EHUko ordezkapen politika berriak IRAKASLE GUZTION lan-baldintzak okertzen ditu

IRI, LAB EHU

Aurreko komunikatu batean ordezko irakasleen baldintzen okertzearen arriskua ohartarazten genuen. Orain gure kezka errealitate bilakatu da. LOSU lege berria bere erara interpretatu du EHUko zuzendaritzak. LOSUren 80. artikuluak dio ordezkapen bat egingo duen unibertsitateko irakasleak ezingo duela ikertu edo egiturazko kudeaketa eta koordinazio funtziorik izan (1). Hori baliatuz, EHUk erabaki du arduraldi osoko irakasle-ikertzaileen ordezkoak lanaldi partzialekoak izango direla nahiz eta 41/2008 dekretuak arduraldi osokoak izatea ahalbidetzen duen. Beraz, arduraldi osoko irakasle-ikertzaileen ordezkoei askoz jota soldata osoaren % 34,29 bakarrik ordainduko zaie (astean 6 ordutakoak baldin badira) eta gizarte segurantzan proportzio berdinean kotizatuko dute, plaza hutsak betetzen dituzten irakasleak salbu. Hau da, 6 ordutakoen soldata gordina 11.360 € eta 4 ordutakoena 7.584,37 € urtean. EHU jada hasi da amatasun baimen zein bajen ordezkapenak era horretan egiten!

Jarraitu EHUko ordezkapen politika berriak IRAKASLE GUZTION lan-baldintzak okertzen ditu irakurtzen →

Finkotasunaren aldeko epaia, barne promozioa, zerbitzu betekizun eta eginkizunen esleipenak

Eginkizunen Esleipena, LAB EHU, LEP, TEKAZEL, Zerbitzu Betekizunak

LABek UPV/EHUko aldi baterako AZP baten finkotasunaren aldeko epaia lortu du.

Ekainaren 13an, asteartean, argitaratutako epai batek arrazoia eman dio finkotasun-demanda jarri zuen aldi baterako langile bati.

Epai horrek berretsi egiten du LABen sail sindikalaren planteamendua, sindikatuak uste baitu Iceta legeak eta UPV/EHUn, Steilas , UGT, ELA,CCOO eta CGT sindikatuek sinatutako 2019-2022ko LEP-een gutxienekoen akordioak ez dituztela aitortzen aldi baterako langileen eskubideak, eta, zehazki, egonkortasunari dagozkionak.

Jarraitu Finkotasunaren aldeko epaia, barne promozioa, zerbitzu betekizun eta eginkizunen esleipenak irakurtzen →

Gure datuak, den denak, Microsoft eta ChatGPTren esku. Uko egin migrazioari!!

IRI, LAB EHU, TEKAZEL

2020 urtearen hasieran jakin izan genuen UPV/EHUko zuzendaritza taldeak irakasle-ikertzaile, administrazio eta zerbitzuetako pertsonala eta ikasleen posta elektronikoak Microsoft Office 365era migratu nahi zituela erabiltzaileei bestelako aukerarik eman gabe. LABeko sail sindikalak argi utzi zuen bere jarrera zenbait komunikatutan [1] [2].

Bestetik, proiektuak sortutako kezka dela eta, UPV/EHUko komunitateko hainbat pertsonek, LABek bultzatuta, EHU ez dago salgai! UPV/EHUn pribatizazioen kontrako plataforma [3] sortzea erabaki zuten. Kezka nagusiak: datu pertsonalak, proiektu eta ikerketen emaitzak enpresa pribatuen esku uztea, multinazional baten produktuekiko menpekotasuna, UPV/EHUren izaera publikoaren galera eta UPV/EHUren dirua azpikontratazioetan xahutzea. Urte horretan sinadura bilketa egin zen eta unibertsitateko langile, ikasle, sindikatu, eta norbanako zein elkarteen 700 atxikimendu baino gehiago jaso ziren. Jasotako sinadurak eta plataformaren aldarrikapenak UPV/EHUko zuzendaritza taldeari helarazi zitzaizkion.

Jarraitu Gure datuak, den denak, Microsoft eta ChatGPTren esku. Uko egin migrazioari!! irakurtzen →

LOSU eta ordezko irakasleak: prekaritatea handitzeko benetako arriskua

IRI, LAB EHU

LOSUren aplikazioak ondorio sakonak izango ditu EHUn. Hurrengo hilabete eta urteetan aldaketa garrantzitsuak gauzatuko dira hainbat arauditan, eta EHUko antolaketan, gobernantzan eta langileon lan-baldintzetan islada izango dute. LABetik jarraipen estua egin genion LOSUren garapenari eta orain buru-belarri ari gara LOSUren inplementazioaren jarraipenean. Izan ere, alderdi garrantzitsu asko definitu behar dira eta mehatxu argi batzuk daude. Haien artean, ordezkapenak egingo dituzten irakasleen lan-baldintzak eta soldatak.

