LAB eta STEILAS sindikatuon komunikatu bateratua
Pasa den asteko Gobernu-kontseiluan onartu ziren irakasle-ikertzaileen banakako osagarrien 2013ko eta 2014ko deialdiak. Deialdi hauek aukera emango diete irakasle-ikertzaile askori 2011 eta 2014 urteen artean egin gabeko deialdien ondorioz izan zituzten galerak partzialki errekuperatzeko. Gogoratu bi deialdi hauek LAB eta STEILAS sindikatuok bultzatutako salaketa judizialaren ondorio zuzena izan direla.
Jarraitu Osagarriak, Gizarte Kontseiluaren zain irakurtzen
Kategoriaren artxiboa: IRIen Osagarriak
2016ko Osagarrien deialdiaren ondorio ekonomikoak atzeratzeko azpijokoak
LAB, STEILAS, CCOO eta ELA sindikatuen komunikatu bateratua
Pasa den martxoaren 4an, Errektoreak bidalitako mezu bat jaso genuen UPV/EHUko irakasle-ikerlariok, gogora ekarriz, besteak beste, errektoretza-taldearen, Gizarte-kontseiluaren, Unibasq-en eta Jaurlaritzaren artean adostuta zeukaten akordioa ordainsari osagarrien inguruan. “Alde guztientzat zentzuzkoa eta egokia den akordioa”, aukera eman ziona irakasle-ikerlarien multzo handi bati 2015eko deialdian osagarriak lehenengo aldiz eskatzeko, edo lehenagoko deialdietan eskuratutakoak kontsolidatzeko. Akordio hark 2016ko udaberrian beste deialdi bat izango zela ere jasotzen zuen, 2015eko irailaren 8an irakasle-ikerlarien Errektoreordeak mezu bidez jakinarazi zuen moduan; horren arabera, aukera egongo zen osagarriak 2015ean kontsolidatzeko, 2016an ebaluazio berri bat eskatzeko eta eskuratutako tramu berriak 2017an kobratzeko, lehenago lortutakoak arriskuan jarri gabe eta galera ekonomikorik gabe. Jarraitu 2016ko Osagarrien deialdiaren ondorio ekonomikoak atzeratzeko azpijokoak irakurtzen
Diskriminaziorik EZ! Bosturtekoak Guztiontzat!
Sindikatu guztiok – LAB, STEILAS, CCOO, ELA eta UGT – argi dugu IIP ez-iraunkorraren eskubidea ere badela bosturtekoak jasotzea. Gainera, argi dugu, UPV/EHUn eskubide hori 2015 urtetik aurrera gauzatu behar dela, ondorio guztiekin. Beraz, 2015eko ohiko deialdian ebaluazio positiboa eskuratu dutenei atzerapenak ordaindu beharko litzaizkieke eta aurkeztu ez zirenentzako ez-ohiko deialdi berri bat prestatu beharko litzateke, ondorio ekonomiko berberekin.
Jarraitu Diskriminaziorik EZ! Bosturtekoak Guztiontzat! irakurtzen
Gehigarrizko ordainsari osagarriak esleitzeko eta finkatzeko proposamenak onartu ditu Gobernu Kontseiluak
UPV/EHUko Gobernu Kontseiluak B eta A tarteetako gehigarrizko ordainsari osagarriak esleitzeko eta aurreko deialdietan esleitutakoak finkatzeko Gizarte Kontseiluari helarazteko proposamena onartu zuen 2016ko martxoaren 10ean egindako bilkuran.
Jarraitu Gehigarrizko ordainsari osagarriak esleitzeko eta finkatzeko proposamenak onartu ditu Gobernu Kontseiluak irakurtzen
2013ko deialdia ere berreskuratu dugu!
LAB eta STEILAS sindikatuon komunikatu bateratua
Beste behin ere arrazoia eman digu EAEko Auzitegi Nagusiak, onartuta Steilas eta LAB sindikatuok jarri genuen helegitea, ebatzi baitu soldata-osagarrien 2013 eta 2014ko deialdiak gauzatu egin behar dituela EHUk.
