Kategoriaren artxiboa: IRI

LABek ikertzaileen lehenengo akordioa sinatu du baina borrokak eta negoziazioak aurrera darraite

Ikertzaileak, IRI, LAB EHU, Soldata

LABek doktoretza aurreko eta doktoretza ondoko ikertzaileentzako akordioa sinatu du. Akordioak sindikatuen aldeko gehiengo oso handia (ordezkaritzaren % 81,5) izan du Steilas eta CCOO sindikatuek ere sinatu baitute. LABek behin eta berriro eskatu du ikertzaileen lan-baldintzak negoziatzeko prozesua abiaraztea. Azkenean lortu dugu Administrazioa negoziazio prozesuan sartzea. Akordioak guztiz asetzen ez bagaitu ere, hainbat alderdi positibo ditu.

Sinatu berri den lehenengo akordio honetan doktoretza aurreko eta ondoko langileen baldintzak barneratzen dira, iraganeko egoera hobetzen hasiz: Etorkizunean jarraituko duen negoziazio prozesu honetan ikertzaile guztien gaiak jorratuko dira.

Akordioaren lerro nagusiak ondokoak dira.

Jarraitu LABek ikertzaileen lehenengo akordioa sinatu du baina borrokak eta negoziazioak aurrera darraite irakurtzen →

Abenduaren 14an kontzentrazioa: seiurtekoak ikerketa-meritu nahikoak dituzten guztientzat!

Ikertzaileak, IRI, LAB EHU, Soldata

LABetik abenduaren 14rako kontzentrazio bat antolatu dugu Leioako Campusean (12:00etan Areto Nagusiaren eskaileretan, Errektoretza eraikinaren alboan) EHUk bere langileekiko duen diskriminazio eta prekarizazio jarrera salatzeko. EHUko langile-kolektibo ezberdinen aldarrikapenen artean (ikusi LABeko atal sindikalak garatutako Aldarrikapen dekalogoa) seiurtekoena daukagu. Izan ere, lanpostu iraunkorra betetzen duten aldi baterako irakasle-ikertzaileen salbuespen bakarrarekin, gainerako aldi baterako irakasle-ikertzaileei (atxikiei, BIK/LIUei, ikertzaileei, kolaboratzaileei…) seiurtekoak eskatu ahal izatea ukatzen diete, nahiz eta kasu askotan seiurteko bat (edo gehiago) lortzeko meritu nahikoak izan. Ukatze hau diskriminazio argi bat da beren lankide iraunkorrekin alderatuta. Izan ere, maiz, artikulu beren sinatzaile bezala batera agertzen dira. Iraunkorrak direnek posible dute meritu hauek aurkeztea seiutekoak eskatu eta kobratzeko eta aldi baterakoei aukera hori ezeztatzen zaie.

Jarraitu Abenduaren 14an kontzentrazioa: seiurtekoak ikerketa-meritu nahikoak dituzten guztientzat! irakurtzen →

UPV/EHUko Administrazioaren IRIentzako 2021eko EPE proposamenaren aurrerapausoak eta gabeziak

Ikertzaileak, IRI, LAB EHU, LEP

Abenduaren 1eko Plangintza Batzordera irakasle-ikertzaileen arloko errektoreordeak aurreko Plangintza Batzordera ekarri zuen 2021eko EPEaren diseinuaren proposamen berbera ekarri du. Gogoratu iazko EPEan Administrazioak iragazki berri bat ezarri zuela plazak lehiaketara ateratzeko, irakasle atxiki bezala gutxienez 2,5 urte eramatea, alegia. Irakasle-ikertzaile batzuek irakaskuntza eskarmentu nahikorik ez zutelako gehitu omen zuten irizpide hori; jakin bazekiten arren zerrendako irakasle guztiak eskatutako akreditazioaren jabe zirela. LABek, administrazioaren alde bakarreko erabakia kritikatu zuen, irizpide berri horrek, urte luzez eskolak ematen aritutako eta epe motzean beren plaza konkurtsora ateratzea aurreikusten zuten irakasle -atxikiak zein bitarteko irakasle kontratatuak (BIK)- batzuen egonkortze prozesua luzatzen zuelako. Horren aurrean LABek alternatiba osagarri bat proposatu zuen: bost urteko irakaskuntza esperientzia metatzea nahikoa izatea iragazkia pasatzeko, atxiki moduan 2,5 urte egon izana den bezalaxe. Modu honetan, BIK bezala emandako irakaskuntza ere kontuan hartuko litzateke. Eztabaida luze baten ondoren Administrazioak gure proposamena onartu zuen, baina epea 5etik 7,5 urtetara luzatuz. LABentzat oraingo lehentasun-irizpidea, gutxienez 2,5 urte atxiki bezala egon izana edo 7,5 urteko irakaskuntza esperientzia izatea, ontzat har daiteke, 2020ko EPEan alde bakarretik ezarritako irizpide horri buelta ematen diolako neurri handi batean, irakaskuntzan urte nahikoa daramaten aldi baterako irakasle gehienei atea berriz irekitzen baitie.