Jarraitu LOSU eta ordezko irakasleak: prekaritatea handitzeko benetako arriskua irakurtzen →

Patronalaren eta instituzioen erabakiek gaixotu eta hiltzen gaituzte

LAB Sindikatua, Lan osasuna

Apirilak 28 • LANEKO SEGURTASUN ETA OSASUNAREN NAZIOARTEKO EGUNA

Lan-osasunaren egoerak okerrera egin du. Datuak argiak dira. Ez du LABek bakarrik esaten; datu ofizialek ere esaten dute, nahiz eta mutualitateek sortuak izan, EAEko zein Nafarroako gobernuek uko egin baitiote datuak biltzeko sistema propioa izateari. Urtetik urtera gora egiten dute lan-istripuek, eta hiltzen diren langileen kopuruak ere gora egiten du. Iaz 69 langile hil ziren lanean Euskal Herrian. Azken hamarkadan 580 langilek galdu dute bizitza lanean. Gaixotasun profesionalak ugaritu egin dira, mutuek onartzen ez badituzte ere, eta Gizarte Segurantzara bideratzen dira. Arrisku psikosozialek, estresak, antsietateak eta lanetik eratorritako minbizi kasuek, gaixo- tasun muskulu-eskeletikoek, amiantoak eta abarrek gora egiten dute.

Jarraitu Patronalaren eta instituzioen erabakiek gaixotu eta hiltzen gaituzte irakurtzen →

Beste Euskal Herri bat, ‘beste mundu bat’ aldarrikatuko dugu Maiatzaren Lehenean

LAB Sindikatua, Mobilizazioa

Bizi dugun krisia egiturazkoa da eta langileen bizimodua zaildu baino ez du egiten, kapitalak aberastasuna metatzen jarraitzen duen bitartean. Hori guztia dela eta, LAB Euskal Herri osoan zehar zortzi mobilizazio egingo ditu Maiatzaren Lehenean, erantzuleak seinalatu eta errotiko aldaketaren beharra plazaratzeko asmoz. Garbiñe Aranburu koordinatzaile orokorrak eta Maider Jauregi komunikazio arduradunak aurkeztu dute sindikatuaren aurtengo irakurketa eta irudia.

Hego Euskal Herriko egoera sozioekonomikoaren azterketa kaleratu du berriki sindikatuari lotutako Ipar Hegoa fundazioak, Ikusmiran txostenaren 13. zenbakia. Azterketa horrek, Maiatzaren Lehenean kaleak betetzeko arrazoiak indartu egiten ditu.

Jarraitu Beste Euskal Herri bat, ‘beste mundu bat’ aldarrikatuko dugu Maiatzaren Lehenean irakurtzen →

LABek doktoretza aurreko ikertzaileen soldata hobetzeko akordioa sinatu du baina borrokak eta negoziazioak aurrera darraite

Ikertzaileak, IRI, LAB EHU, Soldata

Aurreko komunikatu batean plazaratu genuen negoziazio prozesuan ikertzaileen soldatak duintze bidean zenbait hobekuntza egitera konprometitu zela Errektoretza, 2021eko abenduko akordioa oinarritzat hartuta. Doktoretza aurreko ikertzaileei dagozkien konpromisoak akordio batean gauzatu dira LABetik eskatu dugun gisara, eta sinadura gauzatu da gaur. Akordioak sindikatuen aldeko gehiengo (%59a) izan du, LABez gain Steilasek ere sinatu baitu. Akordioa EHUko aurrekontuen onarpenaren aurretik egin denez soldata igoera aurten aplikatuko da 2023ko urtarriletik atzera eraginez. Maiatzean izatea espero da.

Jarraitu LABek doktoretza aurreko ikertzaileen soldata hobetzeko akordioa sinatu du baina borrokak eta negoziazioak aurrera darraite irakurtzen →

LABek irabazi ditu beste behin ere UPV/EHUko hauteskunde sindikalak

Hauteskunde Sindikalak, IRI, LAB EHU, TEKAZEL

LABek jarraitzen du lehen indar sindikala izaten EHUn, bozka kopuru eta ordezkaritan

Atzo gauean aurreratu genuen bezala, LAB sindikatuak irabazi ditu 2023ko hauteskunde sindikalak UPV/EHUn.

