LAB sindikatua eta Ernai gazte erakundea EHUko Gizarte kontseiluaren ekainaren 29ko bilkuraren aurrean elkarretaratu gara EHUko Zuzendaritza taldeak inposatu nahi duen neurri berria salatzeko. Izan ere, ikasleen posta elektronikoaren kontuak Microsoft Office 365-era migratu nahi ditu, zerbitzu hau pribatizatuz eta ikasleen pribatutasuna kolokan jarriz.
Jarraitu Ikasleon datuak multinazionalen esku? UPV/EHUren zerbitzuen pribatizazioari ez! irakurtzen
2020 urtearen hasieran jakin izan genuen UPV/EHUko zuzendaritza taldeak irakasle-ikertzaile, administrazio eta zerbitzuetako pertsonala eta ikasleen posta elektronikoak Microsoft Office 365era migratu nahi zituela erabiltzaileei bestelako aukerarik eman gabe. LABeko sail sindikalak argi utzi zuen bere jarrera zenbait komunikatutan [1] [2].
Bestetik, proiektuak sortutako kezka dela eta, UPV/EHUko komunitateko hainbat pertsonek, LABek bultzatuta, EHU ez dago salgai! UPV/EHUn pribatizazioen kontrako plataforma [3] sortzea erabaki zuten. Kezka nagusiak: datu pertsonalak, proiektu eta ikerketen emaitzak enpresa pribatuen esku uztea, multinazional baten produktuekiko menpekotasuna, UPV/EHUren izaera publikoaren galera eta UPV/EHUren dirua azpikontratazioetan xahutzea. Urte horretan sinadura bilketa martxan jarri zen eta unibertsitateko langile, ikasle, sindikatu, eta norbanako zein elkarteen 700 atxikimendu baino gehiago jaso ziren. Jasotako sinadura guztiak eta plataformaren aldarrikapenak EHUko zuzendaritza taldeari helarazi zitzaizkion.
Jarraitu UPV/EHUko ikasleen datuak Microsoft O365en esku irakurtzenPasa den Gobernu Kontseiluan 2.021eko ordainsari-osagarri gehigarrien deialdia onartu zen. Ekainaren 29an egingo den Gizarte Kontseiluak berretsi ondoren argitaratuko da.
LAB eta Steilas sindikatuok aspaldi salatzen ari gara osagarrien deialdia, 2.018tik hona, urtebetez sistematikoki atzeratzen ari dela, eta horrek osagarrien ordainketa atzeratzen duela. Osagarrien sistemak ezartzen duen bost urteko zikloa, de facto, sei urteko ziklo bihurtu dute eskatzeari dagokionez, eta zazpikoa kobratzeari dagokionez.
Beste behin esan beharrekoa da lansari-osagarri gehigarrien sistema hau EHUko irakasle-ikertzaileen oinarrizko soldata txikiak osatzeko edo konpentsatzeko modu bat baino ez dela, funtsean. Horregatik onartezinak iruditzen zaizkigu ematen diren atzerapenak.
Jarraitu Osagarriak garaiz eta eguneratuta! irakurtzen
Irakasle Agregatu, Irakasle Titular, Irakasle Oso eta Katedradunentzako 2022ko UPV/EHUko Enplegu Publikorako Eskaintza (EPE) onartu zen pasa den maiatzaren 24ko Gobernu Kontseiluan.
197 plaza aterako dira guztira txanda librean:
Bestalde 20 katedra aterako dituzte barne promoziorako.
Jarraitu EHUko Gobernu Kontseiluak 2022ko irakasle-ikertzaileen enplegu publikoaren eskaintza onartu du irakurtzenPasa den asteartean, UPV/EHUko gerenteak eta irakasle eta ikertzaileen errektoreordeak sinatuta, ohartarazpen bat helarazi zigun zuzendaritzak langile guztioi: hainbat epaietan, Auzitegi Gorenak erretiroa hartzeagatik ordaintzen diren kalte ordainak jasotzen dituzten akordioak zuzenbidearekin bat ez datozela ebatsi omen duela-eta, eta indarrean dauden 2015eko hartutako akordioen lehenengo xedapen gehigarriak, legezko oinarriak, hitzarmenak edo egoera ekonomika aldatzen bada, jasotzen duen akordioak berrikusteko aukera dela-eta, administrazioak akordioak salatuko duela eta negoziazioari ekingo dio.