Jarraitu UPV/EHUko Administrazioaren IRIentzako 2021eko EPE proposamenaren aurrerapausoak eta gabeziak irakurtzen →

Abenduaren 14an kontzentrazioa: irakasle-ikertzailen diskriminazio eta prekarizazioari EZ!

Ikertzaileak, IRI, LAB Sindikatua, Mobilizazioa, Soldata

LABetik abenduaren 14rako kontzentrazio bat antolatu dugu Leioako Campusean (12:00etan Areto Nagusiaren eskaileretan) EHUk bere langileekiko duen diskriminazio eta prekarizazio jarrera salatzeko.

7 eskaera burutu ditugu ondorengo aldarrikapen taulan, aldi baterako irakasle-ikertzaile ororen eskubideak, irakasle partzialen egoera eta aldi baterako ikertzaileen egoera larriak duintzeko.

Horretaz gain, LAB-en lanaldi partzialdun irakasleek EHUn bizi duten egoeraren diagnostiko bat egin dugu, langileen ehun personako lagina hartuta. Bertan ikusten da lanaldi partzialeko irakasleek batez bestean, %309ko lanaldiak burutzen dituztela beraien atazak burutu ahal izateko. Lanaldi partzialaren prekarietate larria agerian geratu da.

Horregatik, dei egiten dizuegu EHUko irakasle-ikertzaileoi, eta egoera larrian zaudeten kolektiboei bereziki, Abenduaren 14an Leioara etortzeko, bada ordua Errektoretzak aldaketak egin ditzan!

Auzitegi gorenak LABen interpretazioa onartuta EHUk ordaindu behar du doktoretza aurreko ikertzailei zor diena!

Ikertzaileak, IRI, LAB EHU, Soldata

2019ko martxoaren 16an doktoretza aurreko ikertzaileen Estatutua (EPIPF) Estatuan indarrean sartu zenean, LABetik behin eta berriz EHU interpelatu genuen ikertzaile hauen soldatak lege honek ezarritako gutxienekoetara egokitu zitzan baina ez genuen Administrazioaren aldetik erantzun positiborik jaso.

Egoera horren aurrean LABek dei egin zien doktoretza aurreko ikertzaileei jaso ez zituzten zenbatekoak judizialki erreklamatzera. LABetik dozenaka doktoretza aurreko ikertzaileren demandak tramitatu genituen eta erreklamatzaileen aldeko hainbat sententzia egon ziren EAEko Justizia Auzitegi Nagusiaren aldetik.

Jarraitu Auzitegi gorenak LABen interpretazioa onartuta EHUk ordaindu behar du doktoretza aurreko ikertzailei zor diena! irakurtzen →

LAB sindikatuak salatzen du UPV/EHUk ez duela jardunaldi partzialeko irakasleek egiten duten lana bere osotasunean ordaintzen

IRI

LAB sindikatuak salatzen du UPV/EHUk ez duela jardunaldi partzialeko irakasleek egiten duten lana bere osotasunean ordaintzen

LAB sindikatutik salatzen dugu UPV/EHUk ez dituela aitortzen ezta ordaintzen lanaldi partzialeko irakasleek egiten duten lana bere osotasunean. Izan ere, unibertsitateak eskola- eta tutoretza-orduak besterik ez dizkie aitortzen lanaldi partzialeko kontratua duten irakasleei; ez, ordea, ikasgaien prestakuntzarik, egin beharreko kudeaketa-lanik edo formaziorik. Hori dela eta, 1.000 pertsona inguruk osaturiko kolektibo honen egoera ezagutarazteko eta salatzeko kanpaina bat martxan jarri dugu hiru campusetan.

