Kataluniako erreferendumari babesa agertzeko Bilbon manifestazioa

Elkartasuna, LAB Sindikatua, Mobilizazioa

LABek eta ELAk uste dugu Euskal Herrian erabakitzeko eskubideak eskatzen duela berau bideragarri egingo duen estrategia, eta hau soilik aldebakarrekoa eta mobilizazioan oinarritua izan daiteke.
LABek eta ELAk dei egin dute datorren larunbatean, hilak 30, “Demokrazia; erabakitzeko askatasuna” goiburuarekin Bilbon izango den manifestaziora. Gure xedea da euskal jendarteak Kataluniako herritarrei itxurazko babesa adieraztea; izan ere, herritarrok uneotan eraso latza ari baitira pairatzen espainiar estatuaren aldetik, hau Generalitateko gobernuak urriaren 1erako deitu duen erreferenduma indarrez eragotzi nahian ari baita.
Jarraitu Kataluniako erreferendumari babesa agertzeko Bilbon manifestazioa irakurtzen →

2017ko soldaten igoera. Horrela ere ez dugu eros ahalmenik berreskuratuko

IRI, LAB EHU, Soldata, TEKAZEL

UPV/EHUko zuzendaritzak iraileko nominetan ezarriko du 2017rako %1eko soldaten igoera eta urtarrileko atzeraeragina izango du.
Aberastasunaren banaketan soldatek duten pisua azken hamarkadetan era gordinean murriztu bada ere –erkidegoan BPGren %50etik %45era jaitsiz krisialdiaren urteetan- , oraingo murrizketek, izozketek eta KPIren azpiko igoerak langileen pobrezia areagotzen dute. Jarraitu 2017ko soldaten igoera. Horrela ere ez dugu eros ahalmenik berreskuratuko irakurtzen →

Osagarrien deialdien normalizazioan atzerapenik ez!!

IRI, IRIen Osagarriak, Soldata

Osagarrien deialdiak normalizatuta zeudela uste genuen honetan, atzerapen larria gertatzen ari da 2017ko deialdiaren tramitazioan. Izan ere, 2016ko abenduaren 15eko Gobernu Kontseiluan onartu bazen ere, azken pausoa falta zaio, Gizarte Kontseiluak onartzea. Uztailean ohartarazi genuen azken tramite hau presazkoa zela, osagarrien deialdia atzeratzeak ondorio kaltegarriak izango dituelako. Bereziki kezkagarria da C osagarriak eskatuko dutenen kasua, gutxien kobratzen duten irakasle-ikertzaileen kolektiboa hain zuzen ere. C osagarrien esleipena urtea amaitu aurretik egiten ez bada, beren ordainketa 2019ra arte atzeratuko litzateke, urtebeteko dirua galduz. Honen atzean Eusko Jaurlaritzaren atzaparra antzematen dugu berriz ere, langile prekarioenen kontura dirua aurreztu nahian! Jarraitu Osagarrien deialdien normalizazioan atzerapenik ez!! irakurtzen →

Irailaren 28rako mobilizazioak Kataluniari babesa emateko

Elkartasuna, LAB Sindikatua, Mobilizazioa

ELA, LAB, ESK, Steilas, Etxalde eta Hiru sindikatuok urriaren 1ean Katalunian egingo den erreferenduma babesten dugu, eta bere emaitzak onartzeko konpromisoa adierazten dugu. Demokrazia eta herrien autodeterminazio eskubidea da urriaren 1 honetan jokoan dagoena. Horregatik, pauso bat aurrera eman nahi dugu elkartasunetik eta klase aliantzatik, Kataluniako prozesuaren aurrean konpromisoa hartuz eta honen parte aktibo izanez.
Kataluniaren erreferendumaren aldeko mobilizazioak:
BILBO. Moyua plazan.11:00
DONOSTIA. Alderdi Eder, 11:00
GASTEIZ. Gobernuko Azpiordezkaritzan. 12:00
IRUÑA. Gobernuko Ordezkaritzan.12:00
Jarraitu Irailaren 28rako mobilizazioak Kataluniari babesa emateko irakurtzen →

