Maiatzaren Lehena: Bizitza erdigunera

2020-04-30LAB Sindikatua, MobilizazioaLAB EHU

Garai zailak dira langile askorentzat. Batzuk kaleratuak izan dira, beste batzuk eskubide murrizketak pairatu ditugu, askok ziurgabetasunez begiratzen diote etorkizunari.

Salbuespen egoera honetan hamaika egoera latz bistaratu zaizkigu: Paris eta Madriletik ezarritako dekretuen bidez lau pareten artean zorrozki konfinatu gaituzten bitartean, prebentzio neurririk gabe lan egitera behartu gaituzte. Ikusi dugu gure osasun sistema publikoa zenbateraino ahulduta dagoen, azken hamarkadetan alderdi sistemikoek (PP, PSOE, EAJ, UPN, En Marche) ezarritako murrizketen eraginez; ikusi ditugu urteetan zaintza lanak pribatizatu eta azpigaratu izanaren ondorioak; pribatizazioaren ondorio larriak ikusi ditugu ere hondakinen kudeaketan: bi hilabete eta erdi baino gehiago dira Alberto eta Joaquin Zaldibarren desagertu zirela.

Jarraitu irakurtzen →

Indarrak batuko ditugu Lan Osasunaren Nazioarteko Egunean

2020-04-26Kanpoko berria, LAB Sindikatua, Lan osasunaLAB EHU

Apirilaren 28an Laneko Segurtasun eta Osasunaren Nazioarteko Eguna da, urtero legez. COVID19aren krisiak eta ezarri diguten salbuespen egoerak baldintzatuta izango da aurtengoan. Salaketa Eguna egingo dugu, “Lan osasuna bermatu, bizitza defendtu” leloarekin, euskal gehiengo sindikala osatzen dugun sindikatuok batuta.

Jarraitu irakurtzen →

Langileen osasuna bermatu, baita EHUn ere

2020-04-22LAB EHU, Lan osasunaLAB EHU

COVID-19 delakoaren krisia dela eta, dagoeneko itxialdiaren 6. astean sartuak garelarik, “normaltasun berri batera” urratsez urrats egingo den irteera-prozesua jomugan dute gobernuek. Izan ere, espainiar Gobernuak larrialdi-egoera maiatzaren 10era arte luzatu baduen ere, hedabideetatik “deseskaladaz” hitz egiten hasi dira, eta jada langile asko bueltatu behar izan dira ohiko jardunera lan-osasuneko berme-neurriak izan gabe.

Jarraitu irakurtzen →

Europako Sententziak ez du interinoen finkotasuna aitortzen

2020-03-19IRI, LAB EHU, LEP, TEKAZELLAB EHU

Borroka sindikala, egonkortasuna lortzeko ezinbestekoa

Gaur, martxoaren 19an, Europako Justizia Epaitegiak argitaratu berri du administrazioko langile interinoei dagokien sententzia. Lehenengo irakurketa batek berresten du UPV/EHUko LABek behin eta berriz esan duena: unibertsitateko behin-behinekotasun arazoaren irtenbidea ez da etorriko berez epaitegietatik, ekintza sindikalak orain arte bezala eragin eta eragingo duen borrokaren bidez baizik.

Jarraitu irakurtzen →

"Patronalaren neurrira egindako konfinamenduari aurre eginez, oinarrizkoa ez den produkzio oro geratu egin behar da”

2020-03-18LAB Sindikatua, Lan osasunaLAB EHU

LABeko idazkari nagusi Garbiñe Aranburuk agerraldia egin du, Streaming bitartez, egoerak hala behartuta, egungo larrialdi egoerari buruzko balorazioa egiteko. “Salbuespen egoera bat bizitzen ari gara, baina ez gara osasun publikoko krisi huts bat pairatzen ari, indarrean dagoen sistema ekonomikoa da gaixo dagoena”, nabarmendu du. Berretsi du sindikatuak hasieratik luzatutako mezua: “Lehentasuna birusaren hedapena gelditzea da. Horretarako berriro diogu: premiazkoa da edozein jarduera ekonomikoa gelditzea, herritarrentzat oinarrizko zerbitzua ez bada”.

https://youtu.be/xP9UMSPD2Pc

Jarraitu irakurtzen →

Funtsezko zerbitzuak izendatu ditu UPV/EHUk

2020-03-16LAB EHU, Lan osasunaLAB EHU

Azken egunetan bi ebazpen jaso ditugu:
Iragan larunbatean bidali zitzaigun UPV/EHUko Errektorearen ebazpena, 2020ko martxoaren14koa, COVID-19 birusaren agerraldiaren ondorioz, Euskal Herriko Unibertsitatean aurrez aurreko jarduera guztiak etetekoa dena.

Gaur, martxoak 16 honako Erabakia, 2020ko martxoaren 16koa, UPV/EHUko errektorearena, funtsezko zerbitzuak zehazteko COVID-19 birusaren agerraldia dela eta UPV/EHUn aurrez aurreko jarduera guztiak etenda dauden aldirako.

