2017ko irakasle-ikertzaileen Lan-Eskaintza Publikoa onartuta

Ikertzaileak, IRI, LAB EHU, LEP

Azken ordura arte egon da argitzeke Eusko Jaurlaritzak ekonomikoki bermatuko zuen ala ez 2017ko Lan Eskaintza Publikoa (LEP). Azkenean, abenduaren 14ko Gobernu Kontseiluan UPV/EHUko zuzendaritzak zehaztu zuen 2017ko LEPean eskainiko dituen 161 irakasle-ikertzaileen lanpostuen banaketa kategoriaz, baita barne promozioaren bidez 20 katedra eskainiko dituela eta, aurten, lehenengo aldiz, LEP osagarri bat aterako duela beste 39 agregatu plazez osatua (ikusi taula).
Jarraitu 2017ko irakasle-ikertzaileen Lan-Eskaintza Publikoa onartuta irakurtzen →

Bosturtekoak behin-behinekoei ordaintzeko eskatu dugu EHUko irakasleek

IRI, IRIen Osagarriak, LAB EHU, Soldata

LAB-ek gaur goizean Bizkaia Aretoan, Gobernu Kontseiluaren aurrean, deituriko elkarretaratzean aldi bateko irakasleei bosturtekoak ordaintzeko eskatu diogu EHUko zuzendaritzari. Izan ere, aitortuak izan arren, horien ordainketa Eusko Jaurlaritzak egin beharreko araudi-aldaketan zein epaitegietan erabakitzen denaren menpe dago gaur egun. Hori dela eta, langileen alde egin dezan eta irakasle ez-iraunkorrren eta iraunkorren artean dagoen diskriminazioarekin amai dezan exijitu diogu EHUri. Jarraitu Bosturtekoak behin-behinekoei ordaintzeko eskatu dugu EHUko irakasleek irakurtzen →

Osagarriak arriskuan berriro ere!

IRI, IRIen Osagarriak, LAB EHU, Soldata

LAB eta Steilas sindikatuon lana tartean, 2017ko Osagarrien deialdia berretsi zuen Gizarte Kontseiluak pasa den urriaren 25ean izandako ezohiko bilkuran. Badakizuenez, C tramuak eskatzeko epea laburragoa zekarren deialdiak, urtea amaitu aurretik ebatzi eta urtarriletik aurrera kobratzen hasi ahal izateko asmoz, 2015ean eta 2016ean ezarritako dinamikari jarraituz. UPV/EHUren zuzendaritzak, bere aldetik, tramu hauek eskuratzeko eskaera egin duten irakasle-ikertzaileen antzinatasunari buruzko informazioa helarazi zion segituan Unibasq-i, aldeko txostenak presta zitzan zuzenean, inongo ebaluazio-komitetatik ez baitira pasatu behar eskaera hauek. Baina asteon jakin dugunez, Unibasq-ek adierazi du ez dituela ohiko epeak beteko, zergatik eta Jaurlaritzaren Hezkuntza Sailak desadostasuna adierazi duelako Gizarte Kontseiluak onartutako prozedurarekin, berau bada ere horretarako eskuduntza duen organo gorena. Jarraitu Osagarriak arriskuan berriro ere! irakurtzen →

EHUko behin behineko irakasleei aitortu zaizkien bosturtekoak ordain dakizkien eskatzeko elkarretaratzea

IRI, IRIen Osagarriak, LAB EHU, Mobilizazioa, Soldata

Aitortuta eduki arren, EHUko irakasle ez-iraunkorrak ez daude bosturtekoak kobratzen ari.
Behin behineko irakasleen urtetako aldarrikapena izan da bosturtekoak aitortu eta kobratzearena. Izan ere, irakaskuntzari dagokion osagarri hau irakasle iraunkorrei soilik onartzeak  diskriminazioa ezartzen baitu irakasleen artean.
Jarraitu EHUko behin behineko irakasleei aitortu zaizkien bosturtekoak ordain dakizkien eskatzeko elkarretaratzea irakurtzen →

Bosturtekoak behin-behineko irakasleentzat: Diskriminazioaren kontrako mobilizazioak

IRI, IRIen Osagarriak, Mobilizazioa, Soldata

Bosturtekoak aitortuta eduki arren kobratzen ez dituzten behin-behineko irakasleekin UPV/EHUren hiru Campusetan egin diren asanbladen ostean, eta egon daitezkeen zalantzetatik haratago (epaitegietan helegite indibidualak jartzea, iraunkorra izanda behin-behineko irakasle bezala aitortutako bost urtekoei uko egitea, eta abar), presio neurriak beharrezkoak zirela onartu zen gai honi irtenbidea emateko. Soilik kaltetuen erantzun irmo baten ondorioz lortuko da behin-behineko irakasleei bosturtekoen ordainketa gauzatzea. Jarraitu Bosturtekoak behin-behineko irakasleentzat: Diskriminazioaren kontrako mobilizazioak irakurtzen →

Mugimendu feministak larunbaterako deitutako mobilizazioekin egin dugu bat

IRI, Mobilizazioa, TEKAZEL

Azaroak 25 Emakumeenganako Indarkeriaren Kontrako Nazioarteko Eguna da. Hori dela eta, mugimendu feministak larunbaterako deitutako mobilizazioekin egin dugu bat. Era berean, larunbatean bertan, LABetik solasaldi bat egingo dugu Bilbon, etxeko langileen egoerari buruz hitz egiteko, “Inork ikusi nahi ez duen zapalkuntza hirukoitza” leloarekin.
Hauxek dira Emakumeenganako Indarkeriaren Kontrako Nazioarteko Egunerako aurreikusitako manifestazio nagusiak, mugimendu feministak deituta:

  • Baionan, 11:00etan, udaletxetik.
  • Bilbon, 18:30ean, Jesusen Bihotzetik.
  • Gasteiz, 18:30ean, Andra Mari Zuritik.
  • Donostia, 19:00etan, Bulebarretik.
  • Iruñea, 20:00etan, Gaztelu Plazatik.