Jarraitu LAB sindikatuak salatzen du UPV/EHUk ez duela jardunaldi partzialeko irakasleek egiten duten lana bere osotasunean ordaintzen irakurtzen →

Lanaldi partzialdun irakaslei inkesta

IRI, Soldata

Irakasle partzial ugari jasaten ari den prekarizazioaz jabeturik, egoeraren diagnosi bat egiten ari gara LAB sindikatuan. Joan den ikasturtean egin genituen banakako galdeketen bidez jada atzeman ditugu Bitarteko Irakasle Kontratatu partzialak, batez beste, kontratuan ezartzen zaizuen ordu-kopuruaren bikoitza ari zaretela eskaintzen EHUri. Ezartzen zaizuen lan-zama ez dator bat zuen kontratuan agertzen diren klase- eta tutoretza-orduekin. Eta aitortzen eta ordaintzen ez zaizkizuen kudeaketa-lana, formakuntza-lana eta eskolen prestakuntza-lana egiten dituzue dohain. Telefonoz burutu ditugun galdeketen arabera, kontratu partziala duzuon gehiengo nagusiak ikerketa egiten duzue zuen ordu libreetan, geroago EHUren izenean ikerketak argitaratuz, EHUn karrera egiteko bide bakarra baituzue hau. Horregatik inkesta motz hau luzatzen dizuegu, EHUn JARDUN PARTZIALEAN ZAUDETEN ORORI (bai bitarteko kontratudunei bai elkartuei), zuen egoera zehatza zein den jakiteko. Zuen eskubideen alde borroka egiteko beharrezkoa dugu.

Inkestaren LINKa:

EHUko langileen prekarizazioari eta diskriminazioari ez! EHUrako finantziazio nahikoari bai!

IRI, LAB Sindikatua, Mobilizazioa, TEKAZEL

Beste behin ere, EHUko ikasturte hasierako ekitaldian erronkak eta erresilientzia, bikaintasuna eta beste hainbat hitz polit entzungo ditugu ordezkari instituzional batzuen ahotan. Hala ere, eta pandemiak sortutako zailtasun berriez gain, badaude egoera batzuk pandemia aurrekoak zirenak, pandemian mantendu direnak eta pandemia garaitzean mantenduko direnak, haiekin bukatzeko neurriak ez badira hartzen.

EHU barruko errealitate gordin horiek ez dira berriak, eta ez dira egunkari eta albistegien berriak ere. Hedabideetan ez zaio zabaltzen euskal gizarteari EHUn dagoen prekarietate eta diskriminazioaren berri.

Jarraitu EHUko langileen prekarizazioari eta diskriminazioari ez! EHUrako finantziazio nahikoari bai! irakurtzen →

Ikertzaileen lan-baldintzak negoziatzeko garaia da!

Ikertzaileak, IRI, LAB EHU

Denbora luzez eskatzen aritu ondoren uztailaren 7an izan genuen, azkenik, Errektoretza talde berriarekin ikertzaileen inguruko gaiak lantzen hasteko lehen aukera. Aldi baterako ikertzaileen kontrataziorako araudi proposamen bat helarazi ziguten sindikatuoi. Baina EHUko ikerlarien egoeraren ikuspegi partziala da aurkeztu zigutena, araudi horrek inondik ere ez baititu jasotzen gaur gaurkoz EHUn lan egiten duten ikerlarien figura guztiak. Ez lirateke hor sartuko, besteak beste, kanpo-finantziazioarekin kontratatutako ikertzaileak (PIC). Arazoa partzialki baino kontsideratzen ez duten araudietatik harago, Lan Hitzarmenean jasotako ikerlarien atalak berrikustetik eta moldatzetik abiatzea da LABen proposamena.

Jarraitu Ikertzaileen lan-baldintzak negoziatzeko garaia da! irakurtzen →

UPV/EHUn irakasle-ikertzaile prekarizaturik EZ!

IRI, LAB EHU, Soldata

LABen kezka larria dugu UPV/EHUko lanaldi partzialeko irakasle-ikertzaileen (IRI) lan-baldintza prekarioekiko. Gaur egun, UPV/EHUko 5.678 irakasle-ikertzailetatik, 955 kontratu partzial daude, %20a. Lanaldi partzialeko irakasleen hileko soldata 800 eurotik beherakoa da.

Partzialtasun horretan, irakasle asko ordaindutakoa baino askoz ordu gehiago sartzen ari zarete. Alegia, klaseak eta tutoretza ordaintzen dira, baina kudeaketa, formazioa, prestakuntza ez da ordaintzen. Eta ikerketa (egiten denean eta UPV/EHUren izenean argitaratzean) ez zaizue onartu ere egiten.

LAB-etik lan sakon bat egiten ari gara egoera hau aldatzeko. Mesedez zure egoera hau bada, edo iraganean bizi izan baduzu, naiz eta orain egoera hobean izan, SALATU UPV/EHUren kontratu mota hau, inprimatu egin dugun pegatina hau eta jarri zure bulegoko atean.

Eta egoera honetan aurkitzen bazara, idatzi e-mail honetara: lab.gasteiz@ehu.eus edo deitu 945 014 374 zenbakira, kaltetuen artean masa kritikoa sortu eta egoera hau aldatzeko.