LABek, Erabaki hau sinatu ostean eduki duela horren berri, hots, gure sindikatuaren inolako kontsulta eta aldez aurretiko ezagutzarik gabe. Bestalde, funtsezko zerbitzuak zehazgabeak direla ere uste du LABek. Gainera, zerbitzu eta unitate horietako arduradunen esku geratzen da, irizpiderik gabe, nortzuk izendatuko diren funtsezko zerbitzuak betetzeko. Eta lanera etorriko direnen lan-osasun eta segurtasun baldintzak “Prebentzio Zerbitzuaren bitartez bermatuko da” esanez garbitzen du bere erantzukizuna, noiz eta soilik osasun arloko pertsonala arituko den funtsezko zerbitzu izendatuta.

Honengatik guztiagatik, LABek EHUko administrazioar honakoa eskatzen dio:
1)Funtsezko zerbitzuak betetzeko langile guztien zerrenda eman diezagula zerbitzu eta unitateka.
2)Langile horiek lanera etorri beharko badute zer-nolako segurtasun eta osasun baldintzak bete beharko dituzten idatziz igortzea.
3)Garbiketa enpresetako langileekin zer nolako segurtasun- eta osasun- baldintzak betetzeko eskatu zaizkien azpikontratatutako enpresei idatziz ere ezagutaraztea.

Zalantzak edo gorabeherak izanez gero, gurekin kontaktatzeko helbide hauetara idatzi: lab.leioa@ehu.eus; lab.gasteiz@ehu.eus; lab.donostia@ehu.eus

COVID-19 dela eta hartutako neurriak

2020-03-13LAB EHU, Lan osasunaLAB EHU

Atzo arratsaldean UPV/EHUko Administrazioak ez ohiko bilera informatibo batetara deitu zituen sindikatu guztiak. Bertan, unibertsitateak COVID-19aren pandemiaren ondorioz Eusko Jaurlaritzak martxoaren 27ra arte dozentzia presentziala bertan behera uztearen ondorioz AZP zein IRI mailan hartuko diren neurriak azaldu zizkiguten EHUko Gerenteak eta IRIen arloko Errektoreordeak.

IRIei dagokienez, honako esteka honetan kontsultza ditzakezue erabakiak: https://www.ehu.eus/eu/covid-19/ebazpenak/iip. Erabakia bera, hemen: https://www.ehu.eus/documents/10136/14189350/eusk_Resoluci%C3%B3n+PDI+coronavirus+%282020.03.12%29.pdf/45f69ccf-4b97-ee7c-1b03-493ff6354140

AZPri dagokionez, honako esteka honetan kontsulta ditzakezue erabakiak: https://www.ehu.eus/eu/covid-19/ebazpenak/azp. Erabakia bera, hemen: https://www.ehu.eus/documents/10136/14189350/AZPrako+ezohiko+neurriak+%282020.03.12%29.pdf/4179cf29-8c12-2de2-a5ce-bcd035d0c730.

Administrazioak malgutsaunez jokatuko duela adierazi zuen, langileok erantzukizunez jokatuko dugulakoan.

LABek ontzat jo zituen hartutako erabakiak.

Jarraitu irakurtzen →

Sexu heziketa gida buruzko gida Haur eta Lehen Hezkuntzako eskola komunitatearentzat

2020-03-12Feminismoa, LAB IrakaskuntzaLAB EHU

LAB Irakaskuntzatik Sexu Heziketari buruzko gida bat egin dugu Haur eta Lehen Hezkuntzako umeekin sexualitatea lantzeko. “Sexualitate askatzaileak iruten” dinamikaren barruan, eta sexu heziketa txiki txikitatik landu beharrekoa dela-eta, hezkuntzako ziklo guztietarako gida eta material zehatzak sortzea dugu helburu. Gida hau Haur eta Lehen Hezkuntzako etapak kontuan hartzen ditu, eta irakasle, hezitzaile, begirale, guraso, edo eta ikasleekin esku-hartzea duen edonori zuzenduta dago.

Informazioa hemen duzu eta gida hemen eskuratu ahal duzu.

ZALDIBAR ARGITU lanuzte deialdia

2020-03-09Kanpoko berria, LAB EHU, MobilizazioaLAB EHU

Zaldibar Argitu plataformak hiru orduko lanuzteak egitera deitu ditu herritarrak Zaldibar, Elgeta, Eibar, Mallabia eta Ermuan, ostegunean 12:00etatik 15:00etara.

Horregatik, ELA, LAB, ESK, STEILAS, HIRU eta Etxalde sindikatuek herri plataformen mobilizazioak eta lanuzterako deia babesten dugu, eta langileei dei egiten diegu martxoaren 12rako deitutako mobilizazioekin bat egitera. Mobilizazioetan parte hartzea ahalbidetzeko, lanuztea erregistratu dugu eguerdiko 12:00etatik arratsaldeko 15:00etara; beraz, legez mobilizatu ahal izango da.

Komunikatua:

ZaldibarEUS

UPV/EHUko LAB, Steilas, ELA eta CCOO sindikatuon adierazpen bateratua garbitzaileen greba dela eta

2020-03-09Elkartasuna, Kanpoko berria, LAB EHU, MobilizazioaLAB EHU

Behean sinatzen dugun UPV/EHUko sindikatuok (langileen ordezkaritzaren %81,11 dugunok) agiri honen bidez Eusko Jaurlaritzaren Hezkuntza Sailak eta UPV/EHUko azpikontratatutako garbiketa enpresen langileen grebaren aurrean honakoa adierazi nahi dugu:

Jarraitu irakurtzen →