Gaur, irailak 14, Ikasturte irekiera ofiziala burutu da Bilboko Bizkaia Aretoan, Errektore eta bere taldeko kideak, Eusko Jaurlaritzaren Lehendakaria eta Hezkuntza Sailburua, EAEko gizartearen eta UPV/EHUren hainbat ordezkari eta kide bertan izan direlarik.
Jarraitu Bizitza eta Osasuna erdigunera. Baliabide nahikorik gabe, kalitatezko UPV/EHUrik ez irakurtzen
Izurriteak guztiz baldintzatutako garaia ari gara bizitzen. Lurrikara eragin du Covid-19ak. Erabaki asko hartu dira pandemiari aurre egiteko, ia guztiak, langileoi bizkar emanda eta langileon kontura. Osasun krisiaren atzetik, orain, bestelako krisi hotsak ditugu ate joka, krisi ekonomiko eta sozialarenak; enplegu suntsiketa gehiago, prekarizazio gehiago, des- berdintasun sozial handiagoak ekarriko ditu, eragozten ez badugu. 2008ko krisia langileoi ordainarazi ziguten, baina oraingo honetan ez gaude prest faktura guk ordaintzeko.
Jarraitu Kapitala ala bizitza. Zurea da hitza. Egizu posible irakurtzen
Covid-19 pandemiagatik alarma estatua ezarri eta egun gutxitara EHUko ikertzaile talde batek, beste ikerketa-zentro batzuetako ikertzaileekin batera, prozedura berri bat garatu zuten PCR testak egin ahal izateko. Denbora errekorrean garatzea lortu zuten, lan-ordu asko sartuz eta auzolanean antolatuta. Apirilaren 8an EHUko Campusa aldizkarian iragarri zenez, prozedura honen berariazkotasuna % 100koa da eta sentsibilitatea %92koa. Gainera, erabiltzen diren kit komertzialak baino askoz merkeagoa da, test bakoitzak 15 bat euroko kostua izanda. Aste bat beranduago EHUk jaso zuen test horiek egiteko Carlos III Osasun Institutuaren baliozkotasuna. Ikertzaileen arabera, prozedura berri honi esker, EHUk eguneko 500-1000 test egin ahal izango luke eta, PCRak egiteko ekipoak dauzkaten EAEko laborategi guztiak koordinatuta, eguneko 10.000 test egitea posiblea izango litzateke.
Jarraitu EHU eta PCR testak: eman ta zabal zazu? irakurtzenUPV/EHUko LABek gogoeta eta proposamen zerrenda luzea egin ditu UPV/EHUn aurrez aurreko jardunera itzultzeko Planen inguruan.
‘UPV/EHUn aurrezko aurreko jardunera itzultzeko plana, Covid-19ak eragindako osasun alertaren ondorioz ezarritako konfinamenduaren ostean’ izenekoak ezartzen du plan horiek gerentziara bidaltzeko azken eguna 2020ko maiatzaren 5a zela.
Itzulera-Plan horietako askotan ez da ezagutzen nork egin duen, nahiz eta batzuetan Campuseko eta Gerentziako arduradunek noiz baliozkotu dituzten jakin. Nolanahi ere, horiek guztiak CSSIko kide diren pertsonei aurkeztu zaizkie 1. Itzuleraren ondoren (maiatzaren 12ko Gerentziaren Ebazpenaren arabera, maiatzaren 14an hasten zen), eta 2. eta 3. Itzulera hasi ondoren ere aurkeztu ziren, unibertsitateko Administrazioak joan den maiatzaren 25ean egindako CSSIren bileran jakinarazi baitzituen, 15: 30etik aurrera.
Dokumentua bi zaitan banatuta dago: lehen zatian, zenbait gogoeta orokor azaltzen ditu LABek; bigarrenean Plan hauei begira eta negoziatzeko 23 proposamen azaltzen dira.