Jarraitu LABek salatzen du erretiroaren murrizketak iragartzeko UPV/EHUk aukeratutako bidea langileen eskubideen eta negoziazio kolektiboaren aurkako jarrera dela irakurtzen
Duela aste gutxi LABetik informatu genizuen doktorego aurreko kontratuen kasuan EAEko foru-arauek esaten dutenaren kontra PFEZa atxikitzen ari zela.
Jarraitu Doktorego aurreko ikertzaileen PFEZaren atxikitzea: argibide batzuk egoera nahasian irakurtzen
Komunikatu honek ikertzaile kolektibo desberdinentzako intereseko informazioa biltzen du.
LAB sindikatuak EHUn langile kolektibo batzuk jasaten ari diren lan baldintza prekarioak aldatzeko pausoak ematen jarraitzen du. Bide horretan mugarri garrantzitsu bat 2021eko abenduan sinatutako Aldi baterako kontratatutako ikertzaileen hitzarmena izan zen.
Jarraitu Ikerlarien intereseko informazioa irakurtzen
Azken hilabete honetan egin da, azkenean, aspalditik eskatzen ari ginen lan poltsen araudiaren moldaketaren negoziazioa. Orain dela urtebete, LABetik aldaketa proposamen zabal bat prestatu genuen, afiliatuen ekarpenekin osatu genuena. Baina, 2021eko uda aurretik bilera pare bat egon baziren ere, otsailaren bukaera arte Errektoreordetzak ez dio gaiaren negoziazioari berriz ekin, martxoaren 31ko Gobernu Kontseilura araudi berria eramateko asmoz. Denboraz estu ibili gara hain negoziazio garrantzitsuari ekiteko. Arautegi berriak LABek luzatutako aldaketa esanguratsuak jasotzen baditu ere, gure beste ekarpen batzuk kanpoan geratu dira. Hala ere, arautegia hobetzea lortu dugula iruditzen zaigu, eta akordioa sinatzea erabaki dugu.
Jarraitu LABen balorazioa irakasleak ordezkatzeko poltsen arautegi berriaren inguruan irakurtzenGerra guztien lehenengo biktima egia dela esan omen zuen Eskilok. Hori dela eta, kazetarien lana ezinbestekoa da gatazka armatuetan gertatzen dena ezagutarazteko. Hori dela eta, Ukraniako gerraren kontakizuna ez ezik Munduan dauden gainerako 83 guden kronika zintzoa egiteko profesional zintzoak behar ditugu, eta horretan ari dira Euskal Herriko Unibertsitateko Gizarte eta Komunikazio Zientzietan ikasitako hainbeste kazetari. Pablo Gonzalez Yague berri-emailea Polonian atxilotu zutela hilabete bete delarik, oraindik ez EHUk ez Fakultateak ezer ez esatea ulergaitza egiten zaigu Pablo bertako doktoregaia dela jakinda.
Jarraitu #FreePablo aldarria egin dezan eskatzen diogu EHUko errektoretza-taldeari irakurtzenGizon eta emakumeen arteko berdintasuna sustatzeko negoziatzeko batzorde intersektorialean UPV/EHUko kontziliazio-neurriak hobetzeko akordio bat adostu genuen Martxoaren 10ean sindikatuok eta zuzendaritzak. LABek gaur, akordio bera sinatuko du langileek bizitza pertsonala eta laborala uztartzeko noranzkoan aurrerapausoa baita; hala ere, azaldu behar dugu bide luzea dagoela unibertsitatean benetako politika feministak ezarri ahal izateko. Gure ustez, aukera galdua izan da UPV/EHUri gizarteak eskatzen dion aitzindaritasuna, berdintasun-politiketan ere, erakusteko.
Jarraitu Genero-arrakala murrizteko eta politika feministen alde borrokatzen jarraituko du LABek, kontziliazioaren inguruko akordioaren harago irakurtzen