Nahasketa-estrategia baztertu, AZP-ren aldeko ahaleginak gehitu

Egonkortasuna, LAB EHU, LEP, TEKAZEL

UPV/EHUko UGTren sail sindikalaren errepikatze gaixotia bere komunikatuen bitartez haien printzipio eta planteamenduekin bat ez datozenen izen ona galarazteko jardunbide argia da. Haien jokabidea faltsukeria nabarietan oinarritzen dira, gainontzekoen ahotan jarriz halakoak zabaltzen dituztenen suposizioak baino ez direnak. Eta lan harremanen berezko markoaren alde beren eskubideen defentsan administrazio publikoari aurre egiten dion ekinbide sindikalarekin bat datorren langile kolektiboa deabrutzen saiatzen dira.
Egia da haien libeloek ez dutela merezi kontuan hartuak izatea. Egia da ere UPV/EHUren Administrazio eta Zerbitzuetako Pertsonalarekiko errespetoak LABen sail sindikalaren ohar informatibo hau duela oinarri. Jarraitu Nahasketa-estrategia baztertu, AZP-ren aldeko ahaleginak gehitu irakurtzen →

Presoen eskubideen aldeko manifestazio nazionala Bilbon

Elkartasuna, Ikasle Presoak, LAB EHU, LAB Sindikatua, Mobilizazioa

Presoen eskubideen aldeko manifestazio nazional batera deitu du Kalera Kalerak, apirilaren 21erako, Bilbon.

Euskal presoen gaia berriro agenda politikora ekartzeko garaia dela nabarmendu du Kalera Kalerak. LAB partaide duen ezker abertzaleko dinamikak agerraldi bat egin du Iruñean, etorriko diren mobilizazioen berri emateko: apirilaren 17an, Kalera Kalerak ekimen politiko bat egingo du Galdakaon, Preso Politikoen Nazioarteko Egunean; apirilaren 18, 19 eta 20an, ekimenak egingo ditu herriz herri; eta apirilaren 21ean, manifestazio nazional batera deitu du, Bilbon egingo dena (17:30ean, La Casillatik). Gaurko agerraldian, LABeko Nafarroako bokalia Imanol Karrerak hartu du parte, besteren artean.
Jarraitu Presoen eskubideen aldeko manifestazio nazionala Bilbon irakurtzen →

Aldi baterako irakasleen bosturtekoen akordioa: urrats garrantzitsua

IRI, IRIen Osagarriak, LAB EHU, Soldata
LABeko kidea akordioa sinatzen
LABeko kidea akordioa sinatzen
Borroka luze baten ondoren, gaur LABek sinatu du UPV/EHUn aldi baterako irakasleek bosturtekoak kobratzea ahalbidetzen duen akordioa. Iragan ostiralean izandako bileran, errektoretza taldeak sindikatuei luzatutako proposamena eztabaidatu genuen. Akordiorako eskaintza puntu batzuetan hobetzea lortu dugu.
Jarraitu Aldi baterako irakasleen bosturtekoen akordioa: urrats garrantzitsua irakurtzen →

Burujabetza eta feminismoa hizpide izango dituzte ostiralean Leioako Campusean eta Bilbon

Feminismoa, LAB Sindikatua

“Terra de Ningú” liburuaren aurkezpena baliatuko dute bi mahai inguru antolatzeko.
“Terra de Ningú” liburua Kataluniako prozesu eratzaileari begirako ekarpena da. Mundu mailako emakume ezberdinen ekarpenekin egindako liburua da. Liburuaren aurkezpena egingo dute ostiralean, eta Euskal Herrira begirako eztabaida mahai gaineratzeko baliatuko dute eguna.
Jarraitu Burujabetza eta feminismoa hizpide izango dituzte ostiralean Leioako Campusean eta Bilbon irakurtzen →

Eraso sexistarik ez, bihar kontzentrazioa Bilboko Ingeniaritza Eskolan

Berdintasuna, Elkartasuna, LAB EHU, Mobilizazioa

UPV/EHUko ikasle batek jasan duen eraso sexista bat salatu eta elkartasuna adierazteko kontzentrazio deialdia egin du San Mameseko Ingeniari Feministak (SIF) taldeak.
LABek ez du onartzen inolako eraso sexistarik eta dei egiten dizuegu bihar, martxoak 27, 14:00etan, G eraikinean egingo den kontzentrazioan parte hartzera.
Bilboko Ingeniaritza Eskolaren SIFek zabaldu duen komunikatua.