Datorren asteazkenean, eguerdiko 12:00etan, batuko da Campus Arteko Segurtasun eta Osasun Batzordea, maiatzaren 14a baino lehen aurkeztu eta eztabaidatu beharko ziren .
Horregatik, langile guztiak horren jakitun egon daitezen hemen gogoetak irakur daitezke, eta beste esteka honetan LABek aurkeztutako 23 proposamenak irakur daitezke.
Osasun azterketa eta testa egitea eskaiozu Prebentzio Zerbitzuari!
Bestalde, UPV/EHUn aurrez aurreko jardunera itzuliko diren langileei unibertsitateak ez die ezelako osasun azterketarik egingo, ezta SARS-COV-2 birusak kutsatuta dauden edo ez jakiteko PCR test motarik ere.
Hori dela eta, maiatzaren 11tik aurrera euren lanpostura itzuli diren eta hurrengo asteetan itzuliko diren langileei UPV/EHUko Prebentzio Zerbitzuari osasun azterketak eta testak egiteko eskaera egitea proposatzen du LABek.
Eskaera egiteko gutun-eredua eskuratu dezakezu hemen (.odt , .doc). Behin gutuna beteta, bidali prebentzio.txostenak@ehu.eus helbide elektronikora.
LABek UPV/EHUn duen atal sindikalak salaketa aurkeztu zuen atzo goizean Bizkaiko Lan Ikuskaritzan. Bertan, eskatzen dugu unibertsitatearen AZPk jarduera presentzialera itzultzea geldiaraztea, harik eta salatutako eskubide-urraketak konpontzen diren arte eta langileen osasunerako eta segurtasunerako eskubidea modu eraginkorrean bermatzen den arte.
Salaketan, SARS-CoV-2 birusak eragindako pandemiaren ondorioz hartutako hainbat erabaki gogoratzen ditugu, eta hartutako erabaki gehienak sindikatu eta lan-osasun ordezkarien zein Lan-Segurtasun eta Osasun Batzordeen aldez aurretiko parte hartzerik eta ezagutzarik gabe jarri direla indarrean salatzen dugu.
Era berean, Gerentziari eskatutako hainbat informazio ere ukatu egin zaigula adierazten dugu eta, bide batez, salatu egiten dugu Administrazioak sortarazitako nahasmena langileen artean, batzuk maiatzaren 11tik bertatik lanera joateko deituak izan baitziren, lanik ez zegoenean antolatuta.
Ildo beretik, EHUk talde kalteberetako langileekin izaten ari den jokabidea salatzen dugu, besteak beste, Errektoreak berak onartutako lehen Itzulera Planean jasotakoa ez baita betetzen ari, hots, aurrez aurreko lanera itzultzekotan, talde horietako langileak izango zirela azken txandan bertaratuko zirenak eta telelanean jarraitzeko lehentasuna izango zutenak. Hori bera salatu genuen astelehenean ere Gerentearekin izandako bilera “ez formalean”.
Aipatzekoa da, iragan asteleheneko bilera goizeko 11:30ean hasi zela eta Gerentearen azken Erabaki-proposamena 8:49an jaso genuela sindikatuetako kideok. Deialdia bera ere, ez zuen bete horrelako bilerak deitzeko gorde behar den aldez aurreko denbora-tartea.
Bilkuran, LABek bere ezinegona adierazi zuen guzti horregatik, eta duela gutxi publiko egin ditugun aldarrikapen nagusiak defendatu genituen. Sindikatuoi ez zitzaigun eman ezta 24 orduko epea proposamenak egiteko. Eta berriro bildu gabe, atzo argitaratu zuen EHUk Gerentearen azken Erabakia, AZPko langileak aurrez aurreko jardunera itzultzeko plana “eguneratzeko” dena.
Bilerak, hala ere, bizpahiru gauza argi geratzeko balio izan zuen: Lehenik eta behin, EHUko Errektoreak ez duela ezelako asmorik langileon osasun egoera testeatzeko, ez nahitaezko zerbitzuetan egondakoak, ez kalteberak diren taldeetakoak, ez aurrez aurreko jardunera itzuli beharko direnak. Gerentearen esanetan, “behartzen ez gaituztenera arte”, behinik behin.