Epaitegi Gorenak atzera bota du Eusko Jaurlaritzaren helegitea behin-behinekoentzako bost urtekoen deialdien kontra

IRI, IRIen Osagarriak, LAB EHU, Mobilizazioa, Soldata

Eusko Jaurlaritzak Euskal Autonomia Erkidegoko Auzitegi Nagusiko lan arloko salaren 2016ko maiatzaren 840/2016 sententzia errekurritu zuen, bost urtekoen deialdia behin-behineko irakasleei zabaltzeko UPV/EHU behartzen zuena. Errekurtsoa erabaki arte irakasle-ikerlarien errektoreordetzak behin-behineko irakasleentzako bost urtekoen deialdiak atera ditu baina “betetzeko behin-behinekoz” aipatutako epaia. Deialdietan jasotzen da ere aitortutako merituak ordainduko direla Hezkuntza, Unibertsitate eta Ikerketa sailaren martxoaren 4ko 41/2008 Dekretuaren aldaketa argitaratuko denean. Jarraitu Epaitegi Gorenak atzera bota du Eusko Jaurlaritzaren helegitea behin-behinekoentzako bost urtekoen deialdien kontra irakurtzen →

2017/11/23ko Klaustroa: LABek sustatutako galderei emandako erantzunak

IRI, Klaustroa, LAB EHU, TEKAZEL

Ostegunean, azaroaren 23an bilduko da Klaustroa. Bertan, 2016/2017 ikasturteko Kudeaketa Txostena eta 2017/2018 ikasturteko Jardueren Egitaraua aurkeztuko dira. Hemen duzue klaustroari buruzko dokumentazio ofiziala.
LABek sustatutako hautagaitzek 2017/2018ko Jardueren Programari dagokionez hainbat galdera aurkeztu dituzte klaustroko foroaren bitartez. Gaur, zuzendaritzak emandako erantzunak argitaratu dira. Ondoren irakurri ahalko dituzue bai galderak zein emandako erantzunak. Jarraitu 2017/11/23ko Klaustroa: LABek sustatutako galderei emandako erantzunak irakurtzen →

Irakasle ez iraunkorren bosturtekoak: asanbladak 3 campusetan

IRI, IRIen Osagarriak, LAB EHU, Mobilizazioa, Soldata

Dakizuenez, irakasle ez iraunkorrek irakaskuntzari lotutako bosturtekoak eskatu ahal badituzte ere, aitortutako bost urtekoak ez zaizkie ordaintzen (ikusi Bosturtekoak: noiz arte irakasleen eskubideak ukatzen? komunikatua).
Gai honen egoerari buruz hitz egiteko, iritziak elkartrukatzeko eta martxan jartzeko ekimenak komentatzeko, asanbladak antolatu ditugu 3 campusetan:

  • Gasteizen, azaroaren 21ean, asteartea, 13:00etan, Farmazia fakultateko 1.9 gelan.
  • Leioan, azaroaren 22an, asteazkena, 13:00etan, Liburutegi nagusiaren 6-B gelan (Master eta doktorego Eskolakoa).
  • Donostian, azaroaren 23an, osteguna, 13:00etan, Barriola zentroaren 3.1 gela (erabilera anitzeko gela).

Etortzera eta parte hartzera animatu nahi zaituztegu, ez bakarrik ez iraunkor bezala bost urtekoak aitortuta dauzkazuenak, baizik eta bost urtekoak eskatuko dituzuen irakasle ez iraunkorrak ere (laster irekiko den deialdian edota hurrengo urteetan), baita ekimen honekin elkarkidea izan nahi duten gainontzeko irakasleak ere.
Bada ordua gure eskubideen alde mugitzeko.
 

Bosturtekoak: noiz arte irakasleen eskubideak ukatzen?

IRI, IRIen Osagarriak, LAB EHU, Soldata

EHUko zuzendaritzak bere ardurak onartu behar ditu

Gaia kokatzeko…

Bi urte eta erdi pasatu dira jada behin-behineko irakasleek irakaskuntzari lotutako bosturtekoak jasotzeko aldarrikapen ekimen batzuk martxan jarri zirenetik (190 irakaslek sinatutako manifestua diskriminazio egoera salatzen, Errektoretzan kontzentrazioa, bosturtekoen eskaera erregistratzea, prentsa agerraldiak, etab.). Errektoretza taldetik behin eta berriro jasotako erantzuna ezinezkoa zela izan zen.
Jarraitu Bosturtekoak: noiz arte irakasleen eskubideak ukatzen? irakurtzen →