Jarraitu 2013ko deialdia ere berreskuratu dugu! irakurtzen
Irakasleen arteko diskriminazioa errealitate latza da EHUn 2016an urtean ere
Iñaki Etaioren iritzi artikulua LAB Irekitzen prozesuaren web orrian:
Irakasleen arteko diskriminazioa errealitate latza da EHUn 2016an urtean ere
Diskriminazioa kolektibo batzuetan eta, horretaz gain, egoera zehatz batzuetan dauden langile batzuengan, ematen bada ere, ez iraunkorrak garen irakasle eta ikerlariak kolpatuenak gara inolako zalantzarik gabe eta Irekitzen prozesuan horretaz hausnartzea gustatuko litzaidake.
… jarraitu irakurtzen ->
EAEko Auzitegi Nagusiak 2014ko osagarrien deialdia egiteko eskatu dio UPV/EHUri!!
LAB eta STEILAS sindikatuon Komunikatu Bateratua
Aurreko osagarrien deialdiak berreskuratzeko ahaleginean LAB eta Steilas sindikatuok abiatu genuen 4/2014 sententziaren gaineko egikaritze intzidentea partzialki onartu du EAEko Auzitegi Nagusiak. Autoak dio LAB eta Steilas sindikatuok 2014ko urtarrilean aurkeztu genuela demanda epaitegietan, urteroko deialdien eskubidea eskatuz, eta aldeko epaia 2014ko martxoan eman zela. Ondorioz, 2015eko deialdia martxan jartzearekin UPV/EHUk ez duela epaiaren behin-behineko egikaritzea betetzen eta unibertsitateari eskatzen dio 2014ko deialdia ere egin dezan.
Jarraitu EAEko Auzitegi Nagusiak 2014ko osagarrien deialdia egiteko eskatu dio UPV/EHUri!! irakurtzen
Osagarriak, zertan dabiltza
KOMUNIKATU BATERATUA: LAB eta STEILAS
Gaur goizean, gutako askok Etxaniz errektore-ordearen jakinarazpen bat jaso dugu, ordainsari-osagarrien aurtengo deialdiaren eskaerak ebazteko epea eteten duena. Gainera, atzo ezagutu genuen, Eusko Jaurlaritzak 2016 urterako prestatu dituen aurrekontuen aurreproiektuan, 2015ekoarekin konparatuz gero, osagarrientzako diru-partidan bi milioi eta erdiko murrizketa ageri da. Kontuan izanda aurten deialdiak berrabiarazi direla, eta beraz jasotzaile gehiago izango garela… Nola ulertu behar ditugu albiste hauek? Zer asmo ezkutatzen dute erabaki hauek?
Jarraitu Osagarriak, zertan dabiltza irakurtzen
Cristina Uriarte, dimisioa!
KOMUNIKATU BATERATUA: LAB eta STEILAS
UPV/EHUko irakasle eta ikertzaileen (IIP) ordainsari osagarrien berraktibatze prozesua luze bezain konplikatua suertatzen ari da, prozesua oztopatzeko Eusko Jaurlaritzaren presio eta trikimailuen ondorioz. LAB eta steilas sindikatuok jarritako salaketaren epaia, 2014ko martxokoa, argia zen: osagarrien deialdiak berrabiarazi egin behar dira, urteroko maiztasunarekin. Epai horri erantzunez, UPV / EHUko Gizarte Kontseiluak, gai honetan eskumena duen organoa eta Eusko Jaurlaritzaren ordezkaritza esanguratsuena duena, argi berdea eman zion 2015ko deialdiari. Deialdi murriztua hau, 2011‐2014 epealdian egin ez ziren deialdien atzera eragina barneratzeari uko egin ziolako, Eusko Jaurlaritzaren
presioen aurrean amore emanez.
Jarraitu Cristina Uriarte, dimisioa! irakurtzen
Deialdia aurrera doa, atzerako eraginaren aldeko gure borroka ere bai
KOMUNIKATU BATERATUA: LAB eta STEILAS
Urriaren 8an amaitzen da 2015eko osagarrien deialdian eskaerak aurkezteko epea. LAB eta STEILAS sindikatuek jasotako aldeko sententzia partzialki betetzeko egin da deialdia eta, egoera desblokeatzeko duen balioa aitortzen badiogu ere, jakitun gara atzerako eragina ez izatearen erabakiak kaltetu asko utzi dituela, batez ere inoiz eskatzeko aukerarik izan ez dutenen artean.
Jarraitu Deialdia aurrera doa, atzerako eraginaren aldeko gure borroka ere bai irakurtzen