Bigarrenik, Ikastegi, Zerbitzu, Sail eta Unitate ezberdinetako berezko itzulera planak ez direla aldez aurretik jarriko lan-osasun ordezkarien esku, ezta Lan-segurtasun eta Osasun Batzordeen esku ere. Eta plan horiek balioztatu eta onartzea, Gerentearen esku geratuko da. Beste behin ere, langileoi eta lan-osasun ordezkariei zein Batzordeei dagozkien eskumenak kontuan hartu gabe.
Hirugarrenik, SARS-CoV-2 birusarekiko kalteberak diren langileak gaur, lehen txandan, sartuko direla lanera baieztatzeko balio izan zuen, eta hori onartezina iruditzen zaigu, besteak beste, aurretik esandakoa gezurtatzen duelako eta ez delako kontuan hartzen haien lanpostuetan dituzten baldintzak eta zereginek osasunean eragin dezaketen kaltea.
Ez dugu aipatu gabe utzi nahi EHUk haien jardunerako lan-arropa erabiltzen duten langileak (mantentze zerbitzuko langileak, kasurako ) bere etxera eraman dezala garbitzera nahi du, hots, birusa etxera eramateko aukerari ateak parez pare zabaltzen dizkio, horiek garbitu eta desinfektatzea enpresaren ardura izan behar denean, noiz eta arrisku biologiko baten aurrean gaudenean. Zur eta lur geratzeko moduko “prebentzio” neurria, alajaina!
Halaber, ez gatoz bat Administrazioak telelanaren eta kontziliazioaren aurrean duen jarrerarekin; izan ere, adierazi duenez, “nahitaezko betebeharrengatiko baimena” lehen hiru egunetarako baino ez zuen eman. Hiru egun horietatik aurrerako egunak ere halakoak zirela defendatzeko bide posibleak aztertzen ari gara. Era berean, ulertezina da unibertsitateko langile batzuek ikasturtea amaitu arte UPV/EHUn telelana egin ahal izatea eta beste batzuek bigarren hezkuntzako ikasturtea amaitu arte soilik egin ahal izatea. Dirudienez, UPV/EHUk aitona-amonek haurrak zaintzea nahi du.
Espero dugu Lan Ikuskaritzak, EHUren lan-arriskuei buruzko legezko eta erregelamenduzko ez betetzeak kontuan hartuta, gure eskubideak defendatzearen aldeko hautua egitea. Edonola ere, LABen ez dugu baztertzen gure eskubideak eta aldarrikapenak defendatzeko biderik.
UPV/EHUko Errektore-taldeak zenbait AZPri eta IRIri datorren astelehenean haien lanpostuetara itzultzeko proposamenak bidali dizkie, aldez aurretik langilegoaren ordezkariekin inolako bilerarik eta jakinarazpenik egin gabe.
Hau, beste behin ere, pandemiari aurre egiteko hartutako beste neurri eta modu autoritario baten segida baino ez da. Gogoratu dezagun UPV/EHUn, Jaurlaritzaren ereduari jarraituta, Krisi Batzorde izenekoa martxan jarri zutela. Bertan Errektore taldeko hainbat kidek, hainbat ikastegitako dekanok eta zuzendarik eta Gerenteak hartzen dute parte; hots, langileen ordezkaririk gabe ezta Prebentzio Zerbitzuko inoren parte hartzerik gabe.
Jarraitu Langileon osasuna bermatu, Balluerka busti zaitez! irakurtzen
Iragan asteko ostegunean Campus arteko Segurtasun eta Osasun Batzordea bildu zen Zuzendaritzak prestatutako UPV/EHUren aurrez aurreko jardunera itzultzeko Plana, COVID-19ak eragindako osasun alertaren ondorioz ezarritako konfinamenduaren ostean izeneko dokumentua aurkezteko.
