun nahi izan administrazioak. Entzungorrarena ere egin du gaixotasunen jarraipena mutualitateen ordez osasun zerbitzu publikoak egitearen proposamenaren aurrean. Bileraren aurretik, elkarretaratze bat egin dugu Gasteizen, ELArekin batera, “Zerbitzu publikoak garatu. Lan baldintzak hobetu. Enplegua egonkortu” leloarekin, Eusko Jaurlaritzaren egoitzaren aurrean. Jarraitu EAEko Mahai Orokorraren bilera: Eusko Jaurlaritzaren aldetik negoziazioari ez eta murrizketei bai irakurtzen
Mobilizatzera deitu ditugu langileak, Sanchez eta Cuixarten atxiloketen aurrean
Kataluniako parlamentuak independentziarako adierazpena onartu zuen pasa den astean, etenaldian geratu zena bide negoziatu eta adostuari aukera eman nahian, hau da, negoziaziorako ate bat zabalik utzita. Orduan esaten genuen Espainiako Estatuak ez zutela kontutan hartuko negoziaziorako eskaintza hau. Gure aurreikuspen ilunenak bete dira. Ukazioa eta errepresioa erabili du orain arte Estatuak, debekua eta mehatxua, eta bortizkeriaz erantzun dio prozesuari.
Jarraitu Mobilizatzera deitu ditugu langileak, Sanchez eta Cuixarten atxiloketen aurrean irakurtzen