“Aldaketa sozialerako, independentzia” aldarrikatuko du LABek aurtengo Diadan

LAB EHU


LAB sindikatuak bere babesa erakutsi nahi dio Kataluniari eta hartu duen erabakitzeko eskubidearen aldeko bideari. Gure etorkizunaz erabakitzeko antzerako ariketa, burujabetza prozesu sozial eta aldebakarrekoaren bidez egindakoa, nahiko genuke Euskal Herrirako ere, eta horretan ari gara lanean. Diada egunean, astelehenean, LABek deialdi propioa egingo du, eta egoitzetan elkarretaratzeak egingo ditu. Jarraitu “Aldaketa sozialerako, independentzia” aldarrikatuko du LABek aurtengo Diadan irakurtzen →

Iritzia :: Elkartasuna Kataluniako erreferendumarekiko

Iritzia, LAB EHU

Mila Amurrio, Helena Franco, Pedro Ibarra, Petxo Idoiaga, Ane Larrinaga, Iñaki Lasagabaster, Francisco Letamendia eta Ramón Zallo UPV/EHUko irakasleek eta Garbiñe Aranburu (LAB),  Biktor Galarza (Hiru), Alazne Intxauspe (Etxalde), Txiki Muñoz (ELA), Txejo Ortega (Esk) eta  Ana Pérez (Steilas) sindikatuetako ordezkariek sinatzen dute.
Euskal gehiengo sindikalaren ordezkariek eta unibertsitateko irakasle-talde batek manifestu bat sinatzeko deia egin dugu http://www.activism.com plataforman, urriaren 1eko Kataluniako erreferendumarekiko elkartasuna adierazteko, U-1ekin BAT lelopean (Elkartasuna Kataluniako erreferendumarekiko/ Apoyo al referéndum de Catalunya).
Manifestuan adierazi dugu erakunde katalan hautatuek legitimitate demokratikoa dutela Kataluniako herriak erabaki dezan, berariazko erabakiaren bidez, «Katalunia errepublika moduan Estatu independentea izatea» nahi duen ala ez. Demokrazia batean herriaren norakoa herri burujabearen esku uztea bezalako une gorenik ez da, eta eliteen jokoa eteten da erabaki popularraren aldiari lotzean. Aurrekari hurbilak ditugu Quebec eta Eskoziako galdeketak. Jarraitu Iritzia :: Elkartasuna Kataluniako erreferendumarekiko irakurtzen →

LABek eta ELAk aldebakarreko burujabetza prozesu sozial baten alde egiten dugu

LAB EHU


Garbiñe Aranburu eta Txiki Muñoz, LAB eta ELAko idazkari nagusiek, burujabetza prozesua bultzatzeko bi sindikatuek egiten duten irakurketa eta hartuko dituzten konpromisoak jasotzen dituen dokumentua aurkeztu dute. Aranbururen esanetan “erabakitzeko eskubidea dugun herria gara, baina herrien eta langileen erabakitzeko eskubidea ukatzen duen estatu antidemokratiko baten parte ere bagara. Aurrera egin nahi badugu beraz Euskal Herriak bere burujabetza prozesua diseinatu behar du eta zentzu honetan, ELA eta LABek, gure ekarpena egin nahi dugu”. Jarraitu LABek eta ELAk aldebakarreko burujabetza prozesu sozial baten alde egiten dugu irakurtzen →

LABek Cantabriako Gobernu Ordezkaritzak ezarritako debekua salatzearekin batera, Rafa Diezek merezi duen harrera izango duela baieztatu du

Elkartasuna, IRI, LAB Sindikatua, TEKAZEL


Cantabriako Gobernu Ordezkaritzak gaur goizeko 8:00etarako El Dueso espetxearen aurrean deituta zegoen elkarretaratzea debekatzen duen erresoluzio bat agindu du. Debeku honen aurrean helegitea jartzearen ezintasunak dakarren gehiegikeria eta babesgabetasuna azaleratzen du honen Bai Rafaren kasuan zein beste askotan ere, Espainiako Erreinuak beste behin duen izaera antidemokratikoa besterik ez du erakusten.  Jarraitu LABek Cantabriako Gobernu Ordezkaritzak ezarritako debekua salatzearekin batera, Rafa Diezek merezi duen harrera izango duela baieztatu du irakurtzen →