Bileran, LABek planean planteatzen ziren hainbat gai negoziatu beharrekoak zirela aldarrikatu zuen. Zoritxarrez, beste behin ere, Errektore Taldeak ez duela negoziatzeko borondaterik argi utzi du: egun bateko epea eman zuen ekarpenak egiteko eta, beste bilerarik egin gabe, astelehenean bertan Plana ezagutzera eman zuen, LABek egindako ekarpen gutxi -eta ez funtsezkorik- onartuta.
Jarraitu Test masiboak eta osasuna bermatu langile guztiei irakurtzen
Azken egunetan bi ebazpen jaso ditugu:
Iragan larunbatean bidali zitzaigun UPV/EHUko Errektorearen ebazpena, 2020ko martxoaren14koa, COVID-19 birusaren agerraldiaren ondorioz, Euskal Herriko Unibertsitatean aurrez aurreko jarduera guztiak etetekoa dena.
Gaur, martxoak 16 honako Erabakia, 2020ko martxoaren 16koa, UPV/EHUko errektorearena, funtsezko zerbitzuak zehazteko COVID-19 birusaren agerraldia dela eta UPV/EHUn aurrez aurreko jarduera guztiak etenda dauden aldirako.
LABek, Erabaki hau sinatu ostean eduki duela horren berri, hots, gure sindikatuaren inolako kontsulta eta aldez aurretiko ezagutzarik gabe. Bestalde, funtsezko zerbitzuak zehazgabeak direla ere uste du LABek. Gainera, zerbitzu eta unitate horietako arduradunen esku geratzen da, irizpiderik gabe, nortzuk izendatuko diren funtsezko zerbitzuak betetzeko. Eta lanera etorriko direnen lan-osasun eta segurtasun baldintzak “Prebentzio Zerbitzuaren bitartez bermatuko da” esanez garbitzen du bere erantzukizuna, noiz eta soilik osasun arloko pertsonala arituko den funtsezko zerbitzu izendatuta.
Honengatik guztiagatik, LABek EHUko administrazioar honakoa eskatzen dio:
1)Funtsezko zerbitzuak betetzeko langile guztien zerrenda eman diezagula zerbitzu eta unitateka.
2)Langile horiek lanera etorri beharko badute zer-nolako segurtasun eta osasun baldintzak bete beharko dituzten idatziz igortzea.
3)Garbiketa enpresetako langileekin zer nolako segurtasun- eta osasun- baldintzak betetzeko eskatu zaizkien azpikontratatutako enpresei idatziz ere ezagutaraztea.
Zalantzak edo gorabeherak izanez gero, gurekin kontaktatzeko helbide hauetara idatzi: lab.leioa@ehu.eus; lab.gasteiz@ehu.eus; lab.donostia@ehu.eus
UPV/EHUko 2019ko Klaustrorako eta Campus Batzarretarako hauteskundeak AZP-n
Atzo egin ziren Klaustrorako hauteskuneetan LABek bultzatutako GEROA hautagaitzak 2015ean baino ordezkari bat gehiago lortu du, UPV/EHUko Klaustroan izango dituen kideak 9tik 10era pasatuz. Campuska, GEROAk mantendu du duela lau urte Araban lortu zuen ordezkaria, Gipuzkoan bezala. Bizkaian ordezkari bat gehiago eskuratu du, Campus honetatik dituen ordezkariak 7 izatera pasatuz.
Jarraitu GEROAk ordezkari bat gehiago edukiko du Klaustroan irakurtzen2019ko LEParen inguruko Batzorde Negoziatzailearen azken bilera akordiorik gabe bukatu da. LABek unibertsitatean urte askotako zerbitzuak dituen pertsonalaren egonkortasunarekiko UPV/EHUren zuzendaritzaren konpromiso falta salatu du.
Jarraitu AZPko 2019ko LEParen Akordioa ez du sinatu LABek irakurtzen