LABek 23 ordezkari lortu ditu eskuratutako 651 bozkari esker. Gainera, esan beharra dago, parte hartzea txikiagoa izan den hauteskundeetan, oro har, indar korrelazioa berdintsu geratu da.

Jarraitu LABek irabazi ditu beste behin ere UPV/EHUko hauteskunde sindikalak irakurtzen →

ZUREKIN BAGARA! Martxoaren 30ean EHUn BOZKATU LAB!

Hauteskunde Sindikalak, IRI, LAB EHU, TEKAZEL

Ostegun honetan, martxoak 30, goizeko 9:00etatik arratsaldeko 18:00ak arte bozkatzeko aukera izango duzu! Azken egunotan e-mail bidez bidali dizugu LABetik azken 4 urteotan eginikoa, eta gure egitasmoak ere. Beherago aurkituko duzu EHUko 111 irakasle-ikertzailek eta 57 administrazio eta zerbitzuetako langilek babesten dugun programaren esteka. LABetik EHU hobe bat egiten ari gara, Euskal Herriko unibertsitate sistema publiko euskalduna indartzen. Eta datozen lau urteetan tinko jarraituko dugu gure egitasmoekin!

Irakasle Ikertzaileen programaren esteka

Administrazio eta Zerbitzuko Pertsonalaren programaren esteka

Zergatik bozkatu LAB (Bideoak).

https://www.labur.eus/LAB2023

ZUREKIN BAGARA! Martxoaren 30ean EHUn BOZKATU LAB!

Gogoan eduki, lau bozka leku izango dira, erroldatuta zauden horretara jo beharko duzu. (zalantza baduzu zein den jarri harremanetan gurekin)

Hauteslekuen kokapena: 

ARABAn: Arabako Campuseko Errektoreordetza.

1. solairua, Batzar Aretoa: IRI funtzionario eta lan kontratudunentzako mahaiak; AZPko funtzionario eta lan kontratudunentzako mahaiak

GIPUZKOAn: Inazio Barriola Zentroa

Auditoriora sartzeko hall-ean.

BIZKAIA-LEIOAn: Errektoregoaren Eraikina.

1. solairua, Batzar Aretoa, AZPko funtzionario eta lan kontratudunentzako mahaiak

0. solairua, Enpresa mintegiko 1. Aretoa (Zitek), IRI funtzionario eta lan kontratudunentzako mahaiak.

BIZKAIA-BILBOn: Bilboko Ingeniaritza Eskola.

II. eraikineko. M Blokea (ate berdea), 4. solairua, P4M4A gela: AZPko funtzionario eta lan kontratudunentzako mahaiak
II. eraikineko. M Blokea (ate berdea), 5. solairua, P5M4A gela: IRI funtzionario eta lan kontratudunentzako mahaiak

ZUREKIN BAGARA! Martxoaren 30ean EHUn BOZKATU LAB!

Martxoaren 30ean Hauteskunde Sindikalak: Posta bidezko bozketa

Hauteskunde Sindikalak, IRI, LAB EHU, TEKAZEL

Hemen daukazue UPV/EHUk atera duen argibide-orria martxoaren 30ean, ostegunarekin,  hauteskunde sindikaletan botoa postaz emateko.

Martxoaren 30ean dagokizun hauteskunde-mahaira hurbiltzeko arazoak aurreikusten badituzu, aldez aurretik postazko botoa tramitatu beharko zenuke. Bozka bakoitzak garrantzi handia du!

Gogoratu mahaian bertan botoa emateko zure campusean soilik egin ahal izango duzula, beraz ziurtatu non zauden erroldatuta (errolda zure ikastegiko taulan dago ikusgai, bestela gurekin jarri harremanetan kontsulta egiteko). Posta bidez egitea hobesten baduzu, bi urrats eman beharko dituzu:

  • Lehen tramite gisa Correos-en bidez inprimaki bat bidali behar zaio Hauteskunde Mahaiari, botoa posta bidez emateko borondatea azalduz (inprimakia hemen).
  • Ondoren, zure helbidean jasoko dituzu kandidatura guztiak, berriro ere Correos-era joateko zure botoarekin.

Edozelan ere, parte hartzearen irudia ematearren, LABek hauteskunde egunean bertan bozka emateko aholkua egiten du, beraz, posta bidezko botoa soilik gomendatzen dugu egun horretan bertaratzea ezinezkoa bazaizu.

Martxoaren 30ean BOZKATU LAB!