Borroka sindikalaren lehenengo emaitza: bosturtekoen ordainketa

IRI, IRIen Osagarriak, LAB EHU, Soldata

Gaur UPV/EHUko administrazioak sindikatuekin burutu beharreko Negoziazio Kolektiboari hasiera eman dio. Negoziaziorako proposatutako gaiak honako hauek dira:

  • Aldi baterako langileen bosturtekoak eta seiurtekoak
  • Egonkortasuna
  • Prestakuntza eta berrikuntza
  • Ikertzaileak
  • Arduraldi partzialeko irakasleen lan baldintzak
  • Irakasle-ikertzaileen ordezkapenetarako poltsen arautegia
  • Erretiroak
  • Irakats betebeharraren banaketa

Jarraitu Borroka sindikalaren lehenengo emaitza: bosturtekoen ordainketa irakurtzen →

Dei egiten dugu pentsio duinen aldeko borroka indartzera

Erretiroa, LAB EHU, LAB Sindikatua, Mobilizazioa

LABek bat egiten du pentsioen defentsan dauden deialdiekin, datorren martxoaren 17koak barne. Zentzu honetan, bereziki aipagarria iruditzen zaio sindikatuari Euskal Herriko Pentsionisten Plataformek aurrera eramandako borroka, 1.080 eurotako gutxieneko pentsioen alde, babes eta gizarte segurantza sistema propioaren alde eta pentsioak KPIaren arabera eguneratzearen alde.
Jarraitu Dei egiten dugu pentsio duinen aldeko borroka indartzera irakurtzen →

Martxoaren 8ko greba feminista UPV/EHUn: arrakasta eta erresistentziak

Berdintasuna, IRI, LAB EHU, Mobilizazioa, TEKAZEL

Historiko hitza erabiltzeak inoiz zentzua izan badu, dudarik gabe, 2018ko Martxoaren 8an bizi izandako mobilizazio-egunaren harian izan da. LABeko Idazkaritza Feministako kide Zaloa Ibeasen esanetan, greba feministak feminismoaren alde egitea posible eta beharrezkoa dela erakutsi zuen: “Garai berria ireki du Euskal Herrian emakumeentzat eta mugimendu feministarentzat. Emaitzak ikusgarriak izan dira, baina eman dugun urratsaren ondorioak ikusgarriagoak izango dira”.
Jarraitu Martxoaren 8ko greba feminista UPV/EHUn: arrakasta eta erresistentziak irakurtzen →

2016 eta 2017ko lan kontratudun AZP-ren LEPa :: UPV/EHUn aldi baterako kontratuarekin dauden 77 pertsona finko bilakatzeko aukera ez galtzea

LAB EHU, LEP, TEKAZEL, ,

Ez dakigu zehazki nondik atera duen UGT-k informazioa esateko LABek zalantzak dituela sindikatuak burutzen ari diren 2016/2017ko LEParen inguruko lanen legalitateaz hura beharrezko berme juridikoekin egiteko eta, ondorioz, inork UPV/EHUren AZPri dagozkion eskubideak zalantzan jarri ahal ez izateko. Jarraitu 2016 eta 2017ko lan kontratudun AZP-ren LEPa :: UPV/EHUn aldi baterako kontratuarekin dauden 77 pertsona finko bilakatzeko aukera ez galtzea